அரியலூரில் சிமெண்ட் ஆலை பிரச்சினைகள் எதிரொலிக்குமா? மும்முனைப் போட்டியில் முந்தப்போவது யார்?

"மாலை முரசு - கான்சிலிடிக்ஸ்" இணைந்து தமிழகம் முழுவதும் நடத்திய மாபெரும் கருத்துக்கணிப்பு முடிவுகள் குறித்து "Tamil Nadu Political League" நிகழ்ச்சியில் தொகுதி பற்றியும், வரும் சட்டமன்ற தேர்தலில் அங்கு வெற்றிப் பெற அதிகம் வாய்ப்புள்ள கூட்டணி எது? என்பது குறித்த தகவல்கள் இங்கே தொகுக்கப்பட்டுள்ளன. சிமெண்ட் ஆலைகளுக்குப் பெயர்பெற்ற அரியலூர் தொகுதி, வட மாவட்ட அரசியலில் மிக முக்கியமான களமாகும். 91 சதவீத கிராமப்புற வாக்குகளைக் கொண்ட இந்தத் தொகுதியில், வன்னியர் மற்றும் உடையார் சமூக வாக்குகள் எப்போதும் ஒரு தீர்மானிக்கும் சக்தியாக இருந்து வருகின்றன.

அரியலூர் தொகுதியின் முக்கிய வாக்காளர் அடையாளங்களாக 41 முதல் 60 வயதுடையவர்கள் 35 சதவீதமும், 26 முதல் 40 வயதுடையவர்கள் 30 சதவீதமும் உள்ளனர். சமூக ரீதியாக உடையார்கள் (பார்க்குளம்) 28 சதவீதமும், வன்னியர்கள் 20 சதவீதமும், மூப்பனார் சமூகத்தினர் 20 சதவீதமும் உள்ளனர். ஆதிதிராவிடர்கள் 16 சதவீதமும், முஸ்லிம்கள் 5 சதவீதமும் உள்ளனர். முழுக்க முழுக்க விவசாயம் மற்றும் ஆலைத் தொழிலைச் சார்ந்த மக்கள் அதிகம் உள்ள தொகுதியாக இது விளங்குகிறது.

முக்கிய உள்ளூர் பிரச்சினைகளாக சிமெண்ட் ஆலைகளால் ஏற்படும் சுற்றுச்சூழல் மாசுபாடு மற்றும் சுவாசக் கோளாறுகள் குறித்து மக்கள் புகார் தெரிவிக்கின்றனர். சிமெண்ட் லாரிகளால் நகருக்குள் ஏற்படும் போக்குவரத்து நெரிசல், கோடை காலங்களில் நிலவும் கடுமையான குடிநீர் தட்டுப்பாடு மற்றும் அரசு கல்லூரிகளில் போதிய ஆய்வக வசதிகள் இல்லாமை போன்றவை பிரதான குறைகளாகப் பட்டியலிடப்பட்டுள்ளன. நிலத்தடி நீர் மட்டம் குறைந்து வருவது விவசாயிகளிடையே பெரும் கவலையை ஏற்படுத்தியுள்ளது.

தேர்தல் முடிவுகளின் புள்ளிவிவரங்களைப் பார்த்தால், 2021-ல் திமுக 46.4 சதவீத வாக்குகளைப் பெற்றது, அது 2024-ல் 37.1 சதவீதமாகப் பெரும் சரிவைச் சந்தித்துள்ளது. அதிமுக 2021-ல் 45 சதவீத வாக்குகளைப் பெற்ற நிலையில், 2024-ல் 52 சதவீதமாகத் தனது செல்வாக்கை அதிரடியாக உயர்த்தியுள்ளது. பூத் அளவில், 2021-ல் திமுக 130 பூத்களில் வலுவாக இருந்தது, 2024-ல் 131 ஆக நீடிக்கிறது. அதிமுக 2021-ல் 115 பூத்களில் வலுவாக இருந்த நிலையில், 2024-ல் 101 பூத்களாகக் குறைந்துள்ளது. சுமார் 24 பூத்கள் ஸ்விங் நிலையில் உள்ளன.

2026 தேர்தல் கணிப்பின்படி, அரியலூரில் அதிமுக 125 வாக்குச்சாவடிகளில் வலுவாக உள்ளது. திமுக 100 வாக்குச்சாவடிகளில் தனது பலத்தைக் கொண்டுள்ளது. சுமார் 100 வாக்குச்சாவடிகள் யாருக்கு வேண்டுமானாலும் மாறக்கூடிய ஸ்விங் பூத்களாக உள்ளன. கான்சிலிடிக்ஸ் குழுவின் முடிவுகளின்படி, 2026-ல் அதிமுக 37 சதவீத வாக்குகளைப் பெற்று முதலிடம் வகிக்கும் எனத் தெரிகிறது. திமுக 33 சதவீத வாக்குகளைப் பெறும் நிலையில் உள்ளது. தவெக மற்றும் நாம் தமிழர் கூட்டணி 24 சதவீத வாக்குகளைப் பெற வாய்ப்புள்ளது. வெற்றி வித்தியாசம் சுமார் 4 சதவீதமாக இருக்கும் என கணிக்கப்பட்டுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.