ரஷ்ய அதிபர் புதின் ரத்த புற்றுநோய்க்கு ஆளாகி மிகவும் ஆபத்தான நிலையில் இருப்பதாக பிரிட்டன் முன்னாள் உளவாளி வெளியிட்டுள்ள தகவல் சர்வதேச அளவில் பெரும் பரபரப்பை ஏற்படுத்தியுள்ளது.

இதுகுறித்த பிரபல பிரிட்டன் முன்னாள் உளவாளி கிறிஸ்டோபர் ஸ்டீல் கூறுகையில், சமீபத்தில் கிடைத்த தகவல்கள்படி விளாடிமிர் புதின் ஆபத்தான கட்டத்தில் உள்ளதாகத் தெரிவித்துள்ளார்.

நோயானது எந்தகட்டத்தில் உள்ளது என்றும் இதனை குணப்படுத்த முடியுமா அல்லது முடியாதா என்ற விவரம் தெரியாது என்றும் தெரிவித்துள்ளார்.  இதனிடையே, கிறிஸ்டோபர் கடந்த 2016-ஆம் ஆண்டு அமெரிக்க நாடாளுமன்ற தேர்தல் சமயத்தில் ரஷ்ய அதிபர் விளாடிமிர் புதினுக்கும் அப்போதைய அமெரிக்க அதிபர் வேட்பாளர் டொனால்ட் டிரம்ப்புக்கும் இடையே நட்பு நீடித்ததாகவும் டிரம்புக்கு சாதகமாக தேர்தல் முடிவுகளை மாற்றி அமைக்க புதின் உதவியதாகவும் தகவல் வெளியிட்டது குறிப்பிடத்தக்கது.

சந்திர கிரகணத்தின்  சிவப்பு நிலவை இன்று முதல் நாளை இரவுக்குள் காண நேரிடும் என அமெரிக்க விண்வெளி ஆராய்ச்சி மையம் நாசா தெரிவித்துள்ளது.

சூரியனுக்கும் சந்தினுக்கும் இடையே பூமி அமையும் போது சந்திரன் முழுவதும் பூமியால் மறைக்கப்பட்டு அதன் நிழல் சந்திரனில் விழும். அப்போது சந்திரன் ரத்த சிகப்பு நிறத்தில் காட்சியளிக்கும். 

இந்நிலையில் இந்தியாவில் சிகப்பு சந்திரனை காண முடியாது எனவும் தெற்கு மற்றும் வட அமெரிக்கா, அண்டார்டிகா, ஐரோப்பா, ஆப்பிரிக்கா, கிழக்கு பசிபிக் உள்ளிட்ட பகுதிகளில் மட்டுமே காண முடியும் எனவும் தெரிவிக்கப்பட்டுள்ளது. நாசாவின் யூடியூப் பக்கத்தின் லைவ் ஸ்ட்ரீமில் கிரகணம் நேரடி ஒளிபரப்பு செய்யப்பட உள்ளது குறிப்பிடத்தக்கது.

வரலாறு காணாத பொருளாதார நெருக்கடி காரணமாக இலங்கை, கடும் நெருக்கடிகளை சந்தித்து வருகிறது.  இந்த சூழலில் இலங்கையின் பிரதமராக பதவியேற்றிருக்கும் ரணில் விக்ரமசிங்கே, நாட்டின் பொருளாதார நெருக்கடி மற்றும் அரசியல் குழப்பத்துக்கு தீர்வு காண்பதற்கான நடவடிக்கைகளை தீவிரப்படுத்தியுள்ளார்.

இதுகுறித்து வீடியோ பதிவு ஒன்றை வெளியிட்டுள்ள இலங்கை பிரதமர் ரணில் விக்கிரமசிங்கே, உலக வங்கி மற்றும் ஆசிய அபிவிருத்தி வங்கியின் உயர் அதிகாரிகளுடன் பேச்சுவார்த்தை நடத்தியதாகவும், பொருளாதார நெருக்கடிக்கு உள்ளான இலங்கைக்கு தேவையான உதவிகளை வழங்க அவர்கள் முன்வந்துள்ளதாகவும் கூறியுள்ளார். 

இலங்கையில் 21-வது அரசியலமைப்பு சட்டத்தில் திருத்தத்தை கொண்டு வருவதற்கான பேச்சுவார்த்தை ஆரம்பிக்கப்பட உள்ளதாக தெரிவித்த அவர், இலங்கையின் தற்போதைய நிதி நெருக்கடி நிலைமை தொடர்பான விரிவான விளக்கத்தை இன்று வழங்கவுள்ளதாத் தெரிவித்துள்ளார்.

நேட்டோ தன்னை ஒரு ராணுவ பாதுகாப்பு அமைப்பாக வர்ணித்துக் கொண்டாலும் அது பொதுமக்களின் துன்பங்களைப் பொருட்படுத்தாமல் உலகெங்கிலும் நடைபெற்ற அனைத்து பெரிய மோதல்களிலும் பங்கேற்றுள்ளது என்றும் அவர் கூறினார்.

ரஷ்யா- உக்ரைன் போருக்கு இடையில் உக்ரைனுக்கு தொடர்ந்து நேட்டோ ஆயுதங்கள் வழங்குவதில் இருந்தே இது தெரியும் என்றும் அவர் கூறினார். ஆப்கானிஸ்தான், ஈராக், லிபியா மற்றும் சிரியா போன்ற நாடுகளில் தனது சுயநலத்திற்காக அமெரிக்கா தொடங்கிய போர்களில் ஏராளமான பொது மக்கள் அகதிகளானதுடன் பலர் உயிரிழந்தனர். 

அது குறித்து அமெரிக்கா சிறிதும் கவலைப்படவில்லை என்று கூறிய டோகன், ரஷ்யாவைக் குழிதோண்டிப் புதைப்பதே அமெரிக்காவின் நோக்கம் என்றார்.

அமெரிக்காவின் ஸ்பேஸ் எக்ஸ் நிறுவனம் உலகம் முழுவது அதிவேக இணைய சேவையினை வழங்குவதற்காக ஸ்டார் லிங்க் என்ற திட்டத்தை செயல்படுத்தி வருகிறது. 

இதற்காக 260 கிலோ எடையிலான செயற்கைக்கோள்களை தொடர்ச்சியாக விண்ணுக்கு அனுப்பி வருகிறது. இதன் மூலம் பல்வேறு கட்டங்களை அடிப்படியாக வைத்து இரண்டாயிரத்துக்கும் அதிகமான செயற்கைக்கோள்களை விண்ணுக்கு அனுப்பி வெற்றிகரமாக புவி வட்டப்பாதையில் நிலை நிறுத்தி வருகிறது.   

இந்த நிலையில் தான் ஸ்பேஸ் எக்ஸ் நிறுவனம் நேற்று மேலும் 53 செயற்கைக்கோள்களை பால்கன் 5 ராக்கெட்டின் மூலம் அமெரிக்காவின் கலிபோர்னியா மாகாணம் வாண்டன்பெர்க் விண்வெளிப் படைத்தளத்தில் விண்ணில் செலுத்தியிருக்கிறது.