பாகிஸ்தான் முன்னாள் அதிபர் பர்வேஸ் முஷாரப் காலமானார்.  ஆதாரங்களை மேற்கோள் காட்டி பாகிஸ்தான் ஊடகங்கள் இந்த செய்தியை வெளியிட்டுள்ளன.

நீண்டநாள் சிகிச்சை:

முஷாரப் நீண்ட நாட்களாக உடல் நலக்குறைவால் துபாயில் உள்ள மருத்துவமனையில் சிகிச்சை பெற்று வந்தார்.  அவர் தனது 79வது வயதில் இறுதி மூச்சை விட்டார்.  முஷாரப் அமிலாய்டோசிஸ் நோயால் பாதிக்கப்பட்டிருந்தார் என்பது குறிப்பிடத்தக்கது.

பர்வேஸ் முஷாரப்:

பாகிஸ்தானின் முன்னாள் அதிபரும் ராணுவ தளபதியுமான பர்வேஸ் முஷாரப் ஆகஸ்ட் 11, 1943 அன்று டெல்லியின் தர்யாகஞ்ச் பகுதியில் பிறந்தார்.  1947ல் இந்தியா பிரிவதற்கு சில நாட்களுக்கு முன்பு, அவரது முழு குடும்பமும் பாகிஸ்தானுக்கு செல்ல முடிவு செய்தது.  இவரது தந்தை பாகிஸ்தான் அரசில் பணிபுரிந்தவராவார்.

ஜெனரல் பர்வேஸ் முஷாரப்:

1998 ஆம் ஆண்டில் பர்வேஸ் முஷாரப் ஜெனரலாக ஆனார்.  இவரது தலைமையில் இந்தியாவுக்கு எதிராக கார்கில் போருக்கு சதி செய்தார்கள்.  ஆனால் இந்தியாவின் துணிச்சலான வீரர்கள் அவர்களின் ஒவ்வொரு அசைவையும் முறியடித்தனர்.  'இன் தி லைன் ஆஃப் ஃபயர் - எ மெமோயர்' என்ற தனது வாழ்க்கை வரலாற்றில், ஜெனரல் முஷாரப், கார்கிலைக் கைப்பற்றுவேன் என்று சபதம் செய்ததாகவும் ஆனால் நவாஸ் ஷெரீப் காரணமாக அவரால் அவ்வாறு செய்ய முடியவில்லை எனவும் எழுதியுள்ளார்.

முஷாரப் மீது தேசத்துரோக குற்றம்:

1999 முதல் 2008 வரை பாகிஸ்தானை ஆட்சி செய்த ஜெனரல் முஷாரப், தேசத்துரோக குற்றச்சாட்டிற்கு ஆளாகி, அரசியலமைப்பை இடைநிறுத்தியதற்காக 2019 இல் மரண தண்டனை விதிக்கப்பட்டார். பின்னர் அவரது மரண தண்டனை நிறுத்தி வைக்கப்பட்டது.   2020 ஆம் ஆண்டில், லாகூர் உயர் நீதிமன்றம் முஷாரப்பிற்கு எதிராக நவாஸ் ஷெரீப் அரசாங்கம் எடுத்த அனைத்து நடவடிக்கைகளும் அரசியலமைப்பிற்கு முரணானது என்று அறிவித்தது.

சர்வாதிகாரியான முஷாரப்:

1998ல், பாகிஸ்தான் பிரதமராக இருந்த நவாஸ் ஷெரீப், பர்வேஸ் முஷாரப்பை ராணுவத் தளபதியாக்கினார்.  ஆனால் ஒரு வருடம் கழித்து 1999 இல், ஜெனரல் முஷாரப் நவாஸ் ஷெரீப்பை தூக்கி எறிந்து பாகிஸ்தானின் சர்வாதிகாரியாக ஆனார்.  அவர் ஆட்சிக்கு வந்தவுடன், நவாஸ் ஷெரீப் அவரது குடும்பத்தினருடன் பாகிஸ்தானை விட்டு வெளியேறினார்.

-நப்பசலையார்

இதையும் படிக்க:  நானே உன் மகன்.... தைப்பூச தீர்த்தவாரி.... வரலாறு!!

சிலியில் பரவி வரும் காட்டுத்தீயில் பலியானோர் எண்ணிக்கை 22 ஆக அதிகரித்துள்ளது. 

சிலி நாட்டில் கடும் வெப்பம் நிலவி வருகிறது.  இதன் காரணமாக  நாடு முழுவதும் வெப்பக்காற்று காரணமாக 150க்கும் இடங்களில் காட்டுத்தீ ஏற்பட்டுள்ளது.  இதன் காரணமாக காட்டுத்தீயை அணைக்க தீயணைப்பு துறையினர் தீவிர நடவடிக்கை எடுத்து வருகின்றனர்.  இந்நிலையில், சிலியில் காட்டுத்தீயில் சிக்கி பலியானோர் எண்ணிக்கை 22 ஆக அதிகரித்துள்ளது. 

மேலும், 500க்கும் அதிகமானோர் படுகாயம் அடைந்து சிகிச்சை பெற்று வருகின்றனர்.  இதில் 16 பேரின் நிலைமை கவலைக்கிடமாக உள்ளது என கூறப்படுகிறது. 

இதையும் படிக்க:   அமெரிக்காவில் உருவான இந்தியாவின் நிசார்...விரைவில் இந்தியா வருகை!!!

கொழும்பு காலி முகத்திடலில் சுதந்திர தின விழா நிகழ்ச்சிகள் பிரமாண்டமாக நடைபெற்றது.  அதில் முப்படையினர், சிறப்பு காவல் படையினா், ஓய்வு பெற்ற முன்னாள் முப்படை வீரர்கள் என 6 ஆயிரத்து 410 படை வீரர்கள் பங்கேற்ற அணிவகுப்பு நடந்தது.  இது அனைவாின் கண்களையும் கவா்ந்தது. 

குடியரசுத் தலைவர் உரை:

சமாதானத்தையும், நல்லிணக்கத்தையும் மனதில் கொண்டு ஒற்றுமையுடன் திட்டமிட்டு முன்னேறினால் 2048-ம் ஆண்டில் வல்லரசு நாடாக இலங்கை மாறும் என குடியரசு தலைவா் ரணில் விக்ரமசிங்கே நம்பிக்கை தொிவித்துள்ளாா்.  

ஒன்றாக போராடலாம்:

இலங்கையின் 75-வது சுதந்திர தினத்தை முன்னிட்டு அதிபர் ரணில் விக்ரமசிங்கே மக்களுக்கு ஆற்றிய உரையில், மக்களை ஏமாற்றும் ஊழல் அரசியல் வாதத்தை தோற்கடிக்க வேண்டும் என கூறிய அவா் அனைவரும் ஒற்றுமையுடன் திட்டமிட்டு முன்னேறினால் 2048-ம் ஆண்டில் வல்லரசு நாடாக இலங்கை மாறலாம் எனத் தொிவித்தாா். 

போராட்டம்:

நாட்டில் பொருளாதாரம் வலுவிழந்து வரும் நிலையில் இது போன்ற ஆடம்பரமான அணிவகுப்பு தேவை தானா எனவும் அதிக பொருள் செலவிலான கொண்டாட்டங்கள் அவசியமா என கேள்வி எழுப்பி போராட்டம் நடத்தியுள்ளனர்.

இதையும் படிக்க:  அமெரிக்காவில் நுழைந்த சீனா உளவு பலூன்......

அமெரிக்காவின் அணு ஆயுத தளத்துக்கு மேல் பறந்திருந்த சீனாவின் உளவு பலூனை அந்நாட்டு ராணுவம் சுட்டு வீழ்த்தியது. 

மொண்டானா மாகாணத்தில் உள்ள அமெரிக்காவின் அணு ஆயுத தளத்திற்கு மேல் மர்மமான பலூன் ஒன்று பறந்தது. இதுகுறித்து ஆய்வு செய்த அந்நாட்டு ராணுவம், அது சீனாவுக்கு சொந்தமான உளவு பலூன் என்று கண்டுபிடித்தது. இதனால் அப்பகுதியில் பரபரப்பு ஏற்பட்ட நிலையில், அணு ஆயுத தளத்தை விட்டு பலூன் நகரக் காத்திருந்தனர். 

இதற்கிடையில், அட்லாண்டிக் பெருங்கடல் பகுதியில் பலூன் நகர்ந்ததை அடுத்து அதிபர் ஜோ பைடனின் ஒப்புதலுடன் அந்நாட்டு ராணுவம் பலூனை சுட்டு வீழ்த்தியது. 

இதையும் படிக்க:    பாடகி வாணியின் நெற்றியில் இருந்த காயம்... அஞ்சலி செலுத்த ஆளுநர்....

ராக்கெட் உற்பத்தி ஆலையை குறிவைத்து காசாமுனை மீது இஸ்ரேல் போர் விமானங்கள் தாக்குதல் நடத்தியுள்ளதாக தகவல் வெளியாகி உள்ளது. 

இஸ்ரேலுக்கும், பாலஸ்தீனத்துக்கும் இடையேயான மோதல் போக்கு தொடர் கதையாய் நீண்டு வருகிறது.  இந்நிலையில் இஸ்ரேல் விமானங்கள், பாலஸ்தீனத்தின் காசாமுனை பகுதியில் உள்ள ராக்கெட் உற்பத்தி ஆலையை குறிவைத்து தாக்குதல் நடத்தி உள்ளதாக தகவல்கள் வெளியாகி உள்ளன. இஸ்ரேல் மீது பாலஸ்தீன போராளிகள் ராக்கெட் வீச்சு நடத்தியதைத் தொடர்ந்து, இந்த தாக்குதலை இஸ்ரேல் போர் விமானங்கள் நடத்தி இருக்கின்றன.  

பாலஸ்தீன போராளிகள் வீசிய ராக்கெட்டை இஸ்ரேல் வான் பாதுகாப்பு அமைப்பு வழிமறித்து அழித்தது குறிப்பிடத்தக்கது.

-நப்பசலையார்

இதையும் படிக்க:  உடல் தளர்ந்தாலும் மனம் தளராத தன்னம்பிக்கை... முதல்வரின் வாழ்த்துக்கு ஏங்கும் மாற்றுத்திறனாளி ஓவியர் முத்துச்செல்வன்...