ரூபிக்ஸ் கியூப்.. இந்த மூளைக்கு வேலை கொடுக்கும் புதிர், 1974-ல இருந்து உலகத்தையே கட்டிப்போட்ட ஒரு மாய விளையாட்டு. ஆனா, இப்போ இந்த கியூபை தீர்க்குறதுல மனிதர்கள் மட்டுமல்ல, ரோபோக்களும் போட்டி போட்டு உலக சாதனைகளை உடைச்சு வருது!
ரூபிக்ஸ் கியூப் தீர்க்குறது மனிதர்களுக்கு ஒரு பெரிய சவாலா இருக்கு. ஆனா, பர்டூ பல்கலைக்கழகத்தின் Elmore Family School of Electrical and Computer Engineering-ல படிக்குற மாணவர்கள் ஜுன்பெய் ஓட்டா, ஏடன் ஹர்ட், மத்தேயு பேட்ரோஹே, மற்றும் அலெக்ஸ் பெர்டா ஆகியோர் இந்த சவாலை ஒரு தொழில்நுட்ப விளையாட்டா மாற்றியிருக்காங்க.
இவங்க உருவாக்கிய பர்டூபிக்ஸ் கியூப் ரோபோ, 2025 ஏப்ரல் 21-ல பர்டூவின் ஆய்வகத்தில் நடந்த அதிகாரப்பூர்வ முயற்சியில், ஒரு 3x3x3 ரூபிக்ஸ் கியூபை 0.103 வினாடிகளில் தீர்த்து, முந்தைய சாதனையை (0.305 வினாடிகள், Mitsubishi Electric, மே 2024) கிட்டத்தட்ட மூணு மடங்கு வேகத்துல உடைச்சிருக்கு. இந்த சாதனை, கின்னஸ் உலக சாதனை பிரதிநிதிகளால் உறுதி செய்யப்பட்டு, உலகம் முழுவதும் வைரலாகியுள்ளது. இது கண் சிமிட்டுறதை விட வேகமானது.
இந்த ரோபோ, மேஷின் விஷன் (machine vision), தனிப்பயன் அல்காரிதம்கள் (custom algorithms), மற்றும் உயர்தர மோஷன் கன்ட்ரோல் ஹார்டுவேர் (motion control hardware) ஆகியவற்றைப் பயன்படுத்தி, இந்த அசுர வேகத்தை அடைஞ்சிருக்கு.
ரூபிக்ஸ் கியூப், 1974-ல ஹங்கேரிய கட்டிடக் கலைஞர் எர்னோ ரூபிக் உருவாக்கிய ஒரு 3D புதிர் விளையாட்டு. இந்த கியூப், 43 குவிண்டிலியன் (43 quintillion) வெவ்வேறு சேர்க்கைகளை உருவாக்க முடியும், ஆனா ஒரே ஒரு சரியான தீர்வு மட்டுமே உண்டு—ஒவ்வொரு பக்கமும் ஒரே நிறமா இருக்கணும். முதல் முதலில், எர்னோ ரூபிக்கே இதை தீர்க்க ஒரு மாசம் ஆச்சு! 1980-களில், இது ஒரு உலகளாவிய பரபரப்பாக மாறி, “ஸ்பீட்கியூபிங்” (speedcubing)னு ஒரு போட்டி விளையாட்டையே உருவாக்கியது.
மனிதர்கள் இதை வேகமா தீர்க்க முயற்சிக்கும்போது, பொறியாளர்கள் ரோபோக்களை உருவாக்கி இந்த சவாலை எதிர்கொண்டாங்க. 2009-ல, ஒரு ரோபோ ஒரு கியூபை 1 நிமிடம் 4 வினாடிகளில் தீர்த்தது. 2018-ல, MIT மாணவர்கள் உருவாக்கிய ரோபோ 0.38 வினாடிகளில் சாதனை படைச்சது. 2024-ல, Mitsubishi Electric-இன் TOKUFASTbot 0.305 வினாடிகளில் புதிய சாதனையை அமைச்சது. ஆனா, இப்போ பர்டூவின் பர்டூபிக்ஸ் கியூப், இந்த சாதனையை 0.103 வினாடிகளில் உடைச்சு, தொழில்நுட்ப உலகத்தை திரும்பி பார்க்க வைச்சிருக்கு.
மெஷின் விஷன் (Machine Vision):
ரோபோ, கியூபின் நிறங்களை உடனடியாக அடையாளம் காண மேஷின் விஷன் தொழில்நுட்பத்தை பயன்படுத்துது.
இது, கியூபின் ஒவ்வொரு பக்கத்தையும் ஸ்கேன் பண்ணி, அதோட தற்போதைய நிலையை (scramble state) புரிஞ்சுக்குது.
தனிப்பயன் அல்காரிதம்கள் (Custom Solving Algorithms):
ரோபோ, தனிப்பயன் அல்காரிதம்களை பயன்படுத்தி, கியூபை தீர்க்குறதுக்கு மிகவும் திறமையான பாதையை (optimal solution path) கண்டுபிடிக்குது.
இந்த அல்காரிதம்கள், செயல்படுத்தும் நேரத்தை (execution time) குறைக்க வடிவமைக்கப்பட்டவை, இதனால் மில்லி வினாடிகளில் தீர்வு கிடைக்குது.
உயர்தர மோஷன் கன்ட்ரோல் ஹார்டுவேர் (Motion Control Hardware):
Kollmorgen-இன் தொழில்தர மோஷன் கன்ட்ரோல் ஹார்டுவேர், ரோபோவோட இயக்கங்களை மிகவும் துல்லியமா கட்டுப்படுத்துது.
ஒவ்வொரு நகர்வும் (move) அதிகபட்ச முடுக்கம் (acceleration), மந்தநிலை (deceleration), மற்றும் மெக்கானிக்கல் திறனோடு (mechanical efficiency) செய்யப்படுது, இதனால் சப்-மில்லி வினாடி கட்டுப்பாடு (sub-millisecond control) சாத்தியமாகுது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.