நம்ம ஊருல சாப்பிட்டு முடிச்சதும் ஒரு சின்ன நடைப்பயணம் போறது பழக்கம்தான். ஆனா, இப்போ அமெரிக்காவுல இதுக்கு ஒரு புது பேரு வச்சு, “ஃபார்ட் வாக்”-னு (Fart walk) சொல்ல ஆரம்பிச்சு இருக்காங்க.
என்ன இந்த ஃபார்ட் வாக்?
நியூயார்க் நகரத்துல உள்ள மெமோரியல் ஸ்லோன் கெட்டரிங் புற்றுநோய் மையத்துல உள் மருத்துவ நிபுணரான டாக்டர் டிம் டியூட்டன், இந்த ஃபார்ட் வாக் பற்றி ஒரு இன்ஸ்டாகிராம் ரீல்ஸ்ல விளக்கியிருக்கார். இவரோட பதிவு வைரலாகி, இப்போ உலகமெங்கும் இந்த ட்ரெண்ட் பேசப்படுது.
டாக்டர் டியூட்டன், சாப்பிட்ட பிறகு நடக்குறது குடல்களோட இயக்கத்தை (Intestinal Motility) தூண்டுது. இது வயிற்றில் உருவாகுற வாயுவை வெளியேற்றி, மலச்சிக்கலை தடுக்குது என்று சொல்லியிருக்கார். இது மட்டும் இல்லை, இந்த நடைப்பயணம் ரத்த சர்க்கரை உயர்வை கட்டுப்படுத்துது, இன்சுலின் ஹார்மோனை சீராக்குது, புற்றுநோய் அபாயத்தை குறைக்குது.
இதை வாஷிங்டன் பல்கலைக்கழக மருத்துவ மையத்துல செரிமான ஆரோக்கிய நிபுணரான டாக்டர் கிறிஸ்டோஃபர் டாம்மன் உறுதிப்படுத்துறார். “குடல் தன்னாலயே இயங்கும், ஆனா நீங்க நகர்ந்தா அது இன்னும் சிறப்பா இயங்கும்”னு இவர் சொல்றார்.
ஏன் இது முக்கியம்?
நம்ம உடம்பு சாப்பிட்ட உணவை செரிக்கும்போது, ரத்தத்துல சர்க்கரை அளவு உடனே உயருது. இது இயல்பான விஷயம்தான், ஆனா இந்த உயர்வு அதிகமாகி, நீண்ட நேரம் நீடிச்சா, அது ரத்த சர்க்கரை உயர்வு (Hyperglycemia) பிரச்சினையை உருவாக்குது. இது நீண்ட காலத்துல நீரிழிவு நோய் (Type 2 Diabetes), இதய நோய்கள், கண் பாதிப்பு, சிறுநீரக பிரச்சினைகள் மாதிரியான பிரச்சினைகளுக்கு வழிவகுக்கும்.
சாப்பிட்ட உடனே ஒரு 10-20 நிமிஷம் நடக்குறது, இந்த சர்க்கரை உயர்வை கட்டுப்படுத்துது. ஏன்னா, நடக்கும்போது தசைகள் சர்க்கரையை எரிச்சலா (Energy) பயன்படுத்துது, இதனால ரத்தத்துல சர்க்கரை அளவு குறையுது. டாக்டர் டாம்மன் சொல்றது, “சாப்பிட்ட உடனே 10-15 நிமிஷத்துக்குள்ள நடக்கணும். ரொம்ப நேரம் கழிச்சு நடந்தா, சர்க்கரை உயர்வு ஏற்கனவே ஆரம்பிச்சுடும், அப்போ இந்த நடைப்பயணத்தோட பலன் குறையும்.”
இது தவிர, இந்த ஃபார்ட் வாக் புற்றுநோய் அபாயத்தை குறைக்குது. அமெரிக்க புற்றுநோய் சங்கத்தோட டாக்டர் ஆல்பா படேல் சொல்றது, “தினமும் 30 நிமிஷம் சராசரி வேகத்துல நடக்குறது, பல வகையான புற்றுநோய் அபாயத்தை குறைக்கும்.” ஒரு மணி நேரத்துக்கு 3 மைல் வேகத்துல (சுமார் 4.8 கி.மீ) நடக்குறது, பெரும்பாலான மக்களுக்கு எளிதாகவும், இலவசமாகவும் செய்யக்கூடிய உடற்பயிற்சி.
ஆதாரம் இருக்கா?
2016-ல நடந்த ஒரு ஆராய்ச்சி, நீரிழிவு நோய் உள்ளவர்களுக்கு, ஒரு மணி நேரம் ஒரே நேரத்துல நடக்குறதை விட, ஒவ்வொரு சாப்பாட்டுக்குப் பிறகு 10 நிமிஷம் நடக்குறது, ரத்த சர்க்கரையை சிறப்பா கட்டுப்படுத்துதுனு கண்டுபிடிச்சது. இந்த ஆராய்ச்சி, ஃபார்ட் வாக் மாதிரியான குறுகிய நடைப்பயணங்கள், நீரிழிவு நோய் அபாயத்தை குறைக்க உதவும்னு உறுதிப்படுத்துது.
இது தவிர, நடைப்பயணம் இதய ஆரோக்கியத்தை மேம்படுத்துது. நியூயார்க் நகரத்துல உள்ள பாரி’ஸ் ஃபிட்னஸ் மையத்தோட தலைமை பயிற்சியாளர் மேத்யூ நோலன், “நடைப்பயணம் இதயத்தை வலுப்படுத்தி, ரத்த ஓட்டத்தை மேம்படுத்துது, ரத்த அழுத்தத்தை குறைக்குது, இதய நோய் மற்றும் பக்கவாதம் அபாயத்தை தடுக்குது.” என்று சொல்கிறார். இது மட்டும் இல்லாம, நடைப்பயணம் மன அழுத்தத்தை குறைக்குது, மூளை ஆரோக்கியத்தை மேம்படுத்துது, டிமென்ஷியா (மறதி நோய்) அபாயத்தை குறைக்குது.
நம்ம ஊரு பழக்கத்துக்கு இது புதுசு இல்லை. ஆனா, இந்த ஆராய்ச்சிகள், நம்ம பாட்டி-தாத்தா சொன்ன “சாப்பிட்டு முடிச்சதும் கொஞ்சம் நடந்துட்டு வா”னு அறிவுரையை விஞ்ஞான ரீதியா உறுதிப்படுத்துது.
எப்படி செய்யணும்?
ஃபார்ட் வாக் செய்யுறது ரொம்ப சிம்பிள். சாப்பிட்ட 10-20 நிமிஷத்துக்குள்ள ஒரு 10-15 நிமிஷம் நடந்தா போதும். இதுக்கு ரொம்ப வேகமா நடக்க வேண்டிய அவசியம் இல்லை. உங்க வீட்டைச் சுத்தி, அல்லது பக்கத்து தெருவுல ஒரு சின்ன ரவுண்டு போனாலே போதும். முக்கியமா, சாப்பிட்ட உடனே படுத்துடாம, கொஞ்சம் உடம்பை அசைக்கணும். இது வயிற்றில் உணவு தேங்காம, செரிமானத்தை தூண்டி, வாயுவை இயற்கையா வெளியேற்ற உதவுது.
இந்த நடைப்பயணம், தூக்கத்தையும் மேம்படுத்துது. மாலை அல்லது இரவு சாப்பாட்டுக்குப் பிறகு நடக்குறது, உடம்பை ரிலாக்ஸ் செய்ய உதவுது, ரத்த சர்க்கரையை சீராக்கி, நல்ல தூக்கத்துக்கு வழிவகுக்குது. நல்ல தூக்கம், வயசாகும்போது உடல் ஆரோக்கியத்தை பராமரிக்க முக்கியம்.
இதுல ஏதாவது கவனிக்க வேண்டிய விஷயங்கள் இருக்கா?
ஃபார்ட் வாக் பொதுவா எல்லாருக்கும் பாதுகாப்பானது. ஆனா, சிலர் இதை செய்யும்போது கொஞ்சம் கவனமா இருக்கணும். உதாரணமா, ஒவ்வொரு சாப்பாட்டுக்குப் பிறகும் அதிகமா வாயு உருவாகுதுனா, அது உணவு ஒவ்வாமையோ, செரிமான பிரச்சினையோ இருக்கலாம். இந்த, “ஒவ்வொரு சாப்பாட்டுக்குப் பிறகும் வாயு உருவாகுதுனு உங்களுக்கு தோணுதுனா, உங்க உணவு பழக்கத்தை ஒரு டயட்டீஷியன் கிட்ட செக் பண்ணி, எந்த உணவு உங்களுக்கு ஒத்துக்கலனு கண்டுபிடிச்சு, அதை தவிர்க்கலாம்.
மேலும், நீரிழிவு நோய் உள்ளவங்க, இந்த நடைப்பயணத்தை தொடங்குறதுக்கு முன்னாடி, மருத்துவரோட ஆலோசனை பெறலாம். ஏன்னா, ரத்த சர்க்கரை அளவு திடீர்னு குறையும்போது, சிலருக்கு தலைச்சுற்றல் அல்லது பலவீனம் ஏற்படலாம். இதே மாதிரி, மூட்டு வலி, கால் வலி மாதிரியான பிரச்சினைகள் இருந்தா, மெதுவான நடைப்பயணத்தோட ஆரம்பிக்கலாம், பிறகு உடம்பு பழகும்போது நேரத்தை அதிகரிக்கலாம்.
நம்ம இந்தியாவுல, நகர வாழ்க்கையில, பலர் இதை மறந்துட்டு, சாப்பிட்ட உடனே சோபால படுத்து டிவி பார்க்க ஆரம்பிச்சுடுறாங்க. இந்தியாவுல நீரிழிவு நோய், இதய நோய் மாதிரியான வாழ்க்கை முறை நோய்கள் அதிகரிச்சு வர்ற இந்த நேரத்துல, இந்த ஃபார்ட் வாக் மாதிரியான எளிய பழக்கங்கள் ரொம்ப முக்கியம்.
மேலும், இந்திய உணவு பழக்கங்கள், காரமான உணவுகள், எண்ணெய் பயன்பாடு மாதிரியானவை, சிலருக்கு வயிற்றில் வாயு உருவாக்கலாம். இந்த ஃபார்ட் வாக், இந்த வாயுவை இயற்கையா வெளியேற்றி, செரிமானத்தை மேம்படுத்த உதவும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்