15 நாட்களுக்கும் மேலாக ஆசிய விளையாட்டு ரசிகர்களை உற்சாகப்படுத்திய Asian Games 2026 கோலாகலமான நிறைவு விழாவுடன் முடிவுக்கு வந்துள்ளது. பல்வேறு விளையாட்டுகளில் ஆசிய நாடுகளைச் சேர்ந்த வீரர்கள் தங்களது திறமையை வெளிப்படுத்திய நிலையில், நிறைவு விழாவிலும் இந்தியாவுக்கு சிறப்பான தருணம் கிடைத்தது. இந்தியாவின் சார்பில் Trap Shooter Neeru Dhanda தேசியக் கொடியை ஏந்தி அணியை வழிநடத்தினார்.
நிறைவு விழா ஞாயிற்றுக்கிழமை நடைபெற்றது. ஆயிரக்கணக்கான பார்வையாளர்கள் முன்னிலையில் நடைபெற்ற நிகழ்ச்சியில், பல்வேறு நாடுகளைச் சேர்ந்த வீரர்கள் தங்களது தேசியக் கொடிகளுடன் அணிவகுத்தனர். தொடக்க விழாவைப் போலவே நிறைவு நிகழ்ச்சியிலும் அந்தந்த நாட்டின் கலாசாரம் மற்றும் விளையாட்டு வீரர்களின் சாதனைகள் முக்கிய இடம் பெற்றன.
இந்திய அணியின் சார்பில் Neeru Dhanda தேசியக் கொடியை ஏந்தியது அந்த நிகழ்ச்சியின் முக்கிய தருணங்களில் ஒன்றாக அமைந்தது. 27 வயதான Neeru, நடப்பு Asian Games-ல் இரண்டு தங்கப் பதக்கங்களையும் ஒரு வெள்ளிப் பதக்கத்தையும் வென்று இந்தியாவின் சிறந்த வீராங்கனைகளில் ஒருவராக உருவெடுத்தார். அவரது சிறப்பான செயல்பாட்டை பாராட்டும் வகையில் இந்திய ஒலிம்பிக் சங்கம் அவரை நிறைவு விழாவின் பெண் கொடியேந்தியாக தேர்வு செய்தது.
Neeru-வின் இந்த Asian Games பயணம் சாதாரணமானது அல்ல. பெண்களுக்கான தனிநபர் Trap Shooting போட்டியில் தங்கப் பதக்கம் வென்று வரலாறு படைத்தார். இதன் மூலம் Asian Games Trap Shooting-ல் தனிநபர் தங்கம் வென்ற முதல் இந்திய பெண் என்ற பெருமையை பெற்றார். அந்தப் போட்டியில் 26 புள்ளிகளுடன் முதலிடம் பிடித்தார். போட்டிக்கு முன்பான தகுதிச்சுற்றிலும் சிறப்பாக செயல்பட்டு கவனம் பெற்றிருந்தார்.
அதன்பிறகு பெண்களுக்கான Team Trap போட்டியிலும் Neeru முக்கிய பங்காற்றினார். Aashima Ahlawat மற்றும் Manisha Keer ஆகியோருடன் இணைந்து இந்திய அணிக்காக வெள்ளிப் பதக்கம் வென்றார். இதன் மூலம் ஒரே Asian Games தொடரில் அவரது பதக்க எண்ணிக்கை இரண்டாக உயர்ந்தது. அவரது அடுத்த சாதனை Mixed Team Trap போட்டியில் வந்தது.
Kynan Chenai உடன் இணைந்து போட்டியிட்ட Neeru தங்கப் பதக்கம் வென்றார். இந்த இணை 34 புள்ளிகளைப் பெற்று Asian Games சாதனையையும் பதிவு செய்தது. இதன் மூலம் Neeru-வின் பதக்க எண்ணிக்கை மூன்றாக உயர்ந்தது. இரண்டு தங்கம், ஒரு வெள்ளி என சிறப்பான சாதனையுடன் அவர் தொடரை நிறைவு செய்தார்.
Neeru-வுக்கு நிறைவு விழாவில் கொடியேந்தும் வாய்ப்பு கிடைத்தது அவரது தனிப்பட்ட சாதனையை மட்டுமின்றி, இந்தியாவின் ஒட்டுமொத்த Asian Games பயணத்தையும் பிரதிபலிக்கும் வகையில் அமைந்தது. போட்டியின் ஆரம்ப நாட்களில் இந்தியாவுக்கு எதிர்பார்த்த அளவுக்கு பதக்கங்கள் கிடைக்கவில்லை. ஆனால் இறுதிக்கட்டத்தில் இந்திய வீரர்கள் அடுத்தடுத்து பதக்கங்களை வென்று பதக்கப் பட்டியலில் முன்னேறினர். முடிவில் இந்தியா 21 தங்கம், 27 வெள்ளி, 37 வெண்கலம் என மொத்தம் 85 பதக்கங்களை வென்றது.
இதன் மூலம் ஒட்டுமொத்த பதக்கப் பட்டியலில் இந்தியா நான்காவது இடத்தைப் பிடித்தது. கடந்த Hangzhou Asian Games-ல் இந்தியா 106 பதக்கங்களை வென்றிருந்த நிலையில், இம்முறை அந்த எண்ணிக்கையை எட்ட முடியவில்லை. இருப்பினும் நான்காவது இடத்தை தக்க வைத்திருப்பது இந்திய விளையாட்டுத் துறைக்கு குறிப்பிடத்தக்க முடிவாக பார்க்கப்படுகிறது.
இந்த முறை இந்தியாவுக்கு Shooting மட்டுமின்றி Archery, Boxing, Cricket, Hockey உள்ளிட்ட பல்வேறு விளையாட்டுகளிலும் முக்கிய வெற்றிகள் கிடைத்தன. குறிப்பாக இறுதிக்கட்டத்தில் கிடைத்த தங்கப் பதக்கங்கள் இந்தியாவின் நிலையை உயர்த்தின. இதனால் போட்டியின் முடிவில் 85 பதக்கங்களுடன் இந்தியா நான்காவது இடத்தை உறுதி செய்தது. மறுபுறம் சீனா 169 தங்கம் உட்பட மொத்தம் 341 பதக்கங்களுடன் முதலிடத்தைப் பிடித்தது. போட்டியை நடத்திய Japan 83 தங்கம் உட்பட 269 பதக்கங்களுடன் இரண்டாவது இடத்திலும், South Korea 39 தங்கம் உட்பட 150 பதக்கங்களுடன் மூன்றாவது இடத்திலும் முடித்தன.
நிறைவு விழாவில் Japan-ன் பாரம்பரிய கலை, இசை மற்றும் நவீன நிகழ்ச்சிகள் இடம்பெற்றன. “One Asia” என்ற கருத்தை மையமாகக் கொண்டு நிகழ்ச்சிகள் அமைக்கப்பட்டிருந்தன. Asian Games கொடி அடுத்த போட்டியை நடத்தவுள்ள Qatar-க்கு முறைப்படி ஒப்படைக்கப்பட்டது. 2030ஆம் ஆண்டு Asian Games Qatar-ன் Doha நகரில் நடைபெற உள்ளது.
இந்திய அணியை முன்னின்று வழிநடத்திய Neeru Dhanda-வின் கையில் தேசியக் கொடி பறந்ததுடன் Aichi-Nagoya Asian Games-க்கு இந்தியாவின் பயணம் நிறைவடைந்தது. ஒரே தொடரில் இரண்டு தங்கம் மற்றும் ஒரு வெள்ளி வென்று, அதன்பிறகு நாட்டின் கொடியை ஏந்திய Neeru-வின் இந்த தருணம், 2026 Asian Games-ல் இந்தியாவுக்கு கிடைத்த நினைவில் நிற்கும் காட்சிகளில் ஒன்றாக அமைந்துள்ளது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்