திருச்சி | துவரங்குறிச்சியை அடுத்த தெத்தூர் மலையாண்டி கோவில்பட்டியை சேர்ந்தவர் சிவஞானம் (வயது 46). விவசாயியான இவர் இன்றுகாலை புதுக்கோட்டை நீதிமன்றத்தில் வழக்கு ஒன்றிற்கு சாட்சி செல்வதற்காக இருசக்கர வாகனத்தில் தனது ஊரில் இருந்து புதுக்கோட்டை நோக்கி சென்று கொண்டிருந்ததாக கூறப்படுகிறது.

தெத்தூர் - மருதம்பட்டி சாலையில் தெத்தூர் நர்சரி கார்டன் அருகே சென்று கொண்டிருந்த போது 7 காட்டெருமைகள் சாலையில் சென்று கொண்டிருந்ததாக கூறப்படுகிறது. இதைபார்த்த சிவஞானம் தன்னுடைய இருசக்கர வாகனத்தை நிறுத்த முயற்சிக்கவே கூட்டத்தில் இருந்த ஒரு காட்டெருமை அவரின் மார்பு பகுதியில் முட்டித் தள்ளியது.

மேலும் படிக்க | காட்டு யானை தாக்கி விவசாயி உயிரிழப்பு...

இதில் மார்பு பகுதி சிதைந்து சிவஞானம் ரத்த வெள்ளத்தில் கீழே கிடப்பதை பின்னால் வந்தவர் பார்த்து அதிர்ச்சி அடைந்து சிவஞானத்தை மீட்டு துவரங்குறிச்சி அரசு மருத்துவமனைக்கு கொண்டு சென்றனர். ஆனால் மருத்துவமனையில் பரிசோதனை செய்த போது ஏற்கனவே அவர் உயிரிழந்து இருப்பது தெரியவந்தது. 

பின்னர் சம்பவம் பற்றி தகவல் அறிந்த துவரங்குறிச்சி போலீசார் இறந்தவரின் உடலை கைப்பற்றி பிரேத பரிசோதனைக்காக மணப்பாறை அரசு மருத்துவமனைக்கு அனுப்பி வைத்து, வழக்கு பதிவு செய்து விசாரணை நடத்தி வருகின்றனர். காட்டெருமை முட்டி விவசாயி உயிரிழந்த சம்பவம் அப்பகுதியில் பரபரப்பை ஏற்படுத்தியுள்ளது.

மேலும் படிக்க | பட்ஜெட் 2023: வருவாய் இரட்டிப்பாகும் விவசாயிகள் நல அறிவிப்புகள்......

திருநெல்வேலி | தமிழ்நாடு பள்ளிக்கல்வி துறை சார்பில் வேலூரில் இன்று நடந்த விழாவில் தமிழகம் முழுவதும் பல்வேறு பகுதிகளில் உள்ள பள்ளிகளில் புதிய கட்டிடம் கட்டுமான பணிகளை முதல்வர் ஸ்டாலின் தொடங்கி வைத்தார்.

அதன்படி நெல்லை மாவட்டம், நாங்குநேரி ஊராட்சி ஒன்றிய தொடக்கப்பள்ளியில் பேராசிரியர் அன்பழகன் பள்ளி மேம்பாடு திட்டத்தின் கீழ், ஊரக வளர்ச்சி மற்றும் ஊராட்சி துறை குழந்தைநேய பள்ளி உட்கட்டமைப்பு மேம்பாட்டு திட்டத்தின் படி, ரூ 29 லட்சம் மதிப்பீட்டில் புதிய வகுப்பறை கட்டிடங்கள் கட்டுமான பணிகளையும் முதல்வர் ஸ்டாலின் காணொலி மூலம் தொடங்கி வைத்தார்.

மேலும் படிக்க | எதுக்கு வந்திருகீங்க? யாருக்கு தெரியும்...கட்டாயப்படுத்தி கருத்து கணிப்பு கூட்டத்திற்கு அழைத்து வந்த கட்சியினர்...!

இதையடுத்து நாங்குநேரி ஊராட்சி ஒன்றிய தொடக்கப்பள்ளியில் நடந்த விழாவில் நெல்லை மாவட்ட திட்ட அதிகாரி சுரேஷ் கலந்து கொண்டு, கட்டுமான பணிகளுக்கான கல்வெட்டை திறந்து வைத்தார். மேலும் வகுப்பறை கட்டுமான பணிகளுக்கும் அடிக்கல் நாட்டினார்.

இதில் நாங்குநேரி யூனியன் சேர்மன் சவுமியா ஆரோக்கிய எட்வின் மற்றும் ஆசிரியர்கள், யூனியன் அலுவலக ஊழியர்கள், மாணவ-மாணவிகள், உள்ளாட்சி பிரதிநிதிகள், பள்ளி கல்வி துறை அதிகாரிகள் பங்கேற்றனர்.

மேலும் படிக்க | மூன்றாவது முறையாக முதலமைச்சரான கருணாநிதி....புறக்கணித்த இடத்திலேயே பதவியேற்பு நிகழ்ச்சியை நடத்திய வரலாறு.....

திண்டுக்கல் | வேடசந்தூர் அருகே உள்ள வடமதுரையில் 300 ஆண்டுகள் பழமையான வரலாற்று சிறப்பு மிக்க சவுந்தரராஜ பெருமாள் கோவில் உள்ளது. இந்த கோவிலில் கடந்த 2006-ஆம் ஆண்டு பிப்ரவரி மாதம் கும்பாபிஷேகம் நடந்தது. கோவில் ஆகம விதிகளின்படி 12 ஆண்டுகளுக்கு ஒரு முறை கும்பாபிஷேகம் நடத்தப்படும். 

அதன்படி கடந்த 2021-ஆம் ஆண்டு நவம்பர் மாதம் பாலாலய பூஜையுடன் கும்பாபிஷேக திருப்பணிகள் தொடங்கப்பட்டன. பெருமாள், சௌந்தரவல்லி தாயார் சன்னதி கர்பகிரகங்களை சுற்றிலும் நீராழி அமைத்தல், கோயில் வளாகத்தில் மேற்கூரைகள் அமைத்தல் உள்ளிட்ட திருப்பணிகள் நடந்து முடிந்தது.

மேலும் படிக்க | 35 அடி உயர பத்துமலை முருகன் சிலை கொண்ட கோவிலில் கும்பாபிஷேகம்...

அதனைத்தொடர்ந்து 16 ஆண்டுகளுக்குப் பின்னர் இன்று கும்பாபிஷேகம் நடந்தது. இதையொட்டி நேற்று முன்தினம் காலை சுதர்சன ஹோமத்துடன் சிறப்பு பூஜைகள் தொடங்கப்பட்டன.

அதனைத்தொடர்ந்து பூர்ணாகுதி, புன்னிய நதியிலிருந்து தீர்த்தம் கொண்டு வருதல், வாஸ்து பூஜை, வாஸ்து ஹோமம், மகா தீபாராதனை, காயத்ரி ஹோமம், திவ்ய பிரபந்த சாற்றுமுறை உள்ளிட்ட யாக பூஜைகள் நடைபெற்றன.

மேலும் படிக்க | பிரம்மபுரிஸ்வரர் கோயிலில் திருக்கல்யாண வைபவம்...

அதனைத்தொடர்ந்து இன்று காலை 9 மணிக்கு  மேளதாளங்கள் முழங்க புனித தீர்த்தங்கள் கோபுர கலசங்களுக்கு கொண்டுவரப்பட்டன. அதன் பின்னர் பட்டாச்சாரியார்கள் வேத மந்திரங்கள் முழங்க பெருமாள் சன்னதி, தாயார் சன்னதி, ராஜகோபுரம், சொர்க்கவாசல் கோபுரங்களில் உள்ள கலசங்களுக்கு புனித நீர் ஊற்றப்பட்டு கும்பாபிஷேகம் நடைபெற்றது.

இதில் சுற்று வட்டார பகுதிகளை சேர்ந்த 20 ஆயிரம் பொதுமக்கள் கலந்து கொண்டனர் அதனைத் தொடர்ந்து வடமதுரை அரசு பெண்கள் மேல்நிலைப் பள்ளியில் பக்தர்கள் அனைவருக்கும் மெகா அன்னதானம் வழங்கப்பட்டது. இந்த கும்பாபிஷேக விழாவை முன்னிட்டு திண்டுக்கல் எஸ்பி பாஸ்கரன் தலைமையில் 300க்கும் மேற்பட்ட போலீசார் பாதுகாப்பு பணியில் ஈடுபட்டனர்.

மேலும் படிக்க | கருவறைக்குள் அத்துமீறி நுழைந்த அமைச்சர்களால் பரபரப்பு...

திருவாரூர் | மன்னார்குடி அருகே மேலத்திருப்பாலக்குடி கிராமத்தில் தெற்கு பார்த்து அமைந்துள்ள அருள்மிகு பாலதண்டாயுதபாணி சுவாமி கோயில் கும்பாபிஷேகம், ஸ்ரீலஸ்ரீ சிதம்பர சுவாமிகள் மடம் மற்றும் பரிவார மூர்த்திகள் ஆலய மகா கும்பாபிஷேகம் நடைபெற்றது.

கும்பாபிஷேகத்தை முன்னிட்டு நான்கு கால யாகசாலை பூஜை சிவாச்சாரியார்களால் செய்யப்பட்டு, மஹா கணபதி ஹோமம், மஹாலெட்சுமி ஹோமம், ஸ்கந்த ஹோமம், கோபூஜை, லெக்ஷ்மிபூஜை, நாடி சந்தானம் உள்ளிட்ட பூஜைகள் நடத்தப்பட்டு நிறைவாக மஹாபூர்ணாஹுதி தீபாரதனை நடத்தப்பட்டு கலச புறப்பாடு நடைபெற்றது.

மேலும் படிக்க | பிரம்மபுரிஸ்வரர் கோயிலில் திருக்கல்யாண வைபவம்...

புனித தீர்த்தங்கள் கொண்ட குடங்கள் மற்றும் கலசங்களை சிவாச்சாரியார்கள் சுமந்து வேத மந்திரங்கள் முழங்க, கோவிலை வலம் வந்த சிவாச்சாரியார்கள் பாலதண்டாயுதபானி சுவாமி ராஜகோபுரம் மற்றும் 35 அடி உயர பத்துமலை முருகன் சிலை உள்ளிட்ட பரிவார தெய்வங்களின் விமான கலசங்களுக்கு புனித நீர் ஊற்றி கும்பாபிஷேகத்தினை நடத்தி வைத்தனர்.

அதனை தொடர்ந்து முருகனுக்கு சிறப்பு அபிஷேகங்கள் ஆராதனைகள் நடத்தப்பட்டது, இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.

மேலும் படிக்க | கருவறைக்குள் அத்துமீறி நுழைந்த அமைச்சர்களால் பரபரப்பு...

திருப்பத்தூர் | ஆம்பூர் அடுத்த தோட்டாளம் கொல்லாபுரம் பகுதியை சேர்ந்தவர் தனசேகர். இவர் வேலூரில் இருசக்கர வாகனம் பழுது பார்க்கும் கடை நடத்தி வருகிறார். நேற்று இரவு குடும்பத்துடன் உறவினர் நிகழ்ச்சிக்கு சென்று வீடு திரும்பிய போது அவருக்கு ஒரு அதிர்ச்சி காத்திருந்தது.

வீட்டின் பூட்டு உடைக்கப்பட்டு இருப்பதைக் கண்டு அதிர்ச்சியடைந்துள்ளார். உள்ளே சென்று பார்த்த போது பீரோவில் வைக்கப்பட்டிருந்த 15 சவரன் நகை மற்றும் 3 ஆயிரம் ரூபாய் பணம் கொள்ளை போயிருப்பது தெரிய வந்தது.

மேலும் படிக்க | வெளிநாடுகளில் இருக்கும் தமிழர்களை கணக்கெடுக்க புதிய செயலி...

அதேபோல் அதே பகுதியைச் சேர்ந்த கட்டிட மேஸ்திரி வெங்கடேசன் என்பவர் குடும்பத்துடன் தங்கி சென்னையில் பணிபுரிந்து வருகிறார். இந்த நிலையில் யாரும் இல்லாத வீடுகளை நோட்டமிட்டு நுழைந்த கொள்ளையர்கள் அவரது வீட்டின் பூட்டை உடைத்து அறையில் பீரோவில் வைக்கப்பட்டிருந்த 10 சவரன் நகை மற்றும் பணம் கொள்ளையடித்து சென்றுள்ளனர்.

மேலும் படிக்க | “நூதன முறையில் கொள்ளை அடிக்கிறது இந்து அறநிலைத்துறை” - முன்னாள் ஐஜி பொன்மாணிக்கவேல்...

இது குறித்து தனசேகர் மற்றும் வெங்கடேசன் இருவரும் அளித்த புகாரின் பேரில்  ஆம்பூர் கிராமிய போலீசார் மற்றும் கைரேகை நிபுணர் பாரி உள்ளிட்டோர் சம்பவ இடத்திற்கு சென்று தடயங்கள் சேகரிக்கபட்டு கொள்ளை சம்பவம் குறித்து வழக்கு பதிவு செய்து விசாரணை மேற்கொண்டு வருகின்றனர்.

ஆம்பூர் அருகே அடுத்தடுத்து கட்டிட மேஸ்திரி மற்றும் இருசக்கர வாகனம் பழுதுபார்க்கும் கடை உரிமையாளர் வீடுகளின் பூட்டை உடைத்து 25 சவரன் நகை மற்றும் பணம் கொள்ளையடித்து சென்றுள்ள சம்பவம் அப்பகுதி மக்களிடையே பெரும் அதிர்ச்சியை பரபரப்பையும் ஏற்படுத்தி உள்ளது.

மேலும் படிக்க | நகை திருட்டில் ஈடுபட்டு ஓட்டம் பிடித்த 2 பெண்கள்...