"நீட் தேர்விற்கு ரெடியா?" - இந்த விதிமுறைகளை கட்டாயம் பின்பற்றுங்கள் - தேசிய தேர்வு முகமை வெளியிட்ட முக்கிய அறிவிப்புகள்!

நீட் யுஜி 2026 தேர்வு நெருங்கி வரும் நிலையில், தேர்வு மையங்களில் கடைசி நேரச் சிக்கல்களைத் தவிர்க்க தேர்வு எழுதுபவர்களுக்கு உதவும் வகையில் தேசிய தேர்வு முகமை முக்கிய வழிகாட்டுதல்களை வெளியிட்டுள்ளது.

ஏப்ரல் 30, 2026 தேதியிட்ட ஒரு பொது அறிவிப்பில், நீட் யுஜி 2026 தேர்வை எழுதும் தேர்வர்களுக்கு ஒரு முக்கிய அறிவுரையை வழங்கியுள்ளதாக அந்த முகமை தெரிவித்துள்ளது. மே 3, 2026 (ஞாயிற்றுக்கிழமை) அன்று பிற்பகல் 02:00 மணி முதல் மாலை 05:00 மணி வரை தேர்வு நடைபெறும் என்று கூறப்பட்டுள்ளது. தேர்வு மையங்களில் பின்பற்ற வேண்டிய ஆடை விதிமுறைகள் மற்றும் அனுமதிக்கப்பட்ட பொருட்கள் அதில் குறிப்பிட்டு காட்டப்பட்டுள்ளது. இத்தேர்வு மே 3, 2026 அன்று நடைபெற உள்ளதாகவும் கூறியுள்ளது. மேலும், தேர்வு சுமுகமாகவும், இடையூறு இல்லாமலும் நடைபெறுவதை உறுதிசெய்ய, அனைத்து தேர்வர்களும் பரிந்துரைக்கப்பட்ட வழிகாட்டுதல்களைக் கவனமாகப் பின்பற்ற வேண்டும் என்றும் கூறியுள்ளது. தேர்வில் பங்கேற்கும் தேர்வர்களுக்கான முக்கிய அறிவுறுத்தல்களை அந்த முகமை பட்டியலிட்டுள்ளது. தேர்வு எழுதுபவர்கள் தேர்வு அறைக்குள் ஒளிபுகும் தண்ணீர் பாட்டில்களை மட்டுமே கொண்டு வர அனுமதிக்கப்படுவார்கள் என்று அது குறிப்பிட்டுள்ளது. மேலும், இறை நம்பிக்கை சார்ந்த பொருட்கள் நிபந்தனைகளுடன் அனுமதிக்கப்படுகின்றன என்றும், தேர்வர்கள் மதம் அல்லது நம்பிக்கை சார்ந்த பொருட்களை தேர்வு மையத்திற்கு அணிந்து வரலாம், ஆனால் முறையான சோதனைக்கு ஏதுவாக அவர்கள் முன்கூட்டியே வர வேண்டும் என்றும் அது குறிப்பிட்டுள்ளது.

இதயனையடுத்து, ஆடை குறித்து தேர்வு முகமை கூறுகையில், இலேசான ஆடைகள் விரும்பப்பட்டாலோ, தேவைப்பட்டால் விண்ணப்பதாரர்கள் முழுக்கை ஆடைகளையோ அல்லது கம்பளி ஆடைகளையோ அணியலாம், ஆனால் பாதுகாப்புச் சோதனைகளுக்குப் போதுமான நேரம் கிடைக்கும் வகையில் அவர்கள் முன்கூட்டியே தேர்வு மையத்திற்கு வர வேண்டும். பாதுகாப்புச் சோதனைகளின் போது ஏற்படும் தாமதங்களைத் தவிர்க்க, செருப்புகள் மற்றும் குட்டையான ஹீல்ஸ் கொண்ட காலணிகள் பரிந்துரைக்கப்படுவதாகவும் அது மேலும் குறிப்பிட்டுள்ளது. அனைத்து தேர்வர்களும் ஆடை விதிமுறைகளைக் கண்டிப்பாகப் பின்பற்றி, தேர்வுப் பணியாளர்களுடன் ஒத்துழைக்க வேண்டும் என்றும், குறிப்பாக குறிப்பிட்ட ஆடைகள் அல்லது பொருட்கள் காரணமாகக் கூடுதல் சோதனை தேவைப்படுபவர்கள் முன்கூட்டியே வருவது மிகவும் பரிந்துரைக்கப்படுகிறது என்றும் அந்த முகமை தெரிவித்துள்ளது. உதவி தேவைப்படுபவர்கள் உதவி எண்: 011-40759000 / 011-69227700 என்ற எண்ணை பயன்படுத்தலாம் என்றும் தேர்வு முகமை கூறியுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்