நகைச்சுவை நடிகர் போண்டா மணிக்கு நடிகர் தனுஷ் நிதியுதவி..! நெகிழ்ந்து நன்றி தெரிவித்து வீடியோ..!

சிறுநீரக பிரச்னையால் சென்னை ஓமந்தூரார் மருத்துவமனையில் போண்டா மணி அனுமதி..!

நகைச்சுவை நடிகர் போண்டா மணிக்கு நடிகர் தனுஷ் நிதியுதவி..! நெகிழ்ந்து நன்றி தெரிவித்து வீடியோ..!

தெரிந்தும், தெரியாத நடிகர்கள்:

சினிமாவில் இன்று நாம் திரையில் முன்னணி நடிகர்களாக பார்க்கும் நடிகர்களை தாண்டி, குணச்சித்திர கதாபாத்திரங்களில் நடிப்பவர்கள், ஹீரோக்களுடன் நண்பர்களாக நடிப்பவர்கள், நகைச்சுவை நடிகர்களோடு சேர்ந்து சிறு கதாபாத்திரங்களில் நடிப்பவர்களின் நிலையை, முன்னணி நடிகர்களோடு ஒப்பிடவே முடியாது. அவர்கள் வாங்கும் சம்பளத்தின் 1 பங்கினைக் கூட இவர்கள் வாங்க மாட்டார்கள்.

பொருளாதார சிக்கல்:

அப்படி சினிமாவை விட்டு பாதியிலேயே சென்றவர்கள், சினிமாவில் பல நூறு படங்களில் நடித்தும் பெரிதாக பொருளாதார வசதி இல்லாதவர்கள் இங்கு நிறைய உண்டு. அவ்வாறு சினிமாவில் முகம் தெரிந்தும், பொருளாதாரத்தில் நலிவடைந்து, இறுதியில் உடல் நலம் குன்றி உயிரிழந்தவர்கள் பலர். இவர்களுக்கு  உதவ முன்வருவதும் சில சினிமா நடிகர்கள் மட்டும் தான். 

சிகிச்சை பெற்று வரும் போண்டா மணி:

அப்படி சமீபத்தில் உடல் நலம் பாதிக்கப்பட்டு மருத்துவமனையில் சிகிச்சை பெற்று வருபவர் நடிகர் போண்டா மணி. நடிகர் வடிவேலுவுடன் இணைந்து பல படங்களில் இவர் நடித்திருக்கிறார். உதாரணத்திற்கு சீப்பை ஒளித்து வைத்து விட்டால் கல்யாணம் நின்றுவிடும் என்ற காமெடியில் இவரது நடிப்பு பிரபலமானது. 

சிகிச்சைக்கு உதவுமாறு கோரிக்கை:

வயது மூப்பாலும், சரியான வாய்ப்பு கிடைக்காததாலும் இவர் தற்போது சினிமாவில் இருந்து தள்ளி வசித்து வருகிறார். சில தினங்களுக்கு முன்பு சிறுநீரக பிரச்னையால் ஓமந்தூரார் அரசு மருத்துவமனையில் தீவிர சிகிச்சை பிரிவில் அனுமதிக்கப்பட்ட போண்டா மணிக்கு, இரண்டு சிறுநீரகங்களும் செயலிழந்து விட்டதாகவும், மேல் சிகிச்சைக்காக அவருக்கு உதவக் கோரியும் நடிகர் பெஞ்சமின் வீடியோ ஒன்றை வெளியிட்டிருந்தார். 

அமைச்சர் நேரில் சந்தித்து ஆறுதல்:

இந்த வீடியோ இணையத்தில் தீயாய் பரவியதை அடுத்து, சுகாதாரத்துறை அமைச்சர் மா.சுப்ரமணியன் அவரை நேரில் சென்று சந்தித்து மருத்துவ செலவுகளை அரசே ஏற்றுக் கொள்ளும் என ஆறுதல் கூறியிருந்தார். திருச்செந்தூர் முருகன் கோயிலில் தரிசனம் செய்த நடிகர் வடிவேலு நிச்சயம் போண்டா மணிக்கு உதவுவேன் எனக் கூறியிருந்தார். 

சங்கங்கள் நிதியுதவி:

அத்தோடு தென்னிந்திய நடிகர் சங்கம் சார்பில் நடிகர் மனோபாலா போண்டா மணியை நேரில் சந்தித்து நலம் விசாரித்ததோடு, நிதியுதவி வழங்கினார். அதேபோல சின்னத்திரை நடிகர் சங்கம் சார்பிலும் அவருக்கு நிதியுதவி அளிக்கப்பட்டது. 

தனுஷ் ரூ.1லட்சம் நிதியுதவி:

இந்த விஷயம் குறித்து தகவலறிந்த நடிகர் விஜய் சேதுபதி போண்டா மணிக்கு ரூ.1லட்சம் அளித்திருந்தார். அத்தோடு தற்போது நடிகர் தனுஷும் ரூ.1லட்சம் உதவி அளித்திருக்கிறார். இதற்காக நடிகர் தனுஷூக்கு நன்றி தெரிவித்து போண்டா மணி வீடியோ ஒன்றை வெளியிட்டுள்ளார்.


கடந்த 2009ம் ஆண்டு ஹாலிவுட் இயக்குநர் ஜேம்ஸ் கேமரூன் இயக்கத்தில் வெளியான திரைப்படம் "அவதார்". இப்படம் உலகம் முழுவதும் பெரும் வரவேற்பைப் பெற்றது. இந்நிலையில் இப்படத்தின் இரண்டாம் பாகம் இந்த மாதம் 16ம் தேதி உலகமெங்கும் வெளியாகிறது. இப்படத்திற்கு இந்தியாவிலும் குறிப்பாக தென்னிந்தியாவில் மிகப் பெரிய எதிர்பார்ப்பு ஏற்பட்டுள்ளது. 

மேலும் படிக்க | ”வாரிசு” படத்தின் ரிலீஸ் தேதி எப்போ தெரியுமா? வெளியான அப்டேட்...குஷியில் ரசிகர்கள்!


வெளியாக என்ன சிக்கல் ?

Avatar | Movies Anywhere

இந்நிலையில் இப்படம் தமிழ்நாட்டில் வெளியாகுமா என்ற கேள்வி எழுந்துள்ளது. ஏனெனில் இப்படத்திற்கு மிகப் பெரிய எதிர்பார்ப்பு உள்ளதால் ஏற்கனவே மல்டிபிளக்ஸ் திரையரங்குகளில் பல மடங்கு கட்டணத்தில் டிக்கெட் விற்கப்பட்டு வருகிறது. தற்போது விநியோகஸ்தர்கள் அதிக அளவு பங்குத் தொகை கேட்பதாக கூறப்படுகிறது. வழக்கமாக 55 சதவீதத்தில் இருந்து 60 சதவீதம் பங்குத்தொகை வழங்கப்படும். ஆனால் இப்படத்திற்கு 70சதவீதம் கேட்பதாக தகவல் வெளியாகியுள்ளது. இதனை திரையரங்கு உரிமையாளர்கள் ஏற்க மறுப்பதாகவும் கூறப்படுகிறது. இது ஒருபுறம் இருக்க இப்படத்திற்கு மிகப் பெரிய எதிர்பார்ப்பு உள்ளதால் இப்படத்தை தமிழகத்தில் வெளியிட விநியோகஸ்தர்கள் நீ நான் என்று போட்டிபோட்டுக்கொண்டு இருக்கின்றனர். இதனால் விநியோகஸ்தர் உறுதியான பிறகே பங்குத்தொகை குறித்து பேச்சு நடைபெறும் என்கின்றனர். 

மேலும் படிக்க | இந்திரா காந்தியாக மாறிய நடிகை கங்கனா ரனாவத்...

தமிழ்நாட்டில் வெளியாகுமா ?

  Avatar' re-release eyes USD 7-12 million opening at box office | English  Movie News - Times of India

இன்னும் வெளியீட்டிற்கு இரண்டு வாரங்கள் இருப்பதால் பேச்சுவார்த்தை மூலம் சுமுக முடிவு எடுக்கப்பட்டு அவதார் 2 திரைப்படம் திட்டமிட்டபடி தமிழ்நாட்டில் வெளியாகும் என்று எதிர்பார்க்கப்படுகிறது.ஏற்கனவே கேரளாவில் இதே நிலை நீடித்தால் அவதார் படத்தை திரையிட மாட்டோம் என்று திரையரங்கு உரிமையாளர்கள் போர்க்கொடி தூக்கியுள்ளது குறிப்பிடத்தக்கது.இதனால் தமிழ்நாட்டிலும் மக்கள் ஆர்வமாக எதிர்பார்த்து காத்துக் கொண்டிருக்கும் அவதார் படத்தின் இரண்டாம் பாகம் சொன்ன தேதியில் வெளியாகுமா என்ற ஐயம் மக்கள் மனதில் ஏற்பட்டுள்ளது.

விஜய் நடிப்பில் உருவாகி வரும் “வாரிசு” திரைப்படத்தின் ரிலீஸ் தேதி குறித்த அப்டேட் இணையத்தில் வெளியாகி வைரலாகி வருகிறது.

”வாரிசு” திரைப்படம்:

தமிழ் திரையுலகின் முன்னணி நட்சத்திரமான நடிகர் விஜய் நடிப்பில், இயக்குனர் வம்சி படிப்பள்ளி இயக்கத்தில் உருவாகி வரும் திரைப்படம் தான் ”வாரிசு”. தெலுங்கு மற்றும் தமிழில் வெளியாகவுள்ள இப்படத்தின் இறுதிக்கட்ட படப்பிடிப்பு சென்னை அருகே நடைபெற்று வருகிறது. 

ரஞ்சிதமே பாடல்:

இதனிடையே, இந்த படத்தின் ஃபர்ஸ்ட் சிங்கிளான “ரங்சிதமே” பாடல் கடந்த நவம்பர் 5 ஆம் தேதி வெளியாகி ரசிகர்களிடையே நல்ல வரவேற்பை பெற்றது. தமன் இசையில் நடிகர் விஜயின் குரலில் வெளியான இந்த பாடல், 2 மில்லியன் பார்வையாளர்களை கடந்துள்ளது குறிப்பிடத்தக்கது.

போர்க்கொடி தூக்கிய சங்கம்:

தமிழ் மற்றும் தெலுங்கில் உருவாகி வரும் “வாரிசு” பொங்கலுக்கு வெளியாகும் என தகவல் வெளியானது. ஆனால்,  பொங்கலுக்கு ( தெலுங்கில் சங்கராந்தி) ”வாரிசு” படத்தை தெலுங்கு திரையுலகில் வெளியிட விடமாட்டோம் என எதிர்ப்பு கிளம்பியது. அன்றைய தினம் எங்களுடைய தெலுங்கு படத்தை தான் வெளியிட வேண்டும் என்று தெலுங்கு திரைப்பட தயாரிப்பாளர்கள் சங்கம் சார்பில் போர்க்கொடி தூக்கியதாலும், எதிர்ப்பார்த்த அளவுக்கு திரையரங்குகள் கிடைக்காததாலும் படத்தின் ரிலீஸ் தேதி மாற்றம் செய்யப்படும் என தகவல் வெளியானது.

இதையும் படிக்க: "டும் டும் டும்"....காதல் ஜோடிக்கு எளிமையான முறையில் நடந்து முடிந்த திருமணம்...

அடுத்தடுத்த பிரச்னை:

விஜய் படம் என்றாலே பிரச்சனைக்கு பங்சமே இருக்காது என்பது தெரிந்த ஒன்றே, அதில் “வாரிசு” மட்டும் விதிவிலக்கல்ல. திரையிடுவதில் ஏற்பட்ட பிரச்னையையடுத்து, படத்தின் போஸ்ட் ப்ரொடக்‌ஷன் பணிகளில் படக்குழுவினர் அதிக கவனம் செலுத்தி வந்தனர். அதன்படி, வாரிசு படத்தின் இறுதிக்கட்ட படப்பிடிப்பு சென்னை அருகே நடைபெற்று வரும் நிலையில், உரிய அனுமதி பெறாமல் யானைகளை படப்பிடிப்பு தளத்திற்கு அழைத்து வந்து படப்பிடிப்பு நடத்தியதாக குற்றச்சாட்டு எழுந்தது.

 

படக்குழுவினற்கு நோட்டீஸ்:

இந்த குற்றச்சாட்டை தொடர்ந்து செய்தி சேகரிக்கச் சென்ற செய்தியாளர்களை தாக்கியதாகவும் மற்றொரு குற்றச்சாட்டு எழுந்தது. இந்த விவகாரம் மிகப்பெரிய அளவில் பிரச்னையான நிலையில், வாரிசு படக்குழுவுக்கு விலங்குகள் நல வாரியம் நோட்டீஸ் அனுப்பியது. படப்பிடிப்பு தளத்தில் உரிய அனுமதியின்றி யானையை பயன்படுத்தியது குறித்து ஏழு நாட்களுக்குள் விளக்கம் அளிக்க வேண்டும் என்று அந்த நோட்டீஸில் தெரிவிக்கப்பட்டு இருந்தது.

படக்குழுவின் முடிவு என்ன?:

“வாரிசு” படத்திற்கு அடுத்தடுத்து வரும் பிரச்னையில் இந்த விவகாரம் மேலும் பின்னடைவை ஏற்படுத்தும் என்பதால், விலங்குகள் நல வாரியத்திற்கு விளக்கம் அளிக்க படக்குழு தயாராக இருப்பதாக தகவல் வெளியாகியானது. அந்த வகையில் யானையை வைத்து படப்பிடிப்பு நடத்தவில்லை எனவும் பூஜைக்கு மட்டுமே அழைத்துவரப்பட்டது என விளக்கம் அளிக்கப்பட இருப்பதாகவும், மேலும் யானைகளை வைத்து எடுத்த காட்சிகளை நீக்கிவிட்டு அதற்கு பதிலாக கிராபிக்ஸ் காட்சிகளை சேர்க்கலாமா எனவும் தயாரிப்பு தரப்பு தீவிர ஆலோசனையில் இருப்பதாக தகவல் வெளியானது.

படத்தின் ரிலீஸ் தேதி அறிவிப்பு:

இந்நிலையில் தமிழ் ,தெலுங்கு என இரண்டு மொழிகளிலும் வரும் பொங்கல் பண்டிகைக்கு வெளியாக இருக்கும் இப்படம் குறித்த அறிவிப்புகளை ஆர்வத்தோடு எதிர்பார்த்துக் கொண்டிருக்கும் ரசிகர்களுக்கு வாரிசு திரைப்படத்தின் ரிலீஸ் தேதி குறித்த போஸ்டர் இணையத்தில் வெளியாகி ரசிகர்களை உற்சாகப்படுத்தியுள்ளது.

இந்த அறிவிப்பை, வாரிசு படத்தை பிரிட்டனில் விநியோகம் செய்யும் அகிம்சா என்டர்டைன்மென்ட் ”வாரிசு” திரைப்படம் அடுத்த ஆண்டு ஜனவரி 12ஆம் தேதி உலகமெங்கும் வெளியாகும் என்ற அறிவிப்பை சிறப்பு போஸ்டர் மூலம் அறிவித்துள்ளது. இந்த போஸ்டர் சமூக வலைதளங்களில் வைரலானதும் ரசிகர்கள் அதனை உற்சாகத்துடன் கொண்டாடி வருகின்றனர்.

மறைந்த முன்னாள் பிரதமர் இந்திரா காந்தியை மையமாக கொண்டு நடிகை கங்கனா ரனாவத் "எமர்ஜென்சி" என்ற படத்தில் நடித்து அந்த படத்தை இயக்கியும் வருகிறார்.

"எமர்ஜென்சி" :

கங்கனா ரனாவத் எமர்ஜென்சியில் இந்திரா காந்தியாக நடிக்கிறார். 1975ல் நடந்த உண்மை சம்பவங்களை அடிப்படையாக வைத்து எடுக்கப்பட்ட படம். எமர்ஜென்சி 2023ல் வெளியாகும்.முன்னாள் பிரதமர் இந்திரா காந்தியின் வாழ்க்கை வரலாற்றுப் படமான எமர்ஜென்சியில் கங்கனா ரனாவத் நடிக்கிறார்.
ஜூலை 14 அன்று, இப்படத்தின் தனது முதல் தோற்றத்தையும் டீசரையும் வெளியிட்டார்.2021 ஆம் ஆண்டு தமிழ்நாட்டின் முன்னாள் பிரதமர் ஜெ ஜெயலலிதாவின் (தலைவி) வாழ்க்கை வரலாற்றுக்குப் பிறகு, கங்கனா ரனாவத் இந்திரா காந்தியாக தனது வரவிருக்கும் படமான எமர்ஜென்சிக்காக மாறினார்.கங்கனா ரனாவத் தனது வரவிருக்கும் படமான எமர்ஜென்சியின் ஃபர்ஸ்ட் லுக் மற்றும் டீசரை வெளியிட்டார்.

 இந்திரா காந்தியின் "எமர்ஜென்சி" :

 

 இப்படம் முன்னாள் பிரதமர் இந்திரா காந்தியின் வாழ்க்கை வரலாற்றை மையமாக வைத்து எடுக்கப்பட்டுள்ளது. படத்தின் படப்பிடிப்பை தொடங்கிவிட்டதாக ரசிகர்களிடம் தெரிவித்தார்.இந்திரா காந்தியாக உருமாறிய நெருக்கமான தோற்றத்தைப் பகிர்ந்து கொண்டார் . எமர்ஜென்சி முதல் பார்வை முன்வைக்கிறேன்! உலக வரலாற்றில் மிகவும் சக்திவாய்ந்த மற்றும் சர்ச்சைக்குரிய பெண்களில் ஒருவரை சித்தரித்து எமர்ஜென்சி ஷூட் தொடங்குகிறது . டீசரைப் பகிர்ந்துகொண்டு, அவர் இவ்வாறு எழுதினார், "'சார்' என்று அழைக்கப்பட்ட 'அவளை' வழங்குகிறோம் .இப்படத்தின் அவசரகால படப்பிடிப்பு கடந்த நவம்பர் மாதம் அஸ்ஸாமில் தொடங்கியது.

கங்கனா ரனாவத், “இந்திய அரசியல் வரலாற்றில் நமக்குக் கிடைத்த மிகச் சிறந்த தலைவர் இந்திரா காந்தி” என்றார்.பாலிவுட் நடிகை கங்கனா ரனாவத் அஸ்ஸாம் சென்று தனது அடுத்த படமான “எமர்ஜென்சி” படப்பிடிப்பில் ஈடுபட்டு இயக்கியும் வருகிறார்.

2007 ஆம் ஆண்டு இயக்குனர் தங்கர் பச்சான் இயக்கி நடிகர் சத்தியராஜின் எதார்த்தமான நடிப்பில் வெளிவந்த படம் தான் "ஒன்பது ரூபாய் நோட்டு" .இப்படம் வெளியாகி இன்றோடு 15 ஆண்டுகள் நிறைவடைந்த நிலையில் இயக்குனர் தங்கர் பச்சான் அனைவருக்கும் நன்றி தெரிவித்துள்ளார்.

Siliconeer :: A General Interest Magazine for South Asians in U.S.

தங்கர் பச்சான் கூறியது :

எனது 25 ஆம் அகவையில் எழுதத் தொடங்கி 11 ஆண்டுகளுக்குப் பின் 1996 ஆம் ஆண்டில் புதினமாக வெளியாகி 2007 ஆம் ஆண்டில் "ஒன்பது ரூபாய் நோட்டு" திரைப்படமாக வடிவம் கொண்டது. எந்த ஒரு சிறந்த படைப்பும் அதற்குத் தேவையானவைகளைத் தானே தகவமைத்துக் கொள்ளும் என்பதைப் பலமுறை பட்டறிந்திருக்கிறேன். அவ்வாறே இத்திரைப்படத்தில் பங்களிப்பு செய்த நடிப்புக் கலைஞர்களும் தொழில்நுட்பக் கலைஞர்களும் முழுமையான ஈடுபாட்டுடன் பணியாற்றினர்.

ஒன்பது ரூபாய் நோட்டு : மாதவனாய் வாழாதே. |

சத்யராஜ், அர்ச்சனா, நாசர், ரோகினி, நடன இயக்குநர் சிவசங்கர் என அனைவரும் இந்தப் பாத்திரங்களாகவே எக்காலத்துக்கும் வாழ்ந்து கொண்டிருப்பார்கள்.பரத்வாஜ் இசை, வைரமுத்து பாடல்கள், லெனின் படத்தொகுப்பு, ஜாக்கி கலை இயக்கம் என அனைத்துமே இப்படத்திற்கு ஈடு
இணையற்றவைகள்.சென்னையிலிருந்து பேருந்தில் தனது கிராமத்துக்கு வரும் சத்யராஜ் தனது கதையைக் கூறுவது போல படத்தை அமைந்திருக்கிறார் இயக்குனர் தங்கர் பச்சான் .2008 ல் சிறந்த தமிழ் நடிகருக்கான பிலிம்பேர் விருது - சத்யராஜிற்கு சிறந்த கதாநாயகன் விருதிற்காக பரிந்துரைக்கப்பட்டது.

  Onbadhu Roobai Nottu Lyrics - tamil Song LyricsOnbadhu Roobai Nottu – சிலிகான் ஷெல்ஃப்

தமிழ் மரபின் குடும்ப உறவுகள், உழவுக் குடும்பத்தின் சிக்கல்கள், சினிமாத்தனமற்ற உரையாடல்கள் என அனைத்தும் கொண்ட இவ்வாறான நம் மண் சார்ந்த படைப்புகளை என் உயிர் உள்ளவரை படைக்க வேண்டும் என்பதே என் பெரு விருப்பம். நான் மட்டும் நினைத்தால் அவைகள் இடேறாது.எழுத்தில் உயிர் வாழ்ந்த ஒன்பது ரூபாய் நோட்டு உயிர் ஓவியமாக, திரைப்படமாக வாய்ப்பளித்த தயாரிப்பாளர் மருத்துவர் கணேசன் அவர்களை என்றென்றும் மறவேன் என்று இப்படத்தின் இயக்குனர் தங்கர் பச்சான் தெரிவித்துள்ளார்.

சித் ஸ்ரீராமுக்கு சிம்பு எவ்வளவோ பரவாயில்ல... துள்ளி குதிக்கும் டாலிவுட் ரசிகர்கள்...

சிலம்பரசன் தற்போது தனது குரலை தெலுங்கு திரையுலகிற்கு கொடுக்கும் நிலையில் தற்போது மேலும் ஒரு படத்திற்கு பாடகராகிறார்.

கடந்த சில ஆண்டுகளாக, சித் ஸ்ரீராம் தமிழ், தெலுங்கு மலையாளம் என அனைத்து மொழிகளிலும், தனது குரல் வளத்தால் பல ரசிகர்களை சம்பாதித்துள்ளார். ஒரு கட்டத்தில் எந்த படத்தின் பாடல்களை கேட்டாலும் அது சித்தின் குரல் கொண்டே இருந்தது. அதனால், ஒரு சில ரசிகர்களுக்கு சித்தின் குரல் மட்டுமே கேட்டதால், சிறிது பழகிப் போய், புளித்தும் போனது என்று சொல்லலாம்.

இந்நிலையில், பல அண்டுகளுக்குப் பிறகு நடிகர் சிலம்பரசன் பாடகராக முழுமையாக களமிறங்கி கலக்கிக் கொண்டிருக்கிறார். கோலிவுட்டில் மிகவும் சிறப்பான ஒரு இடத்தைப் பிடித்த சிம்பு, தமிழைத் தாண்டி தற்போது டாலிவுட் அதாவது தெலுங்கிலும் தனக்கென ஒரு சாம்ராஜ்ஜியத்தை உருவாக்கி வருகின்றனர்.

மேலும் படிக்க | மீண்டும் ஜெய் பீம்!!! ஜெயிச்சிட்டோம் மாறா...விரைவில்...

அதும் நடிப்பின் மூலமல்ல, பாடல்களின் மூலமாக...!

இவரது குரலுக்கு தற்போது பல ரசிகர்கள் உருவாகி வரும் நிலையில், 18 பேஜஸ் என்ற படத்தின் மூலம் மேலும் பல ரசிகர்கள் அவருக்கு உருவாகி வருவது குறிப்பிடத்தக்கது. இதன் வீடியோவை ரசிகர்கள் பல வகையான கமெண்டுகளை பதிவிட்டு வருகின்றனர்.

அதில் ஒரு ரசிகர், “அப்பாடா, புளித்து போன சித் ஸ்ரீராம் குரலைக் கேட்டு கேட்டு போன நிலையில், தற்போது சிம்புவின் குரல் சூப்பராக இருக்கிறது” என்றும், “சித் ஸ்ரீராமை விட இவரது தெலுகு உச்சரிப்பு மிகவும் சூப்பராக இருக்கிறது” என்றெல்லாம் கமெண்ட் செய்து வருகின்றனர்.

இதனால், சிம்புக் காட்டில் மழை தான் என்பதில் எந்த ஐயமும் இல்லை. மேலும், தற்போது விஜய்க்கும் இவர் குரல் தான் வர இருக்கிறது என்பது குறிப்பிடத்தக்கது.

மேலும் படிக்க | தி காஷ்மீர் ஃபைல்ஸை கிழித்தெறிந்த நடாவ் லாபிட்.. சர்வதேச திரைப்பட விழாவில் நடந்த அவமானகர நிகழ்வு..!