144 மணி நேர தேடுதல் வேட்டை..! தலைக்கு ரூ.30,000..! சிறுமியை நாசம் செய்த காமக்கொடூரனை சுட்டுப்பிடித்த போலீஸ்!!

மத்தியப் பிரதேசத்தின் ரைசன் மாவட்டத்தில் ஆறு வயது சிறுமியை பாலியல் பலாத்காரம் செய்ததாக குற்றம் சாட்டப்பட்ட சல்மான் என்ற  நபர் 144 மணி நேர கடும் தேடுதல் வேட்டைக்கு பின்னர் போலீசாரால் சுட்டு பிடிக்கப்பட்ட சம்பவம் பெரும் பரபரப்பை ஏற்படுத்தியுள்ளது. 

கடந்த 21 -ஆம் தேதி மாலை 6 மணியளவில் சிறுமி தனது வீட்டுக்கு வெளியே விளையாடிக்கொண்டிருந்தார். அப்போது அங்கு வந்த சல்மான் (23)  என்ற இளைஞர் அங்கு வந்து சிறுமிக்கு மிட்டாய்களை கொடுத்து ஏமாற்றி சிறுமியை தூக்கிச் சென்றுள்ளார். பின்னர் சிறுமியை அருகில் உள்ள காட்டுப்பகுதியில் பாலியல் வன்கொடுமை செய்துவிட்டு தப்பி ஓடியுள்ளார். வெளியில் விளையாடிக்கொண்டிருந்த குழந்தை நீண்ட காணாமல் போனதால் சுற்றி உள்ள இடங்களில் எல்லாம் தேடியுள்ளனர். அப்போது அருகில் உள்ள காட்டில் சிறுமி ரத்த வெள்ளத்தில் கிடந்துள்ளார். அவரை மீட்டு போப்பால் AIMS மருத்துவமனையில் சேர்த்துள்ளனர். 

144 மணி நேரம் தேடுதல்

இந்த சம்பவம் மாநிலம் முழுக்க பதற்றத்தை ஏற்படுத்திய சூழலில், சல்மானை பிடிக்க தனிப்படை அமைக்க ஏற்பாடு செய்யப்பட்டிருந்தது. ஆனாலும் குற்றவாளியை 7 நாட்களாக கண்டுபிடிக்க முடியாததால், அரசாங்கத்தின் நடவடிக்கைகள் மீது மக்கள் அதிருப்தி தெரிவிக்கவே, சல்மானின் தலைக்கு ரூ.30,000 சன்மானம் என அறிவிக்கப்பட்டது.

இந்த சூழலில்தான் சல்மான் போபாலில் உள்ள காந்தி நகர் காவல் நிலையப் பகுதிக்கு அருகிலுள்ள ஒரு தேநீர் கடையில் கைது செய்யப்பட்டார். இவர் தலைநகர் போபாலில் பதுங்கி இருந்துள்ளார். மேலும் அங்கு தெரிந்தவர் ஒருவரின் வீட்டுக்கு வெளியே 3 நாட்களாக படுத்திருந்ததாக சொல்லப்படுகிறது. மேலும் அந்த நபர் சல்மானுக்கு அடைக்கலமும் கொடுக்கவில்லை, போலீசாரிடம் துப்பும் கொடுக்கவில்லை என்பது விசாரணையில் தெரியவந்துள்ளது.

தான் 2 வருடங்களுக்கு முன்பு வேலைப்பார்த்த டீ கடைக்கு அருகே வாடகை வீடு தேடிய நிலையில் அவரிடம் ஆவணங்கள் ஏதும் இல்லாததால், சந்தேகமடைந்த அப்பகுதியினர் அவரைப் பற்றி போலீசாரிடம் துப்புக்கொடுத்தனர். சம்பவ இடத்திற்கு விரைந்த போலீசார், அங்கு இருந்த சல்மானை பிடிக்க முயன்றபோது, அவர் தப்பியோட முயன்றுள்ளார் . அப்போது அவரை போலீசார் சுட்டுப்பிடித்துள்ளனர். 6 வயது சிறுமியை பலாத்காரம் செய்துவிட்டு தப்பியோடிய குற்றவாளியைல்  144 மணி நேரம் கழித்து பிடித்த சம்பவம் பெரும் பதற்றதை ஏற்படுத்தியுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.