தர்மபுரி மாவட்டம், காரிமங்கலம் அடுத்த ஜொல்லப்பட்டி கிராமத்தை சேர்ந்தவர் ஜெயசங்கர். இவருக்கு திருமணமாகி இரண்டு மனைவிகள் உள்ள நிலையில் மூத்த மனைவிக்கு 32 வயதுடைய சரவணன் என்ற மகனும் இரண்டாவது மனைவிக்கு கோவிந்தராஜ் என்ற மகனும் உள்ள நிலையில் ஜெயசங்கர் இரண்டு மனைவிகளுடன் குடும்பமாக ஒரே வீட்டில் வாழ்ந்து வந்திருக்கிறார். சரவணன் படித்துவிட்டு எந்த வேலைக்கும் செல்லாமல் ஊர் சுற்றி திரிந்து வந்த நிலையில் குடிபோதைக்கு அடிமையாகி தினந்தோறும் குடுத்துவிட்டு வந்து குடும்பத்துடன் தகராறு செய்வதை வழக்கமாக வைத்திருந்திருக்கிறார்.
இந்நிலையில் நேற்று முன்தினம் குடித்துவிட்டு இரவு வீட்டிற்கு சென்ற சரவணன் அவரது அறையில் உறங்கிக் கொண்டிருந்த சித்தி அதாவது தந்தையின் இரண்டாவது மனைவியிடம் தவறாக நடந்துகொண்டதாக சொல்லப்படுகிறது. அப்போது அவரது இரண்டாவது மனைவியின் அலறல் சத்தம் கேட்டு அங்கு வந்த ஜெயசங்கர் தனது மகன் சரவணனை கண்டித்துள்ளார். இதனால் இருவருக்கும் இடையே வாக்குவாதம் ஏற்பட்டு மாறி மாறி தாக்கிக்கொண்டனர். அப்போது அப்பகுதிக்கு வந்த கோவிந்தராஜ் சரவணனை கண்டித்திருக்கிறார்.
இருப்பினும் அடங்காத சரவணன் குடிபோதையில் அனைவரையும் தகாத வார்த்தைகளால் பேசி திட்டியுள்ளார். இதனால் ஆத்திரமடைந்த ஜெயசங்கர் மற்றும் கோவிந்தராஜ் இருவரும் சேர்ந்து சரவணனை அங்கிருந்த செங்கல்லால் சரமாரியாக தாக்கியுள்ளனர். இதில் படுகாயமடைந்த சரவணனை சம்பவ இடத்திலேயே ரத்த வெள்ளத்தில் மிதந்து உயிரிழந்தார். பின்னர் சரவணனின் உடலை போர்வையில் சுற்றி வீட்டிற்கு வெளியில் வீசிவிட்டு மூவரும் எதுவும் தெரியாதது போல படுத்து உறங்கியுள்ளனர்.
காலையில் சரவணனின் உடலை பார்த்த அப்பகுதி மக்கள் போலீசாருக்கு தகவல் தெரிவித்தனர். தகவல் அறிந்து சம்பவ இடத்திற்கு வந்த போலீசார் உயிரிழந்த சரவணன் உடலை கைப்பற்றி பிரேத பரிசோதனைக்காக அரசு மருத்துமனைக்கு அனுப்பிவைத்தனர். இதனை தொடர்ந்து வழக்கு பதிவு செய்து விசாரணை மேற்கொண்டதில் தந்தையின் இரண்டாவது மனைவியிடம் தவறாக நடந்துகொண்டால் தந்தையே மகனை அடித்து கொன்றது தெரிவந்துள்ளது. மேலும் ஜெய்சங்கர் கோவிந்தராஜ் ஆகிய இருவரையும் கைது செய்த போலீசார் அவர்களை நீதிமன்றத்தில் ஆஜர்படுத்தி உள்ளனர்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.