அஜர்பைஜான் தலைநகர் பாகு நகரில் உலகக்கோப்பை துப்பாக்கி சுடுதல் போட்டி நடைபெற்றது. மகளிருக்கான 10 மீட்டர் ஏர் ரைபிள் அணிகள் பிரிவில் தமிழ்நாட்டைச் சேர்ந்த இளவேனில், ரமிதா, ஸ்ரேயா ஆகியோர் அடங்கிய அணி முதலாவது சுற்றில் 94 புள்ளி 4 புள்ளிகளுடன் முதலிடம் பிடித்தது.
இரண்டாவது தகுதிச்சுற்றில் சற்று பின்தங்கியபோதும், இந்திய அணி இறுதிச்சுற்றுக்கு முன்னேறி டென்மார்க்கை எதிர்கொண்டது. இதில் இளவேனில், ரமிதா, ஸ்ரேயா ஆகியோர் சிறப்பாக செயல்பட்டு 17க்கு 5 என்ற புள்ளிக் கணக்கில் முதலிடம் பிடித்து தங்கப் பதக்கத்தை தட்டிச் சென்றனர்.
ஆண்கள் பிரிவில் ருத்ராங்க்ஷ் பட்டீல், பார்த் மஹிஜா, தனுஷ் ஸ்ரீகாந்த் ஆகியோர் கொண்ட இந்திய அணி குரோஷியாவிடம் தோல்வியைத் தழுவி வெண் கலப்பதக்கம் வென்றது.