தஞ்சை | சேத்தியாத்தோப்பு,  திருப்பனந்தாள் சோழபுரம் வழியாக தனியார் பேருந்து கும்பகோணம் நொக்கி சென்றுக்கொண்டிருந்தது. 

அப்போது பேருந்தில் பயணித்த கல்லூரி மாணவர்கள் ஏறும் படிக்கட்டுகளில் தொங்கியபடியும், பின்பக்க படிக்கட்டில் தொங்கிய படியும் மாணவர்கள் ஆபத்தான பயணம் செய்யும் வீடியோ தற்போது சமூக வலைத்தளங்களில் பரவி வருகிறது. 

இந்நிலையில் கூடுதலாக அரசு பேருந்துகள் இயக்க வேண்டும் என சமூக ஆர்வலர்கள் கோரிக்கை வைத்தனர். 

மேலும் படிக்க | ஆபத்தான முறையில் இருசக்கர வாகனத்தில் பயணம் செய்த இளம்பெண்ணின் வீடியோ வைரல்... 

கோழிக்கோட்டில், பெண்ணாகப் பிறந்து ஆணாக மாறிய சஹத் பாசிலும், ஆணாகப் பிறந்து பெண்ணாக மாறிய சியா பாவலும் சமீபத்தில் திருமணம் செய்துகொண்டனர். 

ஆணாக மாறி மார்பகங்களை அகற்றியபோதும் கருப்பை இருப்பதால், தன்னால் சிசுவை சுமக்க முடியும் என்பதை அறிந்துகொண்ட சஹத், சியாவால் கருவுற்றார். 

தொடர்ந்து 8 மாத கர்ப்பத்துடன் அவர் இருக்கும் நிலையில், அடுத்த மாதம் 4ம் தேதி குழந்தை பிறக்கும் என தெரிவிக்கப்பட்டுள்ளது. 

மேலும் படிக்க | திருநங்கைக்கு கோ-தானம் செய்த சமூக ஆர்வலர்... புதுவாழ்வில் நிம்மதியாக இருக்கும் திருநங்கை... 

புதுக்கோட்டை ராஜகோபாலபுரம் அரசு பள்ளி மாணவியரை கலைத் திருவிழாவில் பங்கேற்க வைக்க, அப்பள்ளியின் தமிழாசிரியை ரேவதி மாணவிகளை உற்சாகப்படுத்தும் வகையில், மலையாள பாடல் ஒன்றுக்கு நடனம் ஆடி மாணவியரை உற்சாகத்துடன் பங்கேற்க தூண்டியுள்ளார்.

ஆசிரியையின் இந்த நடன வீடியோவை புதுக்கோட்டை மாவட்ட ஆட்சியர் கவிதா ராமு  தனது முகநூல் பக்கத்தில் பதிவிட்டுள்ளார். தற்போது இந்த வீடியோ வைரலாகி வருகிறது.

மேலும் படிக்க | மதுபோதை பயணியை தாக்கிய நடத்துனரின் வீடியோ வைரல்...

கர்நாடகா | விஜயநகர் மாவட்டம் ஹொஸ்பேட் தாலுக்கா சிட்டவாடிகி என்ற பகுதியில் இளைஞர் பலர் சில இரண்டு சக்கர வாகனத்தில் சாலையில் சாகசம் செய்தவாறு பயணித்து கொண்டிருந்தனர். அதை முன்னாள் சென்ற ஒருவர் தனது செல் போனில் படம் பிடித்தவாறு சென்று கொண்டிருந்தார். 

புல்லட் வாகனத்தில் சென்று கொண்டிருந்த மல்லிகார்ஜுன் மற்றும் விருபாக்சா என்ற இரு இளைஞர்கள் அனைவரின் வாகனத்தை முந்தி செல்ல முயற்சித்த போது சாலையின் நடுவே இருந்த தடுப்பு சுவர் மீது வாகனம் மீது விபத்தை சந்தித்தார். 

மேலும் படிக்க | தேசிய நெடுஞ்சாலையில் திடீரென தீப்பிடித்து எரிந்த பால் வேன்... 

இதில் இருசக்கர வாகனத்தில் பின்னால் இருந்த இளைஞன் வானத்தில் தூக்கி வீசப்பட்டு கீழே விழுந்தார். சினிமா படலத்தில் சண்டை காட்சியில் நபர்கள் தூக்கி வீசப்படும் காட்சியை போல் இந்த விபத்தில் சிக்கிய இளைஞர் தூக்கி வீசப்பட்டார். 

விபத்தில் சிக்கிய இருவரும் சிறு காயங்களுடன் அதிர்ஷ்டவசமாக உயிர்பிழைத்துள்ளனர். இந்த விபத்து காட்சி தற்பொழுது சமூக வலைதளங்களில் வைரலாக பரவி வருகிறது. 

மேலும் படிக்க | பள்ளத்தாக்கில் கவிழ்ந்த தமிழ்நாடு அரசுப் பேருந்து....பயணிகள் நிலை?!!! 

விருதுநகர் | காரியாபட்டி அருகே உள்ள தனியார் (சிஇஓஏ) கலை மற்றும் அறிவியல் கல்லூரியில் இன்று 2-ம் ஆண்டு பட்டமளிப்பு விழா நடைபெற்றது.

இந்த நிகழ்ச்சியில் மதுரை காமராஜர் பல்கலைக்கழகத்தின் துணைவேந்தர் குமார் மற்றும் மதுரை காமராஜர் பல்கலைக்கழகத்தின் தேர்வு கட்டுப்பாளர் தர்மராஜ் ஆகியோர் சிறப்பு விருந்தினராக கலந்து கொண்டு 200-க்கும் மேற்பட்ட மாணவ மாணவியர்களுக்கு பட்டம் வழங்கப்பட்டது.

இக்கல்லூரியில் சேரும் மாணவ மாணவியர்களிடம் யுனிவர்சிட்டி ரேங்க்  எடுப்பவர்களுக்கு கல்லூரி நிர்வாகத்தின் சார்பில் ஒரு லட்ச ரூபாய் ரொக்க பணமும், கோல்ட் மெடல் வழங்கப்படும் என மாணவ மாணவியர்கள் மற்றும் பெற்றோர்களிடையே கல்லூரி நிர்வாகம் சொல்லியதாக கூறப்படுகிறது.

மேலும் படிக்க | தேனீக்கள் துறத்த அலறியடித்து ஓடிய சுற்றுலா பயணிகள்...

அதனையொட்டி கல்லூரியில் 2017 முதல் 2020 வரை  வணிகவியல் பாட பிரிவு படித்த மாணவி தீபலெட்சுமி என்பவர் மதுரை காமராஜர் பல்கலைக்கழகத்திற்கு உட்பட்ட கல்லூரிகளில் முதல் மதிப்பெண் பெற்று சாதனை படைத்தார்.

மேலும் பல்கலைக்கழக அளவில் இரண்டாவது இடமும், நான்காவது இடமும், ஆறாவது இடமும் பிடித்து மாணவிகள் சாதனை படைத்தனர். அவர்களை தங்கப்பதக்கம் வென்றவர்கள் என  கல்லூரி நிர்வாகம் சார்பில் அறிவித்து மாணவர்கள் சேர்க்கைக்காக சுவரொட்டிகளில் விளம்பரம் செய்து வந்தனர்.

இந்நிலையில் பட்டமளிப்பு விழாவில் மதுரை காமராஜர் பல்கலைக்கழக தரவரிசை பெற்றவர்களுக்கு ஒரு லட்சம் ரொக்க பணம் கொடுக்காமல் ஏமாற்றியும், தங்க பதக்கத்திற்கு பதிலாக 30 ரூபாய் மதிப்புள்ள தகர மெடலை கோல்டு மெடல் எனக்கோரி வழங்கியதால் பல்கலைக்கழக முதலிடங்களை பிடித்த மாணவிகள் அதிர்ச்சி அடைந்தனர்.

மேலும் படிக்க | ஆதிபுருஷை விட இது எவ்வளவோ மேல்... “ஹனுமான்” பட டீசருக்கு குவியும் பாராட்டுகள்...

இதனால் கல்லூரியில் படித்து பல்கலைக்கழக தரவரிசையில் இடம் பிடித்த மாணவ, மாணவிகள் மிகுந்த சோகத்தில் ஆழ்ந்துள்ளதோடு. மேலும் கல்லூரி நிர்வாகம் எங்களுக்கு நம்பிக்கை மோசடி செய்துள்ளதாக மாணவிகள் குற்றம் சாட்டி உள்ளனர்.

மதுரை காமராஜர் பல்கலைக்கழகத்திற்குட்பட்ட கல்லூரிகளில் பல்கலைக்கழக தர வரிசையில் முதலிடம் பிடித்து சாதனை படைத்த கல்லூரி மாணவியின் ஆதங்க வீடியோ தற்போது சமூக வலைதளங்களில் பரவி வைரல் ஆகி வருகிறது.

மேலும் படிக்க | பனியால் கருகும் ரோஜா மலர்கள்... ஏமாற்றத்தில் சுற்றுலா பயணிகள்...