வெள்ளிக்கிழமை இரவு டெல்லியின் ஷாதராவில் 27 வயது இளைஞர் அடையாளம் தெரியாத நபர்களால் சுட்டுக்கொல்லப்பட்ட சம்பவம் பெரும் பரபரப்பை ஏற்படுத்தியுள்ளது.
நவீன் ஷாதராவின் வி பிளாக்கில் உள்ள சோட்டு ஹல்வாய் கடை அருகே இந்த கொலை சம்பவம் அரங்கேறியுள்ளது. டெல்லியை சேர்ந்த 27 வயது இளைஞர் ககன். இவருக்கு திருமணமாகி 10 நாட்களுக்கு முன்புதான் ஆண் குழந்தை ஒன்று பிறந்துள்ளது.
இந்நிலையில் கடந்த வெள்ளிக்கிழமை இவரது பிறந்த நாளுக்கு 1 மணி நேரம் முன்னர் தனது நண்பர்களை சந்தித்துவிட்டு வருவதாகச்சொல்லி கீழே சென்றுள்ளார். அப்போது அங்கு வந்த சிலர், சிறிது நேரம் அவருடன் பேசிக்கொண்டிருந்தனர். அதில் ஒருவர் ககனை கட்டிபிடித்துள்ளார். பின்னர் தான் மறைத்து வைத்திருந்த துப்பாக்கியால் கக்கனை தலையில் சுட்டு அங்கிருந்து தப்பிவிட்டனர். இதனை தனது வீட்டிலிருந்து பார்த்துகொண்டிருந்த கொல்லப்பட்டவரின் தந்தை ஓடிச்சென்று கீழேபார்த்தபோது, அவர் கீழே கிடந்தார்.
உடனடியாக அவரை மீட்டு அருகில் இருந்த மருத்துவமனையில் சேர்த்தனர். ஆனால் ககன் ஏற்கனவே இறந்துவிட்டார் என்பதை மருத்துவர்கள் உறுதி செய்தனர். ஷாதர காவல் நிலையத்தை சேர்ந்த போலீசார் சம்பவ இடத்திற்கு விரைந்து விசாரணையை துவங்கியுள்ளனர். ‘
ஃபர்ஷ் பஜார் எஸ்எச்ஓ, உள்ளூர் போலீஸ் ஊழியர்கள், குற்றவியல் குழு மற்றும் தடயவியல் நிபுணர்கள் உள்ளிட்ட மூத்த அதிகாரிகள் குற்றம் நடந்த இடத்தை ஆய்வு செய்தனர். தொடர்ந்து ககனின் உடல் ஜிடிபி மருத்துவமனைக்கு மாற்றப்பட்டது. குற்றம் சாட்டப்பட்ட இருவரும் மோட்டார் சைக்கிளில் வந்துஇந்த படுகொலையை நிகழ்த்தியுள்ளனர்.. அவர்களில் ஒருவரை மோட்டார் சைக்கிளுடன் போலீசார் கைது செய்துள்ளனர், அதே நேரத்தில் இரண்டாவது நபர் இன்னும் தலைமறைவாக உள்ளார் என போலீஸ் தரப்பு கூறியுள்ளது. ஆனாலும் கொலைக்கான காரணம் இதுவரை தெரியவில்லை.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.