ஆன்மீகம்

வக்கிர நிவர்த்தி அடையும் சனி 2025 - " துலாம் ராசி முதல் தனுசு ராசி வரை"!

அவைகள் மூலம் நல்ல பாடங்களையும் கற்றுத் தருவார்.... வாழ்க்கை துணை மூலம் நல்ல முன்னேற்றமும் பொருளாதார உயர்வும் உண்டாகும்...

மாலை முரசு செய்தி குழு

அன்பார்ந்த மாலை முரசு வாசகர்களே சனி என்றாலே ஒருவருடைய தொழிலை குறிப்பிடும், சனி பகவானுக்கும் ஆய்ளுக்கும் மிக நெருங்கிய தொடர்புண்டு.... ஒருவர் நீண்ட காலம் வாழ வேண்டும் என்றால் சனி பகவானின் அருள் நிச்சயமாக தேவை... உழைப்புக்கு அதிபதி... அயராது உழைப்பாளி... சனி பகவானின் அணுக்கிரக பார்வை ஒருவருக்கு கிடைத்தால் மட்டும்தான் அவர் எழுந்து நடக்கவோ நிற்கவோ பேசவோ செயல்படவோ முடியும் என்கிறது ஜோதிட சாஸ்திரம்... பம்பரம் போல் சுற்றிக் கொண்டிருக்கிறார் என்ற வாசகத்தை கேள்விப்பட்டிருப்போம் அப்படிப்பட்ட நபர் சனியின் உச்சம் பெற்றவராக இருப்பார்... தாமத கிரகம் மந்தன் என்று சனி பகவானை கூறுவது உண்டு. ஆனால் உண்மையிலேயே சனிபகவானின் சக்தியாக பார்ப்பது அவருடைய வேகம் விவேகம் உழைப்பு போன்றவை...

சனி பகவான் ஒருவருடைய ஜாதகத்தில் நல்ல நிலையில் இருந்து விட்டால் அவர் மிக சிறந்த உழைப்பாளியாகவும் சாதனையாளராகவும் நீண்ட ஆயுள் படைத்தவராகவும் இருப்பார் என்பதில் மாற்றுக் கருத்து இல்லை... பூமிக்கு சனி பகவான் மிகத் தொலைவில் இருப்பதால்தான் அவரை தாமதம் என்றும் மந்தன் என்றும் நாம் அழைக்கிறோம்... மிக வேகமான கிரகங்களாக புதன் மற்றும் துணைக்கோளான சந்திரன் பார்க்கப்படுகிறது... அவை பூமிக்கு மிக அருகிலேயே இருப்பதால் சட்டு என்று முடிவெடுக்கக்கூடிய சக்தியை அந்த இரு கிரகங்களும் நமக்கு வாரி வழங்குகின்றன... அவற்றையெல்லாம் தாண்டி மிக தொலைவில் இருக்கக்கூடிய சனி பகவான் தான் ஒரு குழந்தை இந்த மண்ணில் பிறந்து விட்டால் அவர் எவ்வளவு நாட்களுக்கு உயிர் வாழ வேண்டும் என்பதை தீர்மானிப்பவராக இருக்கிறார்....

கடினமான உழைப்பாளியாக ஒருவர் இருந்து விட்டால் நிச்சயம் இந்த பிரபஞ்சமும் இந்த பூமியும் அவருக்கு நீண்ட ஆயுளை கொடுக்கும் என்பதில் மாற்றுக் கருத்தே இல்லை... சனியின் பேராற்றல் கொன்ற ஒருவரால் புதிதான கருவுகளை கண்டுபிடிக்கவும் அல்லது புதிய சாம்ராஜ்யத்தை உருவாக்கவோ மக்களின் நலனில் அக்கறை செலுத்தவோ மக்களின் பேராதனை பெற முடியும்... சரி வாருங்கள் அடுத்தடுத்த ராசிக்கு சனி பகவானின் வக்கிர நிவர்த்தி எப்படி இருக்கிறது என்பதை பார்க்கலாம்....

சனி பகவான் ஜூலை மாதம் 13ஆம் தேதி 2025 ஆம் ஆண்டு வக்கிரம் பெற ஆரம்பித்தார் மீன ராசியில் நேர்கதியில் பயணித்துக் கொண்டிருந்த அவர் வக்கிரம் என்று தன்னுடைய பயணத்தை பின்னோக்கி ஆரம்பித்தவர் பலருக்கு தொழிலில் ஏற்றத்தாழ்வுடன் கூடிய பலன்களை தான் கொடுத்து இருப்பார்... தற்பொழுது 28 11 2025 கார்த்திகை 12-ஆம் தேதி வக்கிர நிவர்த்தி அடைகிறார் சனி பகவான்... 2025 ஆம் ஆண்டு முடிவடைய போகிறது இந்த சமயத்தில் வக்கிர நிவர்த்தி அடையும் சனி பகவானால் எந்தெந்த ராசிக்கு என்ன பலன் என்பதை பற்றி பார்க்கலாம்...

துலாம் ராசி:

அன்பார்ந்த துலாம் ராசி வாசகர்களே உங்களுடைய ராசிக்கு ஆறாம் வீட்டில் வக்கிர நிலையில் பயணித்துக் கொண்டிருந்த சனி பகவான் தற்பொழுது ஆறாம் வீட்டிலேயே நேர்கையில் பயணிக்கவிருக்கிறார்.... துலாம் ராசியை பொறுத்தவரை நான்காம் வீடு மற்றும் ஐந்தாம் வீட்டின் அதிபதியாக சனி பகவான் வருவதால் நிச்சயமாக ஏற்கனவே சனி பகவானை பற்றிய நல்ல புரிதல் துலாம் ராசிக்கு இயற்கையாகவே உண்டு... அவர்கள் இருக்கும் இடத்திலேயே நல்ல உழைப்பு மிக்க பொருட்களும் சனியின் அணுக்கிரகமான இடமும் அமைந்திருக்கும்... துலாம் ராசிக்கு ஆறாம் வீட்டில் சனி பகவான் பயணிப்பது மிகப்பெரிய யோகத்தை கொண்டு வரும்.... அதாவது சனிக்கு மிகவும் பிடித்த வீடுகளில் ஆறாம் பாவகமும் ஒன்று... அந்த பாவகத்தில் சனி பகவான் அமரும் பொழுது உங்களுடைய தேவைகளை அவர் பூர்த்தி செய்பவராக இருப்பார்.... ஒரு இடத்தில் உங்களால் அமர முடியாது ஓடிக்கொண்டு இருக்க வேண்டிய சூழ்நிலை தான் உருவாகும்.... பணம் பதவி பொருளாதார உயர்வு போன்றவை உங்களை தேடி வரும்.... பிரமோஷனுக்காக காத்திருப்பவர்களுக்கு இது ஒரு நல்ல காலம்.... துலாம் ராசி அன்பர்களுக்கு நீடூதர பயணங்களை மேற்கொள்ள வாய்ப்பு கிடைக்கும்...

விருச்சக ராசி:

அன்பார்ந்த விருச்சிக ராசி அன்பர்களே உங்களுடைய ராசிக்கு ஐந்தாம் வீட்டில் சனி பகவான் வக்கிரநிலையில் இருந்தார் தற்பொழுது வக்கிர நிவர்த்தி அடைந்து ஐந்தாம் வீட்டிலேயே நேர்ததியில் பயணிக்கவிருக்கிறார்... பிள்ளைகள் வழியில் சற்று திருப்பமான பலன்களை எதிர்பார்க்கலாம்... குழந்தைகள் உங்களுடைய பேச்சை கேட்க ஆரம்பிப்பார்கள் எது நல்லது எது கெட்டது என்பதை அவர்களுக்கு புரிய வைக்கும் காலகட்டம்.... படிப்பில் சற்று கவனம் தேவை என்பதால் நீங்கள் அவர்களிடம் கோபப்படாமல் பொறுமையாக எடுத்து சொல்வது நல்லது..... நீங்கள் ஒரு வேலை செய்தால் அதற்கு ஒருமுறைக்கு இரண்டு முறைக்கு மேல் யோசித்து அந்த வேலையை செய்யலாமா வேண்டாமா என்று செயல்படுத்துங்கள்... கண்கட்டி வித்தை போலவே நீங்கள் செய்யும் வேலையில் ஏதேனும் சிறு குறைகள் தென்படலாம்.... உங்களுடைய நண்பர்களிடம் நான் செய்யும் வேலை சரிதானா என்று கேட்டுக் கொள்வதும் சிறப்பு தான்... பத்தாம் வீட்டிற்கு அஷ்டம ஸ்தானத்தில் சனி பகவான் அமர்வதன் மூலமாக தொழிலில் சில சிக்கல்களை கொடுத்தாலும் கூட அவைகள் மூலம் நல்ல பாடங்களையும் கற்றுத் தருவார்.... வாழ்க்கை துணை மூலம் நல்ல முன்னேற்றமும் பொருளாதார உயர்வும் உண்டாகும்....

தனுசு ராசி:

அன்பார்ந்த தனுசு ராசி வாசகர்களே உங்களுடைய ராசிக்கு 4 ஆம் வீட்டில் வக்கிர நிலையில் இருந்த சனி பகவான் தற்பொழுது 4 ஆம் வீட்டிலேயே நேர்கதியில் பயணிக்கவிருக்கிறார்.. ஏற்கனவே கட்டி முடிக்கப்பட்ட வீட்டை வாங்கி அதில் குடிப் பெறலாம்... புதிதாக வீடு வண்டி வாகனத்தில் ஆர்வம் உண்டாகும்.... இருக்கும் இடத்தை தூய்மையாக வைத்துக் கொள்வது நல்லது.... உடலில் ஏதேனும் உஷ்ணம் மூலமாக பிரச்சனைகள் ஏற்பட்டாலும் கவலைப்பட வேண்டாம் நான்காம் இட சனி பகவான் உங்களை பார்த்துக் கொள்வார்.... வாகனம் மூலமாகவோ அல்லது வீடு மூலமாகவோ நல்ல யோகம் ஏற்படும்... வாழ்க்கை துணைக்கு நல்ல வேலை கிடைத்து அதன் மூலம் உங்களுடைய வீட்டில் பொருளாதார நிலை மேம்படும்... புதிய காரியங்களை முன்னெடுப்பதற்கான காலகட்டம்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.