அரசியல் ஆதாயத்திற்காக வரலாற்று உண்மைகளை பிரதமர் மோடி திரித்து பேசுவதாக காங்கிரஸ் இடைக்கால தலைவர் சோனியா காந்தி கண்டனம் தெரிவித்துள்ளார்.

கொரோனாவால் தனிமை:

இந்திய தேசிய காங்கிரஸ் கட்சியின் இடைக்கால தலைவரான சோனியா காந்தி, சமீப காலமாகவே நேஷனல் ஹெரால்டு வழக்கில் விசாரணைக்காக ஆஜராகி வந்தார். இதனை எதிர்த்து காங்கிரஸ் தரப்பில் போராட்டம் நடைபெற்று வந்தது. இந்நிலையில், கடந்த 13 ஆம் தேதி கொரோனா உறுதியானதையடுத்து, சோனியா காந்தி தன்னை தனிமைப்படுத்திக் கொண்டார். கடந்த 3 மாதங்களில் இவருக்கு இரண்டு முறை கொரோனா தொற்று உறுதி செய்யப்பட்டது குறிப்பிடத்தக்கது.

சுதந்திர தின வாழ்த்து:

இந்திய நாட்டின் 75வது சுதந்திர தினத்தை  இந்திய மக்கள் அனைவரும் கொண்டாடி வரும் வேளையில்,  நாட்டு மக்களுக்கு பல்வேறு அரசியல் தலைவர்கள் சுதந்திர தின வாழ்த்துக்களை கூறி வருகின்றனர். அந்த வரிசையில் காங்கிரஸ் இடைக்கால தலைவர் சோனியா காந்தி "இந்திய மக்களுக்கு சுதந்திர தின வாழ்த்து" தெரிவித்து அறிக்கை வெளியிட்டுள்ளார்.

பல்வேறு துறைகளில் முத்திரை:

சோனியா காந்தி வெளியிட்டுள்ள அறிக்கையில், ”கடந்த 75 ஆண்டுகளில், நாம் நிறைய சாதித்துள்ளோம். இந்தியர்களின் கடின உழைப்பால் அறிவியல், கல்வி, சுகாதாரம் மற்றும் தகவல் தொழில்நுட்பம் உள்ளிட்ட அனைத்து துறைகளிலும், இந்தியா சர்வதேச அரங்கில் அழிக்க முடியாத முத்திரையை பதித்துள்ளதாக பாராட்டியுள்ளார். மேலும், தொலைநோக்கு பார்வை கொண்ட தலைவர்களின் தலைமையில் சுதந்திரமான, நியாயமான மற்றும் வெளிப்படையான தேர்தல் முறையை இந்தியா நிறுவியுள்ளது. அதே நேரத்தில் ஜனநாயகம் மற்றும் அரசியலமைப்புகளையும் வலுப்படுத்தி உள்ளது.  இதனால் உலக நாடுகளுக்கு ஒரு முன்னணி நாடாக  இந்தியா தனது பெருமையை எப்பொழுதும் அடையாளப்படுத்தி கொண்டிருப்பதாக கூறியுள்ளார்.

स्वतंत्रता दिवस पर कांग्रेस अध्यक्ष श्रीमती सोनिया गांधी का संदेश।#IndiaAt75 pic.twitter.com/PduEihxQGv

— Congress (@INCIndia) August 15, 2022

அரசியல் ஆதாயத்திற்காக உண்மைகளை திரித்து பேசுவதா:

சுதந்திர தின வாழ்த்து மட்டுமின்றி சோனியா காந்தி, மத்திய அரசை சாடியும் உள்ளார். கடந்த 75 ஆண்டுகளில் நாம் பல சாதனைகளைச் செய்துள்ளதாக கூறிய அவர், தற்போதைய மத்திய அரசாங்கம் சுதந்திரப் போராட்ட வீரர்களின் அளப்பரிய தியாகங்களையும், நாட்டின் பெருமைமிக்க சாதனைகளையும் புறக்கணிப்பதில் பிடிவாதமாக உள்ளது, இது ஏற்க கூடியது அல்ல எனவும் அவர் சாடியுள்ளார்.  அரசியல் ஆதாயத்திற்காக உண்மைகளை தவறாக சித்தரிப்பதையும், காந்தி-நேரு-படேல்-ஆசாத் ஜி போன்ற தேசிய தலைவர்களின் தியாகங்களை பொய்யாக்கும் அடிப்படையில் கேள்வி கணைகள் தொடுக்கப்படுவதாகவும் சோனியாகாந்தி விமர்சித்துள்ளார். இதையெல்லாம் இந்திய தேசிய காங்கிரஸ் கடுமையாக எதிர்க்கும் எனவும் தெரிவித்துள்ளார் இவ்வாறு அந்த அறிக்கையில் சோனியா காந்தி குறிப்பிட்டுள்ளார்.

என் அளவுக்கு அண்ணாமலைக்கு அரசியல் அனுபவம் பத்தாது என்று விசிக கட்சித் தலைவர் தொல்.  திருமாவளவன் கூறியுள்ளார்.

விசிக கட்சி கண்டன ஆர்ப்பாட்டம்:

கள்ளக்குறிச்சி மாணவி ஸ்ரீமதி உயிரிழந்த விவகாரத்தில் மாணவியின் இறப்பிற்கு நீதி கேட்டும், கலவரத்தில் கைது செய்த அப்பாவி இளைஞர்களை விடுவிக்கக்  கோரியும், மாணவி ஸ்ரீமதி உயிரிழப்பில் கைதானவர்களை குண்டர் தடுப்பு சட்டத்தில் அடைக்கக் கோரியும் விடுதலை சிறுத்தைகள் சார்பில் கள்ளக்குறிச்சியில் கண்டன ஆர்ப்பாட்டம் நடைபெற்றது. இந்த ஆர்ப்பாட்டத்தில் சிறப்பு விருந்தினராக கட்சியினுடைய தலைவர் தொல். திருமாவளவன் பங்கேற்று ஆர்ப்பாட்டத்தில் ஈடுபட்டார். 

தொல். திருமாவளவன் உரை:

மாணவி ஸ்ரீமதிக்கு நீதிகேட்டு கள்ளக்குறிச்சியில்  நடைபெற்ற கண்டன ஆர்ப்பாட்டத்தில் உரையாற்றிய திருமாவளவன், பள்ளி மாணவி ஸ்ரீமதி உயிரிழப்பு  தற்கொலையா? அல்லது கொலையா? இறப்புக்கான காரணம் குறித்து உரிய முறையில் விசாரணை மேற்கொள்ள வேண்டும் என கூறினார். 

சரமாரியான கேள்விகளை அடுக்கிய திருமாவளவன்:

மாணவி வழக்கில் சிபிசிஐடி விசாரணை மற்றும் சிறப்பு புலனாய் குழு விசாரணை நடத்தி வரும் நிலையில் சிசிடிவி காட்சிகள் எப்படி வெளியானது எனவும் கேள்வி எழுப்பினார்.  மேலும் மாணவியை தூக்கிச் செல்லும் சிசிடிவி காட்சிகள் மற்றும் வகுப்பறையில் அமர்ந்து படிக்கக்கூடிய சிசிடிவி காட்சிகள் வெளியாகிய நிலையில் மாணவி மேலிருந்து கீழே விழுந்ததாக கூறப்படக்கூடிய சிசிடிவி காட்சிகள் மட்டும் ஏன் வெளியிடப்படவில்லை என சரமாரியாக கேள்விகளை அடுக்கினார். 

செருப்பு வீச்சு விவகாரம்:

தொடர்ந்து பேசிய அவர், தமிழக நிதித்துறை அமைச்சர் பழனிவேல் தியாகராஜன் நேற்று மதுரை விமான நிலையம் வந்தடைந்த தமிழக ராணுவ வீரரின் உடலுக்கு நேரில் சென்று மலர் அஞ்சலி செலுத்தி விட்டு திரும்பிய போது, தேசிய கொடி பறந்து கொண்டிருந்த அவரது காரின் மீது காலணிகளை வீசிய பாஜகவினருக்கு கடும் கண்டனம் தெரிவித்தார்.

அண்ணாமலைக்கு அனுபவம் பத்தாது:

பாஜகவின் மாநில தலைவர் அண்ணாமலை ஐபிஎஸ் படித்துவிட்டு நேராக அரசியலில் வந்துள்ளார். ஆனால், எனக்கு 32 ஆண்டுகள் அரசியலில் அனுபவம் உள்ளது.  என்னுடைய அனுபவத்திற்கு கூட ஈடாகாமல் அண்ணாமலை பாவம் கட்சியில் இருப்பதாக திருமாவளவன் காட்டமாக பேசினார். அண்ணாமலைக்கு அரசியல் அனுபவம் பத்தாது என்று கண்டன ஆர்ப்பாட்டத்தில் திருமாவளவன் கூறியுள்ளார்.

ஒத்த செருப்பை விட்டுச் சென்ற சிண்ட்ரல்லா அதனை தனது ஆதரவாளர்களிடம் இருந்து பெற்றுக் கொள்ளலாம் என நிதியமைச்சர் பிடிஆர் பழனிவேல் தியாகராஜன் தனது ட்விட்டர் பக்கத்தில் நகைச்சுவையாக பதிவிட்டுள்ளார். 

வீரமரணம் அடைந்த இராணுவ வீரர்: கடந்த 11-ம் தேதி ஜம்மு காஷ்மீரில் இந்திய இராணுவ முகாமை குறிவைத்து பயங்கரவாதிகள் தற்கொலை படை தாக்குதல் நடத்தினர். இதில் 4 வீரர்கள் வீர மரணம் அடைந்தனர். அவ்வாறு இறந்தவர்களில் மதுரையை சேர்ந்த லட்சுமணன் என்ற வீரரும் ஒருவர். 

மதுரை விமான நிலையத்தில் அஞ்சலி: ஜம்முவில் இருந்து விமானம் மூலம் மதுரைக்கு வந்த லட்சுமணனின் உடலுக்கு தமிழக அரசு சார்பில் நிதியமைச்சர் பழனிவேல் தியாகராஜன் மதுரை விமான நிலையத்தில் மலர்வளையம் வைத்து அஞ்சலி செலுத்தினார். 

பாஜக-திமுக மோதல்: அதே நேரத்தில் அங்கு பாஜகவின் மாநிலத் தலைவர் அண்ணாமலை மற்றும் மதுரை மாவட்ட தலைவர் டாக்டர் சரவணன் ஆகியோரும் லட்சுமணனின் உடலுக்கு அஞ்சலி செலுத்த வந்துள்ளனர். இதனால் திமுகவினருக்கும், பாஜகவினருக்கும் இடையே வாக்குவாதம் ஏற்பட்டுள்ளது. 

அமைச்சர் வாகனம் மீது காலனி வீச்சு: லட்சுமணனின் உடலுக்கு அஞ்சலி செலுத்திவிட்டு புறப்பட்ட அமைச்சரின் கார் மீது, அங்கு குழுமியிருந்த பாஜகவை சேர்ந்த பெண்கள் காலனியை வீசியதால் அங்கு பரபரப்பு ஏற்பட்டது. 

6 பேர் கைது: இந்த விவகாரம் பேசு பொருளான நிலையில், இது தொடர்பாக 6 பேர் கைது செய்யப்பட்டு நீதிமன்றத்தில் ஆஜர் படுத்தப்பட்டனர். இவர்கள் அனைவரும் 26-ம் தேதி வரை நீதிமன்ற காவலில் வைக்க நீதிபதி உத்தரவிட்டதை அடுத்து அவர்கள் அனைவரும் சிறையில் அடைக்கப்பட்டுள்ளனர். அதுமட்டுமின்றி அமைச்சரின் வாகனம் மீது காலனியை வீசிய பெண் குறித்தும் போலீசார் விசாரணை நடத்தி வருகின்றனர். 

பிடிஆரின் விளக்கம்: மதுரையில் கல்லூரி பட்டமளிப்பு விழாவில் கலந்து கொண்ட பிறகு செய்தியாளர்களை சந்தித்த நிதியமைச்சர், ”பிணத்தை வைத்து சாக்கடை அரசியல் நடத்தும் அரசியல்வாதிகள் குறித்து பேச விரும்பவில்லை” என தக்க பதிலடி கொடுத்திருந்தார்.

மன்னிப்பு கோரிய பாஜக மாவட்ட தலைவர்: இதனையடுத்து அமைச்சரை நேரில் சென்று சந்தித்த பாஜக மாவட்ட தலைவர் டாக்டர் சரவணன், அவரிடம் மன்னிப்பு கோரியதாக கூறினார். மேலும் வெறுப்புணர்வு மற்றும் மத அரசியலை செய்து வரும் பாஜகவில் இனி நான் தொடரப்போவதில்லை எனவும் கூறியிருந்தார். 

பாஜகவிலிருந்து சரவணன் நீக்கம்: இதனையடுத்து இன்று காலை மாநிலத் தலைவர் அண்ணாமலை, டாக்டர் சரவணனை கட்சியிலிருந்து நீக்குவதாக அறிவிப்பு ஒன்றை வெளியிட்டார். அதில், ”கட்சியின் பெயருக்கு களக்கம் விளைவிக்கும் வகையில் பேசியதால் கட்சியின் அடிப்படை உறுப்பினர் உட்பட அனைத்து பதவியில் இருந்தும் சரவணனை விலக்குவதாக” கூறியிருந்தார். 

ஒத்த செருப்பை வைத்து நக்கலடித்த பிடிஆர்: இந்த நிலையில், தான் தற்போது பிடிஆர் பதிவிட்டுள்ள ட்வீட் வேகமாக பரவி வருகிறது. அதில், தனது கார் மீது வீசப்பட்ட ஒற்றை செருப்பின் புகைப்படத்தை பதிவிட்டு, “நேற்றைய நிகழ்வுகளைப் பற்றி நான் பிறகு பேசுகிறேன் ஆனால் இப்போது, மதுரை விமான நிலையத்தின் பாதுகாப்பு பகுதிக்குள் கட்சிக்காரர்களுடன் வந்த சிண்ட்ரல்லாவே.. செருப்பைத் திரும்பப் பெற விரும்பினால்... எனது ஊழியர்கள் அதை உங்களுக்காக எடுத்து வைத்துள்ளார்கள்” என கிண்டல் அடித்துள்ளார் பிடிஆர். 

வருமானத்திற்கு அதிகமாக சொத்து சேர்த்ததாக முன்னாள் அதிமுக எம்.எல்.ஏ.கே.பி.பி பாஸ்கர் வீட்டில் நேற்று 12 மணி நேரம் ஊழல் தடுப்பு மற்றும் கண்காணிப்பு துறையினர் சோதனை மேற்கொண்டனர். 

கே.பி.பரமசிவம்:

கே.பி.பி.பாஸ்கரின் தந்தை கே.பி.பரமசிவம் நாமக்கல் மாவட்ட அதிமுகவில் பல பொறுப்புகளில் இருந்துள்ளார்.  முன்னாள் முதலமைச்சர் ஜெயலலிதாவிற்கு மிகவும் பழக்கமானவர். பிரமசிவத்தின் மறைவிற்கு பின்னர் அதிமுகவில் கால் ஊன்ற தொடங்கி இருக்கிறார் கே.பி.பி.பாஸ்கர்.

ஆரம்பகால அரசியல்:

2006 இல் நாமக்கல் நகர்மன்ற தலைவர் பதவி பாஸ்கருக்கு வழங்கப்பட்டது. சுமார் 6 மாத காலம் அந்த பதவியில் நீடித்த அவருக்கு, அடுத்த தேர்தலில் வாய்ப்பு வழங்கப்படவில்லை. ஆனால் முன்னாள் அமைச்சர் தங்கமணியின் சிபாரிசின் பெயரில், நாமக்கல் நகர செயலாளர் பதவி பாஸ்கருக்கு வழங்கப்பட்டது.

மேலும் படிக்க: திமுகவிற்கு எதிராக ஒன்று சேர்கிறார்களா? அதிமுகவை இணைப்பதற்கு வகுக்கப்படும் அரசியல் வீயூகங்கள் என்ன?

சட்டப்பேரவைத் தேர்தல்:

நாமக்கல் நகர செயலாளராக இருந்துகொண்டு, தந்தை விட்டுச்சென்ற லாரி  தொழிலை செய்து வந்துள்ளார். அதில் நஷ்டமும் அடைந்ததாகக் கூறப்படுகிறது. 2011 இல் சட்டப்பேரவைத் தேர்தலில் போட்டியிடுவதற்கான வாய்ப்பை பாஸ்கருக்கு கொடுத்துள்ளார் முன்னாள் முதலமைச்சர் ஜெயலலிதா. 

முதல் வெற்றி:

2011 சட்டப்பேரவைத் தேர்தலில் வெற்றி பெற்று   நாமக்கல் தொகுதி சட்டமன்ற உறுப்பினரானார். தங்கமணியின் தீவிர ஆதரவாளராக இருந்த பாஸ்கருக்கு அவரது சிபாரின் அடிப்படையில் 2016 சட்டப்பேரவைத் தேர்தலில் மீண்டும் நாமக்கல் தொகுதியில் போட்டியிடும் வாய்ப்பு வழங்கப்பட்டுள்ளது.

பொதுக்குழு உறுப்பினர் பதவி:

அதிலும் வெற்றி பெற்று இரண்டாவது முறை நாமக்கல் தொகுதியின் சட்டமன்ற உறுப்பினரானார் பாஸ்கர்.. அதன் பின்னர் வந்த நாட்களில் பாஸ்கருக்கு அதிமுகவின் பொதுக்குழு உறுப்பினர் பதவியையும் தங்கமணி பெற்றுக்கொடுத்துள்ளார். நாமக்கல் தொகுதியில் யாரும் அசைக்கமுடியாத அதிமுகவின் பலமாக இருந்தார் பாஸ்கர்.

முதல் தோல்வி:

மூன்றாம் முறையாக 2021 சட்டமன்றத் தேர்தலில் நாமக்கல் தொகுதியில் அதிமுக சார்பில் போட்டியிட பாஸ்கர் திமுகவின் இராமலிங்கத்திடம் தோல்வியை தழுவினார். நாமக்கல் தொகுதியில் அவர் தோற்றது பெரும் அதிர்ச்சியானதாக இருந்தாலும், திமுகவிற்கு அது பெரிய வெற்றியாகவே பார்க்கப்பட்டது. தற்போது ஈபிஎஸ் இந்த மிகத்தீவிர ஆதரவாளராக அறியப்பட்டு வருகிறார் பாஸ்கர்.

மேலும் படிக்க: இவங்க 2 பேர மட்டும் விட்டுட்டாங்க.. என்னவா இருக்கும்? ஆனாலும் அந்த ஒரு விஷயத்துக்காக முதலமைச்சருக்கு சலாம் போடலாம்..!

தொழில் வளர்ச்சி:

எம்.எல்.ஏ ஆவதற்கு முன்னர் எந்த தொழில் நஷ்டம் ஏற்பட்டது என கூறப்பட்டதோ, அதே லாரி தொழில் நடத்திய பாஸ்கரிடம் தற்போது 40 LPG டேங்கர் லாரிகள் உள்ளது.  மேலும் நாமக்கல்லில் பல தொழில்களை செய்து வருகிறார். குறிப்பாக எண்ணற்ற வணிக வளாகங்களும், நிலங்களும் அவருக்கு சொந்தமாக உள்ளதாகக் கூறப்படுகிறது. 

12 மணி நேரம் சோதனை:

பாஸ்கர் எம்.எல்.ஏவாக இருந்த போது வருமானத்திற்கு அதிகமாக சொத்து சேர்த்ததாகக் புகார் வந்ததை அடுத்து, கே.பி.பி.பாஸ்கர் மற்றும் அவரது மனைவி உமா ஆகியோர் வருமானத்திற்கு அதிகமாக 315 சதவீதம் சொத்து சேர்த்ததாக ஆகஸ்ட் 8 ஆம் தேதி வழக்கு பதிவு செய்யப்பட்டது. அதன் பேரில், ஆகஸ்ட் 12 ஆம் தேதி, நாமக்கல்லில் 24 இடங்கள், மதுரை திருப்பூரில் தலா ஓர் இடம் என லஞ்ச ஒழிப்புத் துறையினர் 12 மணி நேரம் சோதனை நடத்தினர். 

சோதனையில் கைப்பற்றப்பட்டவை:

அந்த சோதனையில், 26,52,660 ரூபாயும், 1,20,000 மதிப்பிலான வெளிநாட்டு கரன்சிகளும், நான்கு சொகுசு கார்கள், பல கோடி மதிப்புள்ள சொத்து ஆவணங்கள், கடன் பத்திரங்கள், வங்கிக் கணக்குகளும் கண்டுபிடிக்கப்பட்டன. மேலும், ஒரு கிலோ 680 கிராம் தங்க நகைகள், ஆறு கிலோ 625 கிராம் வெள்ளிப் பொருட்கள், 20 லட்சம் மதிப்புகள் கிரிப்டோ கரன்சி முதலீடுகள், முக்கிய கணினி பதிவுகளும் கைப்பற்றப்பட்டுள்ளன.

ஈபிஎஸ் ஆவேசம்:

கே.பி.பி.பாஸ்கர் வீட்டில் சோதனை நடத்தப்படுவதைக் கண்டித்து, அதிமுக இடைகாலப் பொதுச்செயலாளர் எடப்பாடி பழனிசாமி தனது ட்விட்டர் பக்கதில், "திட்டமிட்டு அரசியல் பழி வாங்கும் நோக்கத்தோடு, இந்த விடியா அரசு, அரசியல் காழ்ப்புணர்ச்சி காரணமாக நாமக்கல் முன்னாள் சட்டமன்ற உறுப்பினர் கே.பி.பி.பாஸ்கர் வீட்டிலும், அவர்களது உறவினர்கள் மற்றும் நண்பர்களது வீடுகளிலும் லஞ்ச ஒழிப்புத்துறை சோதனை நடத்துவது கண்டிக்கத்தக்கது" என பதிவிட்டிருந்தார்.

திட்டமிட்டு அரசியல் பழி வாங்கும் நோக்கத்தோடு, இந்த விடியா அரசு, அரசியல் காழ்ப்புணர்ச்சி காரணமாக நாமக்கல் முன்னாள் சட்டமன்ற உறுப்பினர் திரு.கே.பி.பி. பாஸ்கர் அவர்கள் வீட்டிலும், அவர்களது உறவினர்கள் மற்றும் நண்பர்களது வீடுகளிலும் லஞ்ச ஒழிப்புத்துறை சோதனை நடத்துவது கண்டிக்கத்தக்கது.

— Edappadi K Palaniswami (@EPSTamilNadu) August 12, 2022

ஆவேசத்திற்கு காரணம் என்ன?

திமுக ஆட்சி கட்டிலில் எறியதில் இருந்தே அதிமுக முன்னாள் அமைச்சர்கள் வீடுகளில் வருமான வரித்துறை மற்றும் லஞ்ச ஒழிப்புத் துறையினர் சோதனை நடத்தி வருகின்றனர். எஸ்.பி.வேலுமணி, எம்.ஆர்.விஜயபாஸ்கர்,  காமராஜ் என அனைவரும் ஈபிஎஸ் இன் ஆதரவாளர்கள் என்பது இங்கு அதிக கவனம் பெறுகிறது. கே.பி.பி பாஸ்கர் தங்கமணியின் மிகத் தீவிர ஆதரவாளராக உள்ளார். தங்கமணி ஈபிஎஸ் இன் ஆதரவாளர் என்பது அனைவரும் அறிந்ததே. 

இதனால் கே.பி.பி.பாஸ்கர் மீதான சோதனை என்பது அடுத்து தங்கமணியை குறிவைப்பதற்கான ஒரு நகர்வாக பார்க்கப்படுகிறது. 

ஈபிஎஸ் இன் சரிவு:

தொண்டர்களும், பொதுக்குழு உறுப்பினர்களும் தனக்கு தான் ஆதரவாக உள்ளனர் என ஈபிஎஸ் கூறிவரும் வேளையில், அடுத்தடுத்து அவரின் ஆதவாளர்கள் மீது நடத்தப்படும் சோதனைகள் ஈபிஎஸ் இன் செல்வாக்கைக் குறைக்கும் ஒன்றாகவே பார்க்கப்படுகிறது.

நடிகர் கார்த்தி - இயக்குநர் முத்தையா கூட்டணியில் வெளியாகியுள்ள விருமன் திரைப்படத்தின் மூல கதை, தன்னுடையது என உதவி இயக்குநர் ஒருவர் வழக்கு தொடர்ந்துள்ளார். 

ஆணாதிக்க மனநிலை:

’மண்வாசனை வீசும் கிராமத்துக்கதை என்ற போர்வையில், இன்னும் எத்தனை நாளுக்குத்தான், பிற்போக்குத்தனமான, ஆணாதிக்க மனநிலையிலேயே படமெடுப்பீர்கள் முத்தையா?’ என்று ’விருமன்’ படத்தை பார்த்த நெட்டிசன்கள் ஒருபுறம் பங்கமாக கலாய்த்து வருகின்றனர். மறுபுறம், தனது கதையை திருடி படமெடுத்து விட்டதாக முத்தையா மீது வழக்கு தொடர்ந்துள்ளார் உதவி இயக்குநர் துரை.

மேலும் படிக்க: கைதி-2 கண்டிப்பா வருதாமே.. இயக்குநரே வாய்திறக்கல..ஆனால் இவரு உண்மையை உடச்சுட்டாரே..!

நோகாமால் நுங்கு திண்ணும்  சம்பவங்கள்:

4 ஹிட் படங்களை கொடுத்து, கோடிகளில் சம்பளம் வாங்குமளவுக்கு பிரபலமாகி விட்ட இயக்குநர்கள், கைவசம் இருந்த நல்ல கதைகள் எல்லாம் காலியாகி விட்ட நிலையில், ‘அடுத்ததும் ஹிட் கொடுக்க வேண்டுமே’ என்ற அழுத்தத்தில், உதவி இயக்குநர்களின் கதையை திருடி, பெரிய நடிகர்களை வைத்து படமாக்கி, நோகாமால் நுங்கு திண்ணும்  சம்பவங்கள் அவ்வப்போது அரங்கேறிக்கொண்டு தான் இருக்கின்றன.

முதல் முறை அல்ல, இரண்டாம் முறை:

அப்படி லேட்டஸ்ட்டாக, கதை திருட்டு சர்ச்சையில் சிக்கியுள்ளவர் தான் இயக்குநர் முத்தையா. ’அடடே... இவரா? கிராமத்துப் படங்கள் எடுப்பதில், இவர் கைதேர்ந்தவராச்சே’ என பலரும் நினைக்கலாம். ஆனால், தன்னுடைய இரண்டாவது படத்திலேயே கதை திருட்டு குற்றச்சாட்டுக்கு உள்ளானவர் தான் முத்தையா. 2013-ல் சாதிப்பெருமை பேசும் ’குட்டிப்புலி’ என்ற காவியத்தை படைத்த முத்தையா, அடுத்ததாக நடிகர் கார்த்தியுடன் கைக்கோர்த்து கடந்த 2014ஆம் ஆண்டில் கொடுத்த படம் தான் ’கொம்பன்’. இரண்டாவது படத்திலேயே முத்தையாவின் குட்டு வெளியானது.

கொம்பன் - துரை:

தன்னுடைய கதையைத் திருடி அதில் சில மாற்றங்கள் செய்து, கொம்பன் படத்தை உருவாக்கி இருப்பதாக உதவி இயக்குநர் துரை என்பவர் முத்தையா மீது புகார் அளித்தார். சிலபல பஞ்சாயத்துகளுக்குப் பிறகு வெளியான அப்படம் வெற்றியும் பெற்றது.  அறியாமையில் சுயசாதி பெருமை பேசும் இளசுகள், முத்தையாவின் படங்களை கொண்டாடினாலும், வாழைப்பழத்தில் ஊசி ஏற்றுவதைப்போல, இவரது படங்களில் பழமைவாதமும், ஆணாதிக்க புத்தியும், சாதிப்பெருமையும் மண்டிக்கிடப்பதாக, விவரம் அறிந்தவர்கள் அவ்வப்போது சுட்டிக்காட்டி வருவதுண்டு.

சாதிப்பெருமையை கலந்து விஷம் பாய்ச்சல்:

ஸ்டுடியோக்களிலும், நகரங்களிலும் சுற்றி வந்த கேமராக்களை, கிராமத்து பக்கம் கொண்டு சென்று, யதார்த்த வாழ்வை படம்பிடித்து காட்டியவர் இயக்குநர் பாரதிராஜா. ஆனால் அந்த கிராமத்து மண்ணில் வீசும் தென்றல் காற்றில், சாதிப்பெருமையை கலந்து விஷம் பாய்ச்சி வருவதாக வலைத்தளவாசிகள் குற்றஞ்சாட்டும், முத்தையாவின் அடுத்த படமான ’விருமன்’ படத்தின் கதையும் தன்னுடையது தான் என மீண்டும் வழக்கு தொடர்ந்துள்ளார், அதே உதவி இயக்குநர் துரை. 

ஒரு கதையில் இரண்டு படம்ஙகள்:

நடிகர் கார்த்தியின் உறவினரும், ட்ரீம் வாரியர் பிக்சர்ஸின் உரிமையாளருமான, தயாரிப்பாளர் எஸ்.ஆர்.பிரபுவிடம் தன்னுடைய கதையை கொடுத்ததாகவும், இயக்குநர் முத்தையா, அந்த கதையை வாங்கி இரண்டாகப் பிரித்து, சிறுசிறு மாற்றங்களைச் செய்து, கார்த்தியை வைத்தே, கொம்பன், விருமன் என இரண்டு படங்களாக உருவாக்கி விட்டதாகவும் நீதிமன்றத்தில் வழக்கு தொடர்ந்துள்ளார்.

மேலும் படிக்க: விக்ரம் பிரபுவின் அடுத்த படத்திற்கான ஃபர்ஸ்ட் லுக் போஸ்டர் வெளியானது...!

’விருமன்’ புளித்துப் போய் விட்டது:

இதனிடையே படம் திரையரங்குகளில் வெளியாகிவிட்ட நிலையில், குடும்பம், உறவு, பாசம் என்ற பெயரில், மீண்டும் மீண்டும் அரைத்த மாவையே அரைத்து கொண்டிருக்கும் முத்தையாவின் இந்த ’விருமன்’, புளித்துப் போய் விட்டதாக நெட்டிசன்கள் பங்கமாக கலாய்த்து வருகின்றனர்.

விருமன் கதை:

தவறு செய்யும் பிள்ளைக்கு புத்திமதி சொல்லும் தந்தையை பார்த்திருப்போம். ஆனால், தவறான வழியில் செல்லும் தந்தைக்கும், அப்பாவை எதிர்க்கும் பிள்ளைக்குமான மோதல் தான் விருமன் படத்தின் கதையாம்.

ஒன்லைன்:

’தன்னுடைய அம்மாவின் மரணத்திற்கு காரணமான அப்பாவை பழி வாங்கத்துடிக்கும் மகனின் கதை’ என்ற ஒன்லைன், பிரபுவின் ’கும்மிப்பாட்டு’ படத்தையும், ’அப்பா மகனுக்கு இடையிலான டாம் அண்ட் ஜெர்ரி டைப் மோதல்’, ரஜினியின் ’மாப்பிள்ளை’ படத்தையும் நினைவூட்டுவதாகக் கூறும் சமூக வலைத்தளவாசிகள், ’குடும்பம், உறவு, பாசம் என்ற பெயரில், ”ஆம்பளைன்னு நிரூபி, இல்லன்னா சேலையைக் கட்டிக்கோ”, ”பொம்பளைகளை ஏன் முன்னாடி நடக்கவிடறோம் தெரியுமா?”, ”பொஞ்சாதின்னா...” என பெண் அடிமைத்தனம் மற்றும் ஆணாதிக்க மனநிலையில் அமைக்கப்பட்ட வசனங்கள் என, வழக்கமான முத்தையா சினிமேட்டிக் யுனிவர்ஸின் புதிய படமான 'விருமன்' ரசிகர்களை வெறுப்பேற்றுகிறான் எனவும் கூறுகின்றனர்.