ஆய்வில் பங்கேற்றவர்களின் சராசரி வயது 63 ஆண்டுகள், 52% பெண்கள் என்று மாசசூசெட்ஸ் பல்கலைக்கழகத்தின் முன்னணி எழுத்தாளர் டாக்டர் அமண்டா பலுச் கூறியுள்ளார். 

தினமும் ஆறாயிரம் முதல் ஒன்பதாயிரம் அடிகள் நடப்பது மாரடைப்பு மற்றும் பக்கவாதம் ஏற்படும் அபாயத்தைக் குறைக்கிறது.  அமெரிக்கா உள்பட 42 நாடுகளில் 20 ஆயிரத்துக்கும் மேற்பட்டவர்களிடம் வல்லுநர்களால் ஆராய்ச்சி மேற்கொள்ளப்பட்டது. 

ஆய்வில் பங்கேற்றவர்களின் சராசரி வயது 63 ஆண்டுகள்.  மேலும் அவர்களில் 52% பெண்கள் என்று மாசசூசெட்ஸ் பல்கலைக்கழகத்தின் முன்னணி எழுத்தாளர் டாக்டர் அமண்டா பலுச் கூறியுள்ளார்.  ஒரு நாளைக்கு ஆறாயிரம் முதல் ஒன்பதாயிரம் அடிகள் நடப்பவர்களுக்கு மாரடைப்பு மற்றும் பக்கவாதம் ஏற்படும் ஆபத்து ஒரு நாளைக்கு 2,000 அடிகள் நடப்பவர்களுடன் ஒப்பிடும்போது 40-50 சதவீதம் குறைவாக இருப்பது கண்டறியப்பட்டுள்ளது.

-நப்பசலையார்

இதையும் படிக்க:  ஆஸ்திரேலியாவில் தாக்கப்பட்ட சுவாமிநாராயணன் கோயில்..... 

சென்னை | மயிலாப்பூரில் பற்பாதுகாப்பு குறித்த விழிப்புணர்வு நாட்காட்டி வெளியிடப்பட்டது. பற்களைப் பாதிக்கக்கூடும் என்று நினைக்கும் துரித உணவுகள் மற்றும் இனிப்புகளைக் கூட ஆரோக்கியமாக மென்று உண்பதன் மூலம் பற்களைப் பாதுகாக்க முடியும் என்று வி லிட்டில் மருத்துவமனை அறிவுறுத்துகிறது.

வி லிட்டில் மருத்துவமனை பயிற்சியின் பற்களை சரி செய்து கொண்ட குழந்தைகளை மாடல்களாக வைத்து விழிப்புணர்வு நாட்காட்டி உருவாக்கப்பட்டுள்ளது. இந்த நாட்காட்டியை, டாக்டர் ஷிஃபா சம்சுதீன், அம்ரிதா சமந்த், ஸ்ருதி நகுல், விஜயலட்சுமி அகத்தியன் ஆகியோர் வெளியிட்டனர்.

அப்போது பேசிய விஜயலட்சுமி, தனக்கு ஒரு தாய் என்ற பார்வையில், குழந்தைகளின் அழகைத் தாண்டி ஆரோக்கியத்திற்காகவும் அதிக இனிப்புகளை தவிர்ப்பதாகவும், குழந்தை மீது தனக்கு மிகுந்த அக்கரை இருப்பதாகவும் நெகிழ்ந்து பேசினார்.

மேலும் பேசிய அவர், “என் குழந்தையின் பல் அந்த அழகான முகத்திற்கும் மேலும் அழகு சேர்ப்பதால், நான் அந்த பற்களை மிகவும் பாதுகாக்கிறேன். ஆனால், இந்த காலண்டரில் வரும் குழந்தைகளின் அழகான போட்டோக்களைப் பார்க்கும் போது எனக்கு மகிழ்ச்ச்யாக இருக்கின்றன” என தெரிவித்தார். 

--- பூஜா ராமகிருஷ்ணன்

மேலும் படிக்க | ’கேட்’ தேர்விற்கான ஹால்டிக்கெட் வெளியீடு...!

டைப் ஒன்று நீரிழிவு நோய் குறித்து மருத்துவர் ஃபரூக் அப்துல்லா விளக்கம்.

குடுபத்துடன் தற்கொலை:

சேலத்தில் பிறவியிலேயே டைப் ஒன்று நீரிழிவு நோயால் பாதித்த குழந்தைகளை ஆற்றில் வீசி கொன்றுவிட்டு தம்பதி தற்கொலை செய்து கொண்ட சம்பவம் சோகத்தை ஏற்படுத்தியது. அந்த நோய் குறித்து சிவகங்கை பொது நல மருத்துவர் ஃபரூக் அப்துல்லா விளக்கியுள்ளார். 

ஃபரூக் அப்துல்லா:

இது குறித்து டாக்டர் ஃபரூக் அப்துல்லா தனது சமூகவலைதள பக்கத்தில், பிறவியிலேயே டைப் ஒன்று நீரிழிவு குறைபாட்டுடன் பிறந்த தனது இரண்டு குழந்தைகளை ஆற்றில் வீசி கொலை செய்து விட்டு மனைவியுடன் தானும் தற்கொலை செய்து கொண்டிருக்கிறார் தந்தை.

விழிப்புணர்வு:

இந்த நாள் இப்படிப்பட்ட செய்தியைத் தாங்கி வருவது மனதை ரணம் செய்கிறது. குழந்தைகளை ஆற்றில் வீசிக் கொல்லவும் தாங்கள் தற்கொலை செய்து தங்களின் உயிரை மாய்த்துக் கொள்ளவும் இந்த குடும்பத்திற்கான காரணமாக டைப் ஒன்று நீரிழிவு அமைந்துவிட்டதே என எண்ணும் போது இன்னுமின்னும் விழிப்புணர்வை அதிகமாக்க வேண்டிய கட்டாயத்தில் நாம் இருக்கிறோம் என்பது புரிகிறது.

இதையும் படிக்க: பேரீச்சம்பழத்தில் இரும்பு சத்து இல்லை - அரசு மருத்துவர் ஃபரூக் அப்துல்லா 

டைப் ஒன்று நீரிழிவு:
 
டைப் ஒன்று நீரிழிவு என்பது மரபணுக்கள் வழி வரலாம், வைரஸ் தொற்று/காய்ச்சல் ஏற்படுவதால் வரலாம், கணையத்தை தாக்கும் பிரச்சனைகளால் வரலாம். டைப் டூ டயாபடிஸ் மக்களுக்கு கணையத்தின் பீட்டா செல்களில் பெரும்பகுதி அழிந்தாலோ செயல்பட மறுத்தாலோ டைப் ஒன்றாக அவர்களும் மாறலாம். இப்படியாக டைப் ஒன்று டயாபடிஸ் வந்து விட்டதால் வாழ்க்கையே முடிந்து விடுவதில்லை.

கட்டுப்படுத்துதல்:

அன்றாடம் முறையாக இன்சுலின் ஊசி போட்டுக் கொள்வதன் மூலமும் உணவுக் கட்டுப்பாடுகளின் மூலம் டைப் ஒன்று நீரிழிவை சிறப்பாக கட்டுக்குள் வைக்க முடியும். டைப் ஒன்று நீரிழிவு உள்ளவர்களால் திருமண உறவில் சாதாரண மக்கள் போல இணைய முடியும். தாம்பத்தியத்தில் ஈடுபட முடியும். குழந்தைகள் பெற்றுக் கொள்ள முடியும். அவர்கள் வாழ்வில் சிறப்பான எதிர்காலத்தை அடைய முடியும்.

தெரசா மே:

டைப் ஒன்று நீரிழிவுடன் சிறந்த எதிர்காலத்தை அடைய முடியும். ஒன்றுபட்ட பிரிட்டன் முடியரசின் இரண்டாவது பெண் பிரதமராக தேர்ந்தெடுக்கப்பட்ட தெரசா மே அவர்கள் டைப் ஒன்று குறைபாடு கொண்டவர் பாகிஸ்தான் அணியின் முன்னாள் கேப்டனும் வேகப்பந்து வீச்சில் சாதனையாளரான வாசிம் அக்ரம் டைப் ஒன்று குறைபாடு கொண்டவர். இப்படி பல்வேறு உதாரணங்களைக் கூற முடியும். டைப் ஒன்று டயாபடிஸ் நோயர்கள் மற்ற மாணவர்களைப் போல கற்க முடியும்.

இலவசம்:

நல்ல மதிப்பெண்கள் பெற முடியும். கல்வியிலும் விளையாட்டிலும் ஏனைய துறைகளிலும் சாதிக்க முடியும். தமிழ்நாடு அரசு மருத்துவமனைகள் அனைத்திலும் இன்சுலின் எனும் உயிர் காக்கும் மருந்து இலவசமாக வழங்கப்படுகின்றன. எனவே டைப் ஒன்று நோயாளிகள் செலவினம் குறித்தும் அச்சப்படத் தேவையில்லை. அவர்களுக்கான க்ளூகோஸ் ரத்தப்பரிசோதனைகள், சிறுநீரக, கண் பரிசோதனைகள் அனைத்தும் அரசு மருத்துவமனைகளில் இலவசமாகச் செய்யப்படுகின்றன.

முடிவல்ல அது தொடக்கம்:

முறையான மருத்துவக் கண்காணிப்பில் இருந்து ரத்த க்ளூகோஸ் அளவுகளை கட்டுக்குள் வைக்க இன்சுலினை சரியாக போட்டுக் கொண்டு அவரவர் வாழ்க்கையை மகிழ்ச்சியாக வாழ முடியும். டைப் ஒன்று என்பது முடிவல்ல அது தொடக்கம், வளமான வாழ்விற்கான தொடக்கம். விழிப்புணர்வு கொண்டு அனைவரையும் விழிப்புணர்வடையச் செய்வோம்.

உதவி எண்:

டைப் ஒன்றால் நமது வீட்டில் நமது குடும்பத்தில் நமது சுற்றத்தில் யார் பாதிப்புக்குள்ளானாலும் சரி அவர்களுக்கு ஒத்திசைவு செய்து அனுசரணை பாராட்டி அவர்களுக்கு விழிப்புணர்வை ஏற்படுத்துவது நம் ஒவ்வொருவரின் கடமை டைப் ஒன்றால் உயிர்கள் போவதை விடவும் அது குறித்த விழிப்புணர்வின்மையால் உயிர்கள் போவதை ஏற்றுக் கொள்ள முடியாது.

குடும்ப விவகாரம் அல்லது வேறு ஏதேனும் பிரச்சனை காரணமாக "மன அழுத்தம் ஏற்பட்டாலோ, தற்கொலை எண்ணம் வந்தாலோ, அதில் இருந்து விடுபடுவதற்கு தமிழக அரசின் சினேகா தற்கொலை தடுப்பு உதவி மையம் - 044-24640050 எண்ணை அழைத்து, இலவச கவுன்சிலிங் பெறலாம் என பதிவிட்டுள்ளார் ஃபரூக் அப்துல்லா.

இந்தியாவில் அதிகமாக பயன்படுத்தும் பாஸ்வேர்டு எது என்ற பட்டியல் வெளியாகியுள்ளது. Nord Secuirty இன் பாஸ்வேர்டு நிர்வாக பிரிவான NordPass இன் அறிக்கையில் கூறப்பட்டுள்ளது.

பாஸ்வேர்டு:

மொபைல், லேப்டாப், மொபைல் செயலி, மின் அஞ்சல், ஆன்லைன் ஷாப்பிங் போன்றவற்றை பாதுகாக்கும் ஒரு டிஜிட்டல் பூட்டாகவே பாஸ்வேர்டு செயல்படுகிறது. இந்த பாஸ்வேர்டை ஒவ்வொருவரும் தனக்கு பிடித்தவாறு பல வகைகளில் வைப்பதுண்டு. அது எண் வடிவிலும், பெயர் வடிவிலும், எழுத்துக்கள் வடிவிலும் இருக்கலாம்.

பாஸ்வேர்டின் பலம்:

நாம் பாஸ்வேர்டை செட் செய்யும் பொழுது அதன் பலம் எவ்வாறு உள்ளது என்பதை காட்டும். நாம் அன்றாடம் உபயோகிக்கும் சமூக வலைதள செயலிகளுக்கு பாஸ்வேர்டு வைக்கும் பொழுது சற்று எளிதாக நினைவில் வைத்துக் கொள்ளக் கூடிய வகையிலான பாஸ்வேர்டுகளை வைப்பதுண்டு. அதே நேரம் ஆன்லைனில் ஏதேனும் பாதுகாப்பு சார்ந்த விசயங்களுக்கு வைக்கும் போது சற்று கடினமாக, யாரும் எளிதில் கண்டுபிடிக்க முடியாத வகையில் வைப்பதுண்டு.

பெயர்:

சிலர் தங்களது பெயரையே பாஸ்வேர்டாக வைப்பதுண்டு. பிறந்த தேதி, திருமண் தேதி, பிறந்த ஆண்டு என மிக சாதாராணமாக அனைவரும் கண்டுபிடிக்கும் வகையில் வைப்பர். இன்னும் சிலர் மிகவும் கடினமாக யாரும் ஹேக் செய்து விட முடியாத அளவிற்கு ரூம் போட்டு யோசித்து வைத்தது போல இருக்கும். அதை அவர்களே நினைவில் வைத்துக் கொள்வது கடினமாக இருக்கும்.

இதையும் படிக்க: இது யாருக்கெல்லாம் கடைசி உலகக்கோப்பை? சரித்திரம் படைக்கப் போவது யார்?

பாஸ்வேர்டே பாஸ்வேர்டு:

இந்தியாவில் அதிக நபர்கள் பயன்படுத்திய பாஸ்வேர்டு "பாஸ்வேர்டு" ஆகும். பாஸ்வேர்டு என்ற பெயரையே அதிக நபர்கள் தங்களது விருப்பமான பாஸ்வேர்டாக வைத்துள்ளனர். சுமார் 34,90,216 நபர்கள் இந்த "பாஸ்வேர்டு" என்ற பெயரை பாஸ்வேர்டாக  பயன்படுத்தி வந்துள்ளனர்.

123456:

இரண்டாம் இடத்தில் மிகவும் சுலபமாக எளிதில் நினைவில் இருக்கும் படியான எண்களை பாஸ்வேர்டாக பலர் வைத்துள்ளனர். இந்தியாவில் சுமார் 1,66,757 பேர் "123456" என்ற எண்களை பாஸ்வேர்டாக வைத்துள்ளனர். இந்த வகையான பாஸ்வேர்டுகளை ஹேக்கர்களால் சுலபமாக கண்டுபிடித்து விட முடியும்.

Bigbasket :

மூன்றாம் இடத்தில் "bigbasket" என்ற வார்த்தையை சுமார் 75 ஆயிரம் பேர் பாஸ்வேர்டாக வைத்துள்ளனர். நான்காம் இடத்தில் இருக்கும் பாஸ்வேர்டு "anmol123". சுமார் 10 ஆயிரம் பேர் பாஸ்வேர்டாக வைத்துள்ளனர். ஐந்தாம் இடத்தில் "abcd1234" என்பதை சுமார் 8,000 பேர் பாஸ்வேர்டாக வைத்துள்ளனர். 

Googledummy:

சுமார் 8,000 பேர் பயன்படுத்தும் "googledummy"  என்ற பாஸ்வேர்டு ஆறாம் இடத்திலும், சுமார் 7,000 பேர் பயன்படுத்தும் "indyal123" என்ற பாஸ்வேர்டு எழாம் இடத்திலும் உள்ளது. எட்டாம் இடத்தில் "qwerty123" என்ற பாஸ்வேர்டு உள்ளது. இதை சுமார் 7,000 பாஸ்வேர்டாக வைத்துள்ளனர்.

Shopping:
   
ஒன்பதாம் இடத்தில் "shopping" என்ற வார்த்தை உள்ளது. இதை சுமார் 4,000 பேர் பாஸ்வேர்டாக வைத்துள்ளனர். சுமார் 3,000 பேர் பாஸ்வேர்டாக பயன்படுத்தும்  "iphone5s" எனற வார்த்தை பத்தாம் இடத்தில் உள்ளது.

இவ்வளவு சுலபமாக பாஸ்வேர்டுகளை ஹேக்கர்ஸ் எளிதில் கண்டுபிடித்து விட முடியும். ஆகையால் இனி நீங்கள் வைக்கும் பாஸ்வேர்டு வைக்கும் பொழுது  யாரும் எளிதில் யூகிக்கமுடியாதபடி வைப்பது நல்லது.   

செங்காந்தல் செடியின் கிழங்கை சாப்பிட்ட இளைஞர் உயிரிழந்துள்ளார். உயிரிழப்பிற்கான காரணம் என்ன என்பது குறித்து சிவகங்கை அரசு பொது நல மருத்துவர் பரூக் அப்துல்லா விளக்கியுள்ளார். 

இளைஞர் உயிரிழப்பு:

ஆம்பூர் அருகே செங்காந்தள் செடியின் கிழங்கை சாப்பிட்டால் உடல் ஆரோக்கியமாக இருக்கும் என்ற வாட்ஸ்அப்பில் வந்த செய்தியை நம்பி, அச்செடியில் கிழங்கை சாப்பிட்டு உயிரிழந்துள்ளார் இளைஞர் ஒருவர்.

மருத்துவரின் விளக்கம்:

செங்காந்தள் செடியின் கிழங்கை இயற்கை மருந்து என்று சாப்பிட்ட இளைஞர் மரணமடைந்திருப்பது துரதிருஷ்டவசமானதாகும். இது குறித்த எனது விளக்கம் : செங்காந்தள் என்பது பன்னெடுங்காலமாக மருந்தாகப் பயன்பட்டு வரும் மூலிகைச் செடியாகும். இதன் அறிவியல் பெயர் "Gloriosa superba".

இதையும் படிக்க: காங்கிரசுக்கு இருக்கும் அக்கறை கூட அதிமுகவிற்கு இல்லையா? 10% இடஒதுக்கீடு இரட்டை வேடமா?

சங்க நூல்களில் செங்காந்தல்:

இத்தகைய செங்காந்தள் குறித்து எகிப்திலும் சரி நமது சங்க கால நூல்களிலும் சரி குறிப்புகள் உள்ளன. இந்தச் செடியின் மலர் இலை வேர் குறிப்பாக கிழங்கில் கோல்ச்சிசின் (COLCICHINE ) எனும் மருந்து மூலப்பொருள் இருக்கிறது. இதன் காரணமாக இந்த செடி ஆயுர்வேதம், சித்தா , யுனானி மருத்துவப் பிரிவுகளில் கீல் வாதம் , மூட்டு வலி போன்ற ரியூமாடிக் பிரச்சனைகளுக்கு மருந்தாகப் பயன்பட்டு வந்திருக்கிறது. பயன்படுத்தப்பட்டும் வருகிறது.

நோய்க்கு மருந்து:

நவீன மருத்துவத்தில் இந்த கோல்சிசின் - கீல்வாதம் எனும் கவுட் பிரச்சனைக்கும், மெடிட்டரேனியன் ஃபீவர் எனும் நோய்க்கும மருந்தாகப் பயன்பட்டு வருகிறது. இந்த மருந்தின் பிரச்சனை யாதெனில் இதற்கு NARROW THERAPEUTIC INDEX உள்ளது. அதாவது நோயை சரிசெய்ய கொடுக்கப்படும் மருந்தின் டோஸுக்கும் அபாயகரமான பக்கவிளைவுகளை உண்டாக்கும் டோஸ்க்கும் இடையே பெரிய வித்தியாசம் இருக்காது.

எச்சரிக்கை:

எனவே கொஞ்சம் இந்த மருந்தின் அளவு கூடினாலும் பல அபாயகரமான பக்க விளைவுகளை சந்திக்க வேண்டி வரும். எனவே இந்த மருந்தை மருத்துவர் பரிந்துரை இன்றி உட்கொள்வது ஆபத்தானது. இந்த கோல்சிசின் மருந்து கீழ்வாத நோய்க்கு தினமும் 1.2 மில்லிகிராம் என்ற அளவில் மட்டுமே வழங்கப்படுகிறது. ஆனால் இந்த செங்காந்தள் கிழங்கில் சுமார் 350 மில்லி கிராம் வரை கோல்சிசின் இருக்கக்கூடும்.

எத்தனை கிழங்குகள் சாப்பிட்டார்?:

ஒருவரை மரணிக்கச் செய்ய 7 முதல் 26 மில்லிகிராம் அளவு கோல்சிசின் போதுமானது எனும் போது இந்த இளைஞர் எத்தனை கிழங்குகளை சாப்பிட்டார் என்று தெரியவில்லை. கட்டாயம் உயிரைப் போக்கும் அளவு அவர் சாப்பிட்டிருக்கக் கூடும் என்பது திண்ணம். முதலில் வாந்தி வயிற்றுப்போக்கு எனும் ஆரம்பித்து பிறகு படிப்படியாக சிறுநீரகம், கல்லீரல் என்று உறுப்புகளை செயலிழக்கச் செய்து மரணத்தை தரவல்லது.

ஏற்றுமதி:

இந்த விஷம் இந்தச் மருந்துச் செடியின் விதைகள் மற்றும் கிழங்குகள் மருத்துவ குணத்திற்காக நல்ல விலைக்கு ஏற்றுமதி செய்யப்படுகின்றன. ஆயினும் மருத்துவத்தை இயற்கை மருத்துவம். பாட்டி மருத்துவம், வீட்டு மருத்துவம் என்ற பெயரில் கையில் எடுத்து இது போன்ற அசம்பாவிதங்களில் சிக்கிக் கொள்வது தவறு. முறைப்படி மருத்துவம் பயின்ற மருத்துவர்களிடம் சிகிச்சை பெறுவது தான் நல்லது. தானாக இவ்வாறான செய்தித் துணுக்குகளைப் படித்து சுய சிகிச்சை செய்யும் போது உயிருக்கு ஆபத்து நேரிடும் என்பதற்கு இது போன்ற செய்திகள் சாட்சி. 

இவ்வாறு டாக்டர் பரூக் அப்துல்லா தனது பேஸ்புக் பக்கத்தில் குறிப்பிட்டுள்ளார்.