விமானப் பயணத்தின்போது தேங்காய்க்கு ஏன் தடை?

விமானப் பயணத்தின்போது, தேங்காய் எடுத்துச் செல்ல ஏன் தடை விதிக்கப்படுகிறது, அதற்குப் பதிலாக வேறு என்ன உணவுகளை எடுத்துச் செல்லலாம் என்பது குறித்து இங்கு விளக்கப்பட்டுள்ளது.

ஏன் தேங்காய்க்குத் தடை?

முழுத் தேங்காய் அல்லது உலர்ந்த தேங்காயை (கொப்பரை) விமானத்தில் எடுத்துச் செல்ல அனுமதி இல்லை.

இதற்குக் காரணம், தேங்காய் எளிதில் தீப்பற்றக்கூடியது. சர்வதேச விமானப் போக்குவரத்து சங்கம் (IATA) மற்றும் இன்டிகோ ஏர்லைன்ஸ் போன்ற விமான நிறுவனங்களின் விதிமுறைகளின்படி, உலர்ந்த தேங்காயில் எண்ணெய் அதிகம் இருப்பதால் அது தீ விபத்துக்கான அபாயத்தை அதிகரிக்கிறது.

மேலும், உலர்ந்த தேங்காய் "எரியக்கூடிய திடப் பொருள்" (flammable solid) என்ற பிரிவில் சேர்க்கப்பட்டுள்ளது. இது தானாகவே எரியும் தன்மையுடையது. சில சமயங்களில், தண்ணீருடன் தொடர்பு கொள்ளும்போது எரியக்கூடிய வாயுக்களை வெளியிடவும் வாய்ப்புள்ளது. தேங்காயில் உள்ள கொழுப்புச் சத்து சிதைவடையும்போது இந்த அபாயம் மேலும் அதிகரிக்கிறது.

இந்த காரணங்களுக்காக, முழுத் தேங்காய் மற்றும் கொப்பரைத் தேங்காயை கைப்பெட்டி (hand baggage) அல்லது செக்-இன் பேகேஜ் (checked baggage) இரண்டிலும் எடுத்துச் செல்ல அனுமதி இல்லை.

மாற்று உணவுகள் என்ன?

தேங்காய்க்குப் பதிலாக, விமானப் பயணிகள் வேறு பல உணவுகளை எடுத்துச் செல்லலாம்:

கைப்பெட்டியில் எடுத்துச் செல்லக்கூடிய உணவுகள்:

தேன் (100 மி.லி. வரை)

தண்ணீர் அல்லது குளிர்பானங்கள் (100 மி.லி. வரை)

பிரியாணி போன்ற திட உணவுகள் (கசிவு ஏற்படாதபடி இறுக்கமாக மூடியிருக்க வேண்டும்)

உலர்ந்த கேக்குகள், இனிப்பு வகைகள்

உலர் பழங்கள் மற்றும் நட்ஸ், ஆப்பிள் அல்லது வெள்ளரிக்காய் போன்ற பழங்கள் மற்றும் காய்கறிகள்.

செக்-இன் பேகேஜில் எடுத்துச் செல்லக்கூடிய உணவுகள்:

சீல் செய்யப்பட்ட ஊறுகாய் ஜாடிகள்

அடைக்கப்பட்ட இறைச்சி (vacuum-packed meat)

சமையல் எண்ணெய் (கசிவு ஏற்படாதபடி இறுக்கமாக மூடப்பட்டிருக்க வேண்டும்)

முக்கிய குறிப்பு: சர்வதேச விமானப் பயணங்களில், விவசாயப் பொருட்கள் தொடர்பாக அந்தந்த விமான நிறுவனங்கள் மற்றும் செல்லவிருக்கும் நாட்டின் விதிமுறைகளை முன்கூட்டியே சரிபார்ப்பது அவசியம்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.