கடல்கடந்த தமிழர்களின் நாகரிகம்! எகிப்து பிரமிடிற்கும் பழந்தமிழர்களுக்கும் இருக்கும் அந்த ரகசியத் தொடர்பு என்ன?

எகிப்து நாட்டில் உள்ள பிரமிடுகள் உலக அதிசயங்களில் ஒன்று. பிரம்மாண்டமான கற்களைக் கொண்டு கட்டப்பட்ட இந்த அமைப்புகள் இன்றும் பல மர்மங்களைத் தங்களுக்குள் வைத்துள்ளன. ஆனால், எகிப்திய நாகரிகத்திற்கும் பழந்தமிழர் நாகரிகத்திற்கும் பல ஒற்றுமைகள் இருப்பதாக வரலாற்று ஆய்வாளர்கள் கருதுகிறார்கள். எகிப்தில் உள்ள 'மம்மியாக்கம்' முறையும், தமிழர்களின் முதுமக்கள் தாழி முறையும் ஒரே மாதிரியான சிந்தனைகளைக் கொண்டவை. இறந்தவர்களைப் புதைக்கும் போது அவர்களுக்குப் பிடித்த பொருட்களையும் சேர்த்துப் புதைப்பது இரண்டு நாகரிகங்களிலும் வழக்கமாக இருந்துள்ளது. குறிப்பாக, எகிப்திய மன்னர்களின் கல்லறைகளில் கண்டெடுக்கப்பட்ட சில பொருட்கள் தென்னிந்தியாவில் இருந்து ஏற்றுமதி செய்யப்பட்டவை என்று ஆய்வுகள் கூறுகின்றன.

எகிப்திய மொழியில் உள்ள சில சொற்கள் தமிழ்ச் சொற்களுடன் ஒத்துப்போகின்றன. உதாரணமாக, எகிப்தியர்களின் சூரியக் கடவுளின் பெயர் 'ரா' (Ra). தமிழில் 'ஞாயிறு' அல்லது பகலவனைக் குறிக்கும் சொற்களுடன் இது தொடர்புடையதாக இருக்கலாம். அதேபோல், பிரமிடுகளின் கட்டுமான அமைப்பிற்கும் தென்னிந்தியக் கோபுரங்களின் 'விமானம்' போன்ற அமைப்பிற்கும் ஒரு வடிவியல் ஒற்றுமை உண்டு. பிரமிடின் உச்சிப் பகுதி பிரபஞ்ச ஆற்றலைக் குவிப்பதாகக் கருதப்படுகிறது, அதேபோல் கோயில் கோபுரங்களின் கலசங்களும் பிரபஞ்ச சக்தியை ஈர்க்கின்றன. எகிப்தியர்கள் பயன்படுத்திய நீர்ப்பாசன முறைகளும், தமிழர்களின் கரிகாலன் கட்டிய கல்லணை போன்ற நீர் மேலாண்மை முறைகளும் வியக்கத்தக்க வகையில் ஒரே தரத்தில் உள்ளன.

கடல் கடந்து வாணிபம் செய்த தமிழர்கள், எகிப்து வரை சென்றிருக்க வாய்ப்புள்ளதாகப் பல சான்றுகள் உள்ளன. அங்குள்ள செங்கடலோரப் பகுதிகளில் தமிழ்ப் பிராமி எழுத்துக்கள் பொறிக்கப்பட்ட பானை ஓடுகள் கண்டெடுக்கப்பட்டுள்ளன. இது தமிழர்களுக்கும் எகிப்தியர்களுக்கும் இடையே இருந்த வணிக மற்றும் கலாச்சாரத் தொடர்பை உறுதிப்படுத்துகிறது. பிரமிடுகள் என்பது வெறும் கல்லறைகள் அல்ல, அவை ஒரு மேம்பட்ட வானியல் மற்றும் கணித அறிவின் வெளிப்பாடு. அந்த அறிவுப் பகிர்வில் தமிழர்களின் பங்கு இருந்திருக்கலாம் என்பது பல ஆராய்ச்சியாளர்களின் ஒருமித்த கருத்து. வரலாற்றின் பக்கங்களைத் திருப்பு பார்த்தால், தமிழர்களின் புகழ் எகிப்தின் மணல் பரப்பிலும் படிந்திருப்பதை நாம் காணலாம்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.