இங்கிலாந்து இளவரசர் ஹாரியும், முன்னாள் அமெரிக்க நடிகையுமான மேகனும் காதலித்து, அரச குடும்பத்தின் ஒப்புதலோடு கடந்த 2018ம் ஆண்டு திருமணம் செய்து கொண்டனர். எனினும், இங்கிலாந்து அரச குடும்பத்தின் அதிகாரம் மீது அதிக பற்றில்லாமல் இருந்த ஹாரி-மேகன் தம்பதி, அரச குடும்பத்தின் மூத்த உறுப்பினர்கள் என்ற பொறுப்பிலிருந்து விலகுவதாக கடந்த ஆண்டு அறிவித்தனர்.
தற்போது அமெரிக்காவின் கலிபோர்னியா மாகாணத்தில் வசித்து வரும் இந்த தம்பதிக்கு ஆர்ச்சி எனும் 2 வயது மகன் இருக்கிறான்.
இந்நிலையில், மேகனுக்கு பெண் குழந்தை பிறந்து உள்ளது. ஹாரி-மேகன் தம்பதி தங்களுடைய மகளுக்கு ராணி எலிசபெத் மற்றும் ஹாரியின் தாய் டயானா ஆகியோரது பெயரை கொண்டு லில்லி டயானா என பெயரிட்டு உள்ளனர். ராணி எலிசபெத்தின் குடும்ப பெயர் லில்லிபெட் ஆகும்.