குடியரசு தினத்தை முன்னிட்டு இந்திய மக்களுக்கு அமெரிக்கா வாழ்த்து !!

குடியரசு தினத்தை கௌரவிப்பதில் உலகின் மிகப்பெரிய ஜனநாயக நாடான இந்தியாவுடன் இணைவதில், பெருமகிழ்ச்சி அடைவதாக அமெரிக்கா தெரிவித்துள்ளது.

குடியரசு தினத்தை முன்னிட்டு இந்திய மக்களுக்கு அமெரிக்கா வாழ்த்து !!

இந்திய குடியரசு தினத்தையொட்டி இந்திய மக்களுக்கு அமெரிக்கா வாழ்த்து தெரிவித்துள்ளது. இதுதொடர்பாக  அமெரிக்க அதிபரின் வெள்ளை மாளிகை செய்தித் தொடர்பாளர் ஜென் சாகி பேசுகையில்,  இந்தியா-அமெரிக்கா கூட்டணி,  ஜனநாயக மதிப்பீடுகளை நிலைநிறுத்துவதில் உறுதியாக உள்ளதாகவும்,  குடியரசு தினத்தை கௌரவிப்பதில் உலகின் மிகப்பெரிய ஜனநாயக நாடான இந்தியாவுடன் இணைகிறோம் என்றும் தெரிவித்தார். 

கடந்த செப்டம்பரில் இந்தியப் பிரதமர் மோடி வெள்ளை மாளிகைக்குச் வந்தபோது இந்தியாவிற்கும் அமெரிக்காவிற்கும் இடையிலான உறவு வலுவாகவும், நெருக்கமாகவும், இறுக்கமாகவும் இருக்க வேண்டும் என்று அதிபர் ஜோ பைடன் கேட்டுக் கொண்டதாகவும் அவர் குறிப்பிட்டார்.

இந்நிலையில், இந்திய குடியரசு தின கொண்டாட்டங்களுக்கு அமெரிக்காவில் வாழும் இந்தியர்கள் சார்பிலும் சிறப்பு ஏற்பாடுகள் செய்யப்பட்டுள்ளன. இந்திய தூதரகத்தில் இந்திய தேசிய கொடி இன்று ஏற்றுவிக்கப்படுகிறது.