ஆஸ்திரேலிய அணிக்கு எதிரான இரண்டாவது ஒருநாள் போட்டியில் 99 ரன்கள் வித்தியாசத்தில் இந்திய அணி அபார வெற்றி பெற்று தொடரையும் கைப்பற்றியது.

இந்தியா - ஆஸ்திரேலியா இடையேயான இரண்டாவது ஒருநாள் கிாிக்கெட் போட்டி இந்தூர் மைதானத்தில் நடைபெற்றது. இதில் முதலில் பேட்டிங் செய்த இந்திய அணி நிர்ணயிக்கப்பட்ட 50 ஓவர்களில் 5 விக்கெட் இழப்பிற்கு 399 ரன்கள் குவித்தது. இந்திய அணியில் அதிகபட்சமாக ஸ்ரேயாஸ் 105 ரன்களும், சுப்மன் கில் 104 ரன்களும், சூர்யகுமார் 72 ரன்களும், கேஎல் ராகுல் 52 ரன்களும் குவித்தனர்.

இதையடுத்து 400 ரன்கள் எடுத்தால் வெற்றி என்ற கடினமான இலக்குடன் ஆஸ்திரேலிய அணி வீரா்கள் களமிறங்கினா். அந்த அணி 9 ஓவர்கள் முடிவில் 2 விக்கெட் இழப்பிற்கு 56 ரன்கள் எடுத்திருந்தபோது மழை குறுக்கிட்டது. சுமாா் 1 மணி நேரத்திற்கு மேல் ஆட்டம் நிறுத்தப்பட்டதால் ஓவர்கள் குறைக்கப்பட்டு 33 ஓவரில் 317 ரன்கள் இலக்கு நிர்ணயிக்கப்பட்டது.

தொடர்ந்து ஆடிய ஆஸ்திரேலியா அணி 28 புள்ளி 2 ஓவர்களில் அனைத்து விக்கெட்டுகளையும் இழந்து 217 ரன்கள் மட்டுமே எடுத்தது.  இந்திய அணியின் சார்பில் சிறப்பாக பந்து வீசிய அஸ்வின் மற்றும் ஜடேஜா ஆகியோர் தலா 3 விக்கெட்கள் வீழ்த்தினர்.

இதன்மூலம் ஆஸ்திரேலிய அணிக்கு எதிரான இரண்டாவது ஒருநாள் போட்டியில் 99 ரன்கள் வித்தியாசத்தில் இந்திய அணி அபார வெற்றிபெற்றது. இதன்படி 3 போட்டிகள் கொண்ட ஒருநாள் தொடரை 2-0 என்ற புள்ளிக்கணக்கில் இந்திய அணி கைப்பற்றி அசத்தியது.  

இதையும் படிக்க: "உரிமைத் தொகையை கொள்ளையடிக்கும் பாஜக ஆட்சி" முதலமைச்சர் குற்றச்சாட்டு!

ஆசிய விளையாட்டுப் போட்டியின் முதல் நாளில்  இந்தியா 3 வெள்ளி உட்பட  5 பதக்கங்களை வென்றுள்ளது.  

சீனாவின் ஹங்சோவ் நகரில் 19 ஆவது  ஆசிய விளையாட்டுப் போட்டிகள் நேற்று அதிகாரப் பூர்வமாக தொடங்கியது.

துப்பாக்கிச் சுடுதல் போட்டியில் 10 மீட்டர் ஏர் ரைபிள் பிரிவில் இந்திய வீராங்கனைகள் மெஹூலி கோஷ் மற்றும் ஆஷி சௌக்சே ஆகியோர்  வெள்ளிப் பதக்கங்களை வென்றனர்.  இதே பிரிவில் மற்றொரு வீராங்கனை ரமிதா ஜிண்டால்  வெண்கலப் பதக்கம் வென்றார். 
 
இதேபோல், லைட் வெயிட் துடுப்புப் படகு போட்டியில் பங்கேற்ற இந்திய வீரர்கள் அர்ஜூல் லால் மற்றும் அரவிந்த் சிங் இருவரும் சிறப்பாக விளையாடி வெள்ளிப் பதக்கத்தை  வென்றனர். எட்டுபேர் பங்கேற்கும் பிரிவிலும் இந்திய அணி வெள்ளிப் பதக்கம் வென்றது. இதேபோல், பாபுலால் யாதவ் மற்றும் லேக் ராம் ஆகியோர்  வெண்கலப் பதக்கம் வென்றுள்ளனர்.

இருபது ஓவர் மகளிர் கிரிக்கெட் போட்டியில் வங்கதேச அணியுடன்  மோதிய இந்திய அணி 8 விக்கெட் வித்தியாசத்தில் வெற்றி பெற்று இறுதிப் போட்டிக்கு தகுதி பெற்றுள்ளது. இதன் மூலம் இந்தியாவுக்கு மேலும் ஒரு பதக்கம் உறுதியாகியுள்ளது.   

இதனிடையே, ஆசிய விளையாட்டுப் போட்டியை முன்னிட்டு   உருவாக்கப்பட்டுள்ள ரோபோட்டிக் சின்னங்கள் பார்வையாளர்களைக் கவர்ந்துள்ளன. சென்சென், காங்காங், மற்றும் லியான்லியான் ஆகிய மூன்று ரோபோ சின்னங்கள் ஹங்சௌ நகரின் கலாச்சாரம் மற்றும்  பாரம்பரியத்தை அடையாளப்படுத்தும் விதமாக உருவாக்கப்பட்டுள்ளன.  

இதையும் படிக்க: கடலூரில் முதல் முறையாக ’நம்ம ஸ்ட்ரீட்’ நிகழ்ச்சி...குஷியில் பொதுமக்கள்!

19 வது ஆசிய விளையாட்டு போட்டிகள் தொடக்க விழா சீனாவின் ஹாங்சோவில் கண்கவர் கலை நிகழ்ச்சிகளுடன் கோலகலமாக தொடங்கியது.

சீனாவின் ஹாங்சோவ் நகரில் ஆசிய விளையாட்டுப் போட்டிகள் துவக்க விழா கோலாகலமாக நடைபெற்றது. விழாவில் சீனாவின் பாரம்பரியத்தை பறைசாற்றும் வகையில் கண்கவர் கலை நிகழ்ச்சிகள் இடம்பெற்றது. வண்ண  வண்ண உடைகளில்  சீன பெண்களின் குழு நடனம்  மற்றும் பல்வேறு  நடனங்கள் பார்வையாளர்களை வெகுவாக கவர்ந்தது. 

தொடர்ந்து  நிகழ்த்திய கண்கவர் வான வேடிக்கை பார்வையார்களை பிரம்மிக்க வைத்தது. இரவை பகலாக்கும் வகையில், வானில் வர்ண ஜாலம் நிகழ்த்திய வாண வேடிக்கையை கண்டு பார்வையாளர்கள் மெய் சிலிர்த்தனர்.  

இதையும் படிக்க : சென்னை - நெல்லை இடையே வந்தே பாரத் ரயில் சேவை...இன்று தொடங்கி வைக்கிறார் பிரதமர்!

தாமரைப்பூ வடிவிலான ஒலிம்பிக் ஸ்போர்ட்ஸ் சென்டர் ஸ்டேடியத்தில்  சீன அதிபர் ஜி ஜின்பிங் ஆசிய போட்டிகளை தொடங்கி வைத்தார். முன்னதாக, ஆசிய விளையாட்டு போட்டிகளில் பங்கேற்கும் நாடுகளை சேர்ந்த வீரர்கள், வீராங்கனைகள் தங்கள் நாட்டை அறிமுகப்படுத்தும் வகையில் தேசியக்கொடியுடன் அணிவகுப்பு நடத்தினர். ஆக்கி அணி கேப்டன் ஹர்மன்பிரீத் சிங்  தலைமையில் தேசிய கொடியை இந்திய வீரர் வீராங்கனைகள் ஏந்தி சென்றனர். 

19வது ஆசிய விளையாட்டு போட்டி அக்டோபர் 8ம் தேதி வரை நடைபெற உள்ளது. சீனாவில் 6 நகரங்களில் 61 பிரிவுகளில் நடைபெறும் 40 விளையாட்டுப் போட்டிகளில் சீனா, ஜப்பான், இந்தியா, தென் கொரியா, பாகிஸ்தான் உள்பட 45 நாடுகளை சேர்ந்த வீரர், வீராங்கனைகள் பங்கேற்கின்றனர்.

ஆசிய போட்டியில் பங்கேற்க இந்திய அணியில் இடம்பெற்றுள்ள 699 வீரர், வீராங்கனைகள் 39 விளையாட்டுகளில் பங்கேற்கின்றனர். கடந்த முறை இந்தியா 16 தங்கம் உட்பட 70 பதக்கங்கள் வென்று பதக்க பட்டியலில் 8-வது இடத்தை பிடித்தது என்பது குறிப்பிடத்தக்கது.

வாரணாசியில் 451 கோடி ரூபாய் அமைய உள்ள புதிய சர்வதேச கிரிக்கெட் மைதானத்திற்கு பிரதமர் நரேந்தி மோடி அடிக்கல் நாட்டினார்.

உத்தரப் பிரதேச மாநிலம் வாரணாசியில் சர்வதேச கிரிக்கெட் மைதானத்திற்கு அடிக்கல் நாட்ட வந்த பிரதமருக்கு பாஜகவினர் மற்றும் பொதுமக்கள் உற்சாக வரவேற்பு அளித்தனர். பின்னர் நிகழ்ச்சி நடைபெறும் மேடைக்கு வந்த பிரதமருக்கு, அடுத்த மாதம் தொடங்கும் ஐசிசி உலகக் கோப்பைக்கு இந்திய அணி அணியும் 'ட்ரீம் 11 இந்தியா' என எழுதப்பட்ட ஜெர்சியை, கிரிக்கெட் சாம்பவான் சச்சின் டெண்டுல்கர் வழங்கினார்.

தொடர்ந்து 30 ஆயிரம் பேர் அமரும் வகையில் 451 கோடி மதிப்பீட்டில் உருவாக்கப்படும் சர்வ தேச கிரிக்கெட் மைதானத்திற்கு பிரதமர் நரேந்திர மோதி அடிக்கல் நாட்டினார். இந்த அரங்கத்தின் கருப்பொருள் கட்டிடக்கலை சிவபெருமானை குறிக்கும் வகையில் பிறை வடிவ மேற்கூரைகள், திரிசூல வடிவ இரவு விளக்குகள், படித்துறை படிகள் அடிப்படையிலான இருக்கைகள் இடம்பெற உள்ளன. இந்நிகழ்ச்சியில் பிசிசிஐ அதிகாரிகள் ரோஜர் பின்னி, ஜெய் ஷா மற்றும் ராஜீவ் சுக்லா ஆகியோர் கலந்துகொண்டனர். 

நிகழ்ச்சியில் பேசிய பிரதமர் நரேந்திர மோடி, இந்த மைதானம் வாரணாசி மற்றும் முழு பூர்வாஞ்சல் இளைஞர்களுக்கான பரிசு என்றார்.  மேலும் சர்வதேச விளையாட்டுகளில் இந்தியா கண்டுவரும் வெற்றி, விளையாட்டு மீதான பார்வையில் மாற்றம் ஏற்பட்டுள்ளதற்கு சான்று என்றும் விளையாட்டு வீரர்களுக்கு மத்திய அரசு பல்வேறு உதவிகளை செய்து வருவதாகவும் தெரிவித்தார். டெல்லி, மும்பை, கொல்கத்தா மற்றும் சென்னையில் மட்டுமே அனைத்து வசதிகளுடன் கூடிய மைதானங்கள் இருந்தன. ஆனால், தற்போது தொலைதூரத்தில் உள்ள வீரர்களுக்கு இந்த வசதிகள் வழங்கப்பட்டு வருகின்றன என்று பிரதமர் தெரிவித்தார்.

இதையும் படிக்க || வைகை ஆறு சுத்தம் செய்யும் பணி தொடக்கம்!!

சென்னையில் தொடங்கிய 'த்ரீ எக்ஸ் த்ரீ' எனப்படும் தேசிய சாம்  பியன் ஷிப் கூடைப்பந்து போட்டியில் காலிறுதிக்கு முந்தைய சுற்றுக்கு தமிழ்நாடு ஆடவர் அணி முன்னேறியது. 

இந்திய கூடைப்பந்து சம்மேளனம் சார்  பில் நடைபெறும் இந்த போட்டியின் ஆடவர்   பிரிவில் 30 அணிகளும், மகளிர்   பிரிவில் 26 அணிகளும் களமிறங்கி உள்ளன. லீக் மற்றும் நாக் அவுட் முறையில் நேரு உள் விளையாட்டு அரங்கில் நடைபெற்ற முதல் சுற்றில் 72 அணிகள் விளையாடிது.

இதையும் படிக்க : ”தமிழ்நாட்டிலிருந்து திமுகவை நீக்குவதற்காக இ  பிஎஸ் போராடி வருகிறார்" - ஆர்.  பி. உதயகுமார்

இதில் தமிழ்நாடு ஆடவர் அணி, லீக் போட்டிகளில் வெற்றி பெற்று காலிறுதிக்கு முந்தைய சுற்றுக்கு முன்னேறி உள்ளது. மகளிர்   பிரிவில் குஜராத் அணிக்கு எதிரான போட்டியில்,  தமிழ்நாடு மகளிர் அணி வெற்றி பெற்றது. தமிழ்நாடு மகளிர் அணி 19 புள்ளிகள் பெற்ற நிலையில், குஜராத் அணி 14 புள்ளிகள் மட்டுமே பெற்று தோல்வியை தழுவியது .