உள்ளாட்சி தேர்தல் எதிரொலி.... காரில் கடத்தி வரப்பட்ட மதுபாட்டில்கள் பறிமுதல்...

தமிழகத்தில் கள்ளக்குறிச்சி உள்ளிட்ட 9 மாவட்டங்களுக்கான ஊரக உள்ளாட்சி தேர்தல் வரும் 6 மற்றும் 9 ஆகிய தேதிகளில் நடைபெறவுள்ளது. இதனால் கள்ளக்குறிச்சி மாவட்ட எல்லைகளில் வாகன சோதனை தீவிரபடுத்தப்பட்டு உள்ளது.

இந்நிலையில், ஆசனூர் - எலவனாசூர்கோட்டை சாலையில் போலீசார் வாகன சோதனையில் ஈடுபட்டிருந்தனர். அப்போது அவ்வழியாக வந்த 2 கார்களை நிறுத்தி சோதனை செய்ததில், புதுச்சேரியில் இருந்து மதுபாட்டில்களை கடத்தி வந்தது கண்டுபிடிக்கப்பட்டது. இதனையடுத்து காரில் வந்த 4 பேரை கைது செய்த போலீசார், 600 மதுபாட்டில்கள் மற்றும் 2 கார்களையும் பறிமுதல் செய்தனர்.

விசாரணையில் வாக்காளர்களுக்கு கொடுப்பதற்காக மதுபாட்டில்களை கடத்திச் சென்றதாக தெரிவித்துள்ளது குறிப்பிடத்தக்கது.