அமெரிக்காவில் சதை உண்ணும் பாக்டீரியா: என்ன தான் நடக்குது!!?

அமெரிக்காவில் “சதை உண்ணும் பாக்டீரியா”னு ஒரு விஷயம் இப்போ பரபரப்பா பேசப்படுது. இது விப்ரியோ வல்னிபிகஸ் (Vibrio vulnificus)னு ஒரு பாக்டீரியா, இது கடல் நீரிலயும், குறிப்பா கடல் நீரும் ஆறு நீரும் கலக்கற இடங்களிலயும் இருக்கு. இதுக்கு நெக்ரோடைசிங் பாசியைட்டிஸ் (Necrotizing Fasciitis)னு பேர். இது தோலையும், தசைகளையும் அழிக்கற அளவுக்கு மோசமானதாக உள்ளது.

இந்த பாக்டீரியா எப்படி பரவுது?

விப்ரியோ வல்னிஃபிகஸ் எனும் பாக்டீரியா, வெதுவெதுப்பான கடல் நீரில், குறிப்பா 15-40 டிகிரி செல்சியஸ் வெப்பநிலையில தான் வாழுது. இந்த பாக்டீரியா பொதுவா கடல் நீரும் ஆறு நீரும் கலக்கற இடங்களில் இருக்கு. இது உடம்புக்குள்ள இரண்டு வழியில நுழையுது: ஒண்ணு, சரியா சமைக்கப்படாத கடல் உணவை சாப்பிடறது; இன்னொரு வழி, திறந்த காயங்கள் மூலமா இந்த பாக்டீரியா உள்ள போறது.

இதற்கு “சதை உண்ணும்” பாக்டீரியா-னு பேர் இருந்தாலும், இது உண்மையில சதையை சாப்பிடறது இல்ல. இது வெளியிடற விஷப் பொருட்கள் (toxins), தோல், தசைகள், மற்றும் இரத்த நாளங்களை அழிக்குது. இதனால, நெக்ரோடைசிங் பாசியைட்டிஸ் உருவாகுது, இது ஒரு நாளோ ரெண்டு நாளோ உள்ளே உயிருக்கு ஆபத்தை உண்டாக்குது. அமெரிக்காவில் ஒவ்வொரு வருஷமும் 150-200 பேர் இந்த தொற்றுக்கு ஆளாகறாங்க, இதுல சுமார் 20% பேர் உயிரிழக்கறாங்க.

சமீபத்திய புள்ளி விவரங்களை பார்த்தா, 2023 மற்றும் 2024-ல இந்த தொற்று அமெரிக்காவின் கிழக்கு கடற்கரை மாநிலங்களான நியூயார்க், கனெக்டிகட், மற்றும் வட கரோலினாவில் அதிகமா பதிவாகியிருக்கு. உதாரணமா, 2023 ஜூலை-ஆகஸ்ட் மாதங்களில் இந்த மூணு மாநிலங்களில் ஆறு பேர் இந்த பாக்டீரியால இறந்தாங்க. 2024-ல, புளோரிடாவில் இந்த தொற்று புயல் சீசனோட (Hurricane Helene) சேர்ந்து அதிகரிச்சிருக்கு. புளோரிடா சுகாதாரத் துறை சொல்லுது, 2024-ல 74 தொற்றுகளும் 13 இறப்புகளும் நடந்திருக்கு, இது 2023-ல இருந்த 46 தொற்றுகளையும் 11 இறப்புகளையும் விட அதிகம். புயல்களால கடல் நீரும் ஆறு நீரும் கலந்து, இந்த பாக்டீரியாவோட அடர்த்தி அதிகமாகுது.

இந்த தொற்று குறிப்பா நோய் எதிர்ப்பு சக்தி குறைவா இருக்கறவங்களை, கல்லீரல் நோய், நீரிழிவு, அல்லது புற்றுநோய் இருக்கறவங்களை எளிதா தாக்குது. திறந்த காயங்கள், புதிதாக பச்சை குத்தியவர்கள் அல்லது அறுவை சிகிச்சை காயங்கள் இருக்கறவங்களுக்கு இது ஆபத்து. இதோட அறிகுறிகள், கடல் உணவு சாப்பிட்டவங்களுக்கு வயிற்றுப் போக்கு, வாந்தி, வயிறு வலி மாதிரி இருக்கும். காயங்கள் மூலமா தொற்று வந்தா, காயம் இருக்கற இடத்துல வீக்கம்,, கடுமையான வலி, கொப்புளங்கள், மற்றும் காய்ச்சல் வரும். இது 24-48 மணி நேரத்துக்குள்ள வேகமா மோசமாகுது, அதனால உடனே மருத்துவமனைக்கு போறது ரொம்ப முக்கியம்.

இந்த தொற்று வந்தவுடனே மருத்துவ உதவி தேவை. ஆன்டிபயாடிக்ஸ், குறிப்பா டெட்ராசைக்ளின் வகை மருந்துகள், இரத்தத்தில் நேரடியா செலுத்தப்படுது. கடுமையான தொற்றுகளில், பாதிக்கப்பட்ட திசுக்களை அறுவை சிகிச்சை மூலமா அகற்ற வேண்டியிருக்கும். சில சமயங்களில், கை அல்லது கால் அகற்றப்பட வேண்டிய நிலை வரலாம். ஆரம்பத்துலயே சிகிச்சை ஆரம்பிச்சா, இந்த அளவுக்கு மோசமாகாம தடுக்கலாம்.

காலநிலை மாற்றமும் இந்த பாக்டீரியாவோட பரவலுக்கு ஒரு பெரிய காரணம். கடல் நீரோட வெப்பநிலை உயர்ந்து, இந்த பாக்டீரியா வாழறதுக்கு ஏத்த சூழல் உருவாகுது. முன்னாடி புளோரிடா, டெக்ஸாஸ் மாதிரியான தெற்கு மாநிலங்களில் மட்டும் இருந்த இது, இப்போ நியூயார்க், கனெக்டிகட் மாதிரியான வடக்கு மாநிலங்களுக்கும் பரவியிருக்கு. 1988-லிருந்து 2018 வரை, கிழக்கு கடற்கரையில் இந்த தொற்று எட்டு மடங்கு அதிகரிச்சிருக்கு. புயல்கள், வெள்ளங்கள் இதை இன்னும் தீவிரப்படுத்துது.

இப்போ உங்க அடுத்த கடற்கரை ட்ரிப் பிளான் பண்ணும்போது, இந்த விஷயங்களை மனசுல வச்சுக்கோங்க!

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.