“பள்ளி தோழனுடன் பெண் கள்ளத் தொடர்பு” - மூன்று வருடமாக இருந்த ரகசிய உறவு.. அந்தரங்க வீடியோ காட்டி மிரட்டியது ஏன்?

கன்னியாகுமரி மாவட்டம், இரணியல் அருகே கணவரை பிரிந்து 9 வயது மகனுடன் தனியாக வசித்து வந்த இளம்பெண்ணை, தனிமை வீடியோ காட்சிகளை காட்டி மிரட்டி தாக்கியதாக இளைஞர் ஒருவர் கைது செய்யப்பட்டுள்ளார். இரணியல் அருகே உள்ள பேயன்குழி பகுதியைச் சேர்ந்தவர் 29 வயது இளம்பெண். இவருக்கு அவரது உறவினருடன் திருமணமாகி 9 வயதில் மகன் உள்ளார். கருது வேறுபாடு காரணமாக கணவனை பிரிந்த இளம்பெண் மகனுடன் தனியாக வெட்டு எடுத்து வசித்து வருகிறார்.

மேலும், பரசேரி பகுதியில் அழகு நிலையம் ஒன்றை நடத்தி வரும் நிலையில் அவரது பள்ளி தோழனான 29 வயதுடைய அபிஷேக் என்பவருடன் மீண்டும் பழக்கம் ஏற்பட்டுள்ளது. இருவரும் தொடர்ந்து பழகி வந்த நிலையில் நாளடைவில் இவர்களது பழக்கமானது திருமணத்திற்கு மீறிய உறவாக மாறியுள்ளது. கடந்த மூன்று வருடங்களாக இருவரும் தொடர்பில் உள்ள நிலையில் அடிக்கடி தனியாக சந்தித்து இருவரும் தனிமையில் இருந்து வந்ததாகவும் கூறப்படுகிறது.

இதனிடையே, அபிஷேக் வேலைக்காக கடந்த ஒரு வருடத்திற்கு முன்பு இத்தாலி நாட்டிற்கு சென்ற நிலையில், இருவருக்கும் இடையே கருத்து வேறுபாடு ஏற்பட்டு உறவில் விரிசல் ஏற்பட்டதாக தெரிகிறது. இந்நிலையில், இத்தாலியில் இருந்து சொந்த ஊருக்கு திரும்பிய அபிஷேக், மீண்டும் அந்த இளம்பெண்ணுடன் உறவை தொடர முயன்றதாக கூறப்படுகிறது. ஆனால், அதற்கு இளம் பெண் மறுப்பு தெரிவித்துள்ளார்.

இதனால் ஆத்திரமடைந்த அபிஷேக், இருவரும் ஏற்கெனவே தனியாக இருந்தபோது தனது செல்போனில் ரகசியமாக பதிவு செய்திருந்ததாக கூறப்படும் தனிப்பட்ட வீடியோ காட்சிகளை அந்தப் பெண்ணிடம் காட்டி மிரட்டியதாகவும், தொடர்ந்து அவரை தாக்கியதாகவும் புகார் அளிக்கப்பட்டுள்ளது. இதில் காயமடைந்த இளம்பெண் மருத்துவமனையில் அனுமதிக்கப்பட்டார். பின்னர் அவர் அளித்த புகாரின் அடிப்படையில் இரணியல் போலீசார் பெண் வன்கொடுமை, கொலை மிரட்டல் உள்ளிட்ட 5 பிரிவுகளின் கீழ் வழக்குப்பதிவு செய்தனர்.

இதையடுத்து, இத்தாலியில் இருந்து சொந்த ஊருக்கு திரும்பிய அபிஷேக்கை போலீசார் கைது செய்து இரணியல் நீதிமன்றத்தில் ஆஜர்படுத்தினர். பின்னர் நீதிமன்ற உத்தரவின்படி அவர் சிறையில் அடைக்கப்பட்டார். இருப்பினும் இந்த சம்பவம் தொடர்பாக முழு விவரம் தெரிந்துகொள்ள இரணியல் போலீசார் தொடர்ந்து விசாரணை நடத்தி வருகின்றனர்.பள்ளி தோழியுடன் திருமணத்திற்கு மீறிய உறவில் இருந்த வாலிபர் அந்தரங்க வீடியோக்களை வைத்து மிரட்டிய சம்பவம் அப்பகுதி மக்களிடையே பரபரப்பை ஏற்படுத்தியுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்