மத்திய அரசு பணிக்காக போதுமான ஐ.ஏ.எஸ். அதிகாரிகளை மாநிலங்கள் அனுப்பி வைக்கவில்லை என மத்திய அரசு குற்றம் சாட்டியுள்ளது.
ஐ.ஏ.எஸ். அதிகாரிகளை மத்திய அரசு பணிக்காக தாங்களே எடுத்துக்கொள்ளும் வகையில் ஐ.ஏ.எஸ். விதிகள் 1954-ல் திருத்தம் மேற்கொள்ள மத்திய பணியாளர் நலத்துறை அமைச்சகம் பரிந்துரைத்துள்ளது.
இதற்கு பல மாநிலங்கள் எதிர்ப்பு தெரிவித்து உள்ளன. அந்த வகையில், மத்திய அரசு பணிக்காக ஒதுக்கப்பட்ட ஐ.ஏ.எஸ். அதிகாரிகளின் எண்ணிக்கை கடந்த 2011-ல் 309 ஆக இருந்த நிலையில், தற்போது 223 ஆக குறைந்திருப்பதாக பணியாளர் நலத்துறை அமைச்சக வட்டாரங்கள் தெரிவித்து உள்ளன.