"மாலை முரசு - கான்சிலிடிக்ஸ்" இணைந்து தமிழகம் முழுவதும் நடத்திய மாபெரும் கருத்துக்கணிப்பு முடிவுகள் குறித்து "Tamil Nadu Political League" நிகழ்ச்சியில் கலசப்பாக்கம் தொகுதி பற்றியும், வரும் சட்டமன்ற தேர்தலில் அங்கு வெற்றிப் பெற அதிகம் வாய்ப்புள்ள கூட்டணி எது? என்பது குறித்த தகவல்கள் இங்கே தொகுக்கப்பட்டுள்ளன. திருவண்ணாமலை மாவட்டத்தின் கிராமப்புறம் சார்ந்த தொகுதியான கலசப்பாக்கம், இயற்கை விவசாயம் மற்றும் சோழர் காலத்துக் கோயில்களுக்குப் பெயர்பெற்றது. முழுமையான கிராமப்புறப் பின்னணியைக் கொண்ட இந்தத் தொகுதியில் நிலவும் அரசியல் சூறாவளி குறித்து விரிவான கள ஆய்வுத் தரவுகள் இங்கே பகிரப்பட்டுள்ளன.
கலசப்பாக்கம் தொகுதியின் முக்கிய வாக்காளர் அடையாளங்களை ஆய்வு செய்ததில், 14.4 சதவீதம் பேர் 18 முதல் 25 வயதுடைய இளைஞர்களாக உள்ளனர். 26 முதல் 40 வயதுடையவர்கள் 31.9 சதவீதம் பேரும், 41 முதல் 60 வயதுடையவர்கள் 35.7 சதவீதம் பேரும் உள்ளனர். சமுதாய ரீதியாக வன்னியர்கள் 38 சதவீதம் பேர் மிக வலுவாக உள்ளனர். இவர்களுக்கு அடுத்தபடியாக ஆதிதிராவிடர்கள் 22 சதவீதம் மற்றும் முதலியார் சமூகத்தினர் 12 சதவீதம் எனப் பரவலாக உள்ளனர். இது 96 சதவீதம் கிராமப்புறங்களைக் கொண்ட ஒரு முழுமையான விவசாயத் தொகுதியாகும்.
இங்கு நிலவும் முக்கிய உள்ளூர் பிரச்சினைகளாகச் செய்யாற்றில் மணல் திருட்டினால் நிலத்தடி நீர்மட்டம் குறைந்து குடிநீர் தட்டுப்பாடு ஏற்படுவது பெரிய குறையாக உள்ளது. நெல் கொள்முதல் நிலையங்களில் மூட்டைக்கு லஞ்சம் கேட்கப்படுவதாக விவசாயிகள் புகார் தெரிவிக்கின்றனர். மலை அடிவாரக் கிராமங்களில் காட்டுப் பன்றிகளால் பயிர்கள் நாசமடைவதும், மழைக்காலங்களில் போக்குவரத்துத் துண்டிக்கப்படுவதும் மக்களின் வேதனையாக உள்ளன. நிலத்தடி நீர்மட்டத்தை உயர்த்தச் செய்யாற்றில் கூடுதல் தடுப்பணைகள் கட்ட வேண்டும் என்பதும், பெண்களின் வாழ்வாதாரத்தை உயர்த்த சுய உதவிக்குழுக்களுக்கு அதிகக் கடன் உதவி வழங்க வேண்டும் என்பதும் மக்களின் நீண்ட காலக் கோரிக்கைகளாக உள்ளன.
கலசப்பாக்கம் தொகுதி பற்றிய முழு தேர்தல் கருத்து கணிப்பை காணொளியாக காண : இங்கே கிளிக் செய்யவும்
கடந்த 2021 சட்டமன்றத் தேர்தல் முடிவுகளின்படி, திமுகவின் பி.எஸ்.டி. சரவணன் 47.9 சதவீத வாக்குகளைப் பெற்று வெற்றி பெற்றார். அதிமுக வேட்பாளர் 43.2 சதவீத வாக்குகளைப் பெற்றார். அந்தத் தேர்தலில் திமுக 140 பூத்களில் வலுவாகவும், அதிமுக 122 பூத்களில் வலுவாகவும் இருந்தது. சுமார் 78 பூத்கள் ஸ்விங் நிலையில் இருந்தன. தொடர்ந்து 2024 நாடாளுமன்றத் தேர்தலில் திமுக கூட்டணி 46.8 சதவீத வாக்குகளைப் பெற்ற நிலையில், அதிமுக கூட்டணி தனது 43.2 சதவீத வாக்குகளைத் தக்கவைத்துக் கொண்டது குறிப்பிடத்தக்கது.
'கான்சிலிடிக்ஸ்' குழுவினர் நடத்திய 2026 தேர்தல் கணிப்பின்படி, கலசப்பாக்கம் தொகுதியில் அதிமுக கூட்டணிக்கும் திமுக கூட்டணிக்கும் இடையே மிக நெருக்கமான போட்டி நிலவுகிறது. வரும் தேர்தலில் அதிமுக கூட்டணி 43 சதவீத வாக்குகளைப் பெற்று முன்னிலையில் இருக்கும் என்று கணிக்கப்பட்டுள்ளது. ஆளும் திமுக கூட்டணி 39 சதவீத வாக்குகளைப் பெற்று கடும் போட்டியை அளிக்கும் என்று தெரிகிறது. தமிழக வெற்றிக் கழகம் மற்றும் நாம் தமிழர் கட்சி உள்ளிட்ட மற்ற அணிகள் இணைந்து சுமார் 14 சதவீத வாக்குகளைப் பிரிக்கக்கூடும். பூத் வாரியான தரவுகளின்படி, தற்போது அதிமுக 140 பூத்களில் வலுவாக உள்ளதாகவும், திமுக 110 பூத்களில் வலுவாக உள்ளதாகவும் புள்ளிவிவரங்கள் கூறுகின்றன. சுமார் 79 பூத்கள் ஸ்விங் நிலையில் உள்ளன. தற்போதைய நிலவரப்படி கலசப்பாக்கம் தொகுதியில் அதிமுக கூட்டணி ஒரு படி முன்னிலையில் இருப்பதாக இந்தக் கருத்துக்கணிப்பு முடிவுகள் தெரிவிக்கின்றன.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.