.png)
திருப்பத்தூர் மாவட்டம் வாணியம்பாடி முஸ்லிம்பூர் பகுதியை சேர்ந்தவர் ஜபியுல்லா. இவருக்கும் அதே பகுதியை சேர்ந்த 38 வயதுடைய கதீஜா ஜல் என்ற பெண்ணுக்கும் கடந்த சில வருடங்களுக்கு முன்பு திருமணமாகி நான்கு குழந்தைகள் உள்ள நிலையில் கணவன் மனைவி இருவருக்கும் இடையே கருத்து வேறுபாடு ஏற்பட்டு அவ்வப்போது வாக்குவாதம் ஏற்பட்டு வந்திருக்கிறது. இதனால் கணவன் மனைவி இருவரும் கடந்த ஒரு வருடத்திற்கு முன்பு விவாகரத்து பெற்று தனித்தனியே பிரிந்து வாழ்ந்து வருகின்றனர்.
கதீஜா கபூராபாத் பகுதியில் பிள்ளைகளுடன் தனியாக வசித்து வந்த நிலையில் அவருக்கும் அதே பகுதியை சேர்ந்த கார் ஓட்டுநர் இர்ஃபான் என்பவருடன் பழக்கம் ஏற்பட்டுள்ளது. இருவரும் நெருங்கி பழகி வந்த நிலையில் இவர்களது பழக்கமானது நாளடைவில் திருமணத்திற்கு மீறிய உறவாக மாறி இருவரும் அடிக்கடி தனிமையில் இருந்து வந்ததாக சொல்லப்படுகிறது. இந்நிலையில் கடந்த சில தினங்களுக்கு இர்ஃபான் கதீஜாவின் 7 ஆம் வகுப்பு படிக்கும் மகளை ஆசை வார்த்தை கூறி ஏலகிரி அழைத்துச் சென்றிருக்கிறார்.
பின்னர் அங்கு சிறுமியை பாலியல் வன்கொடுமை செய்து வீட்டிற்கு அழைத்துவந்து விட்ட நிலையில் ஐகானை அறிந்த சிறுமியின் தந்தை இது குறித்து காவல் நிலையத்தில் புகாரளித்தார். தகவல் அறிந்து சம்பவ இடத்திற்கு வந்த போலீசார் சிறுமியிடம் விசாரணை மேற்கொண்டதில் இந்த சம்பவத்திற்கு சிறுமியின் தாயும் உடந்தையாக இருந்தது தெரிவந்ததது. இதனை தொடர்ந்து சிறுமியின் தாய் மற்றும் ஆட்டோ ஓட்டுநர் இர்ஃபான் ஆகிய இருவரையும் போலீசார் கைது செய்தனர்.
இதனை தொடர்ந்து இருவர் மீதும் போக்சோ வழக்கு பதிவு செய்து நீதிமன்றத்தில் ஆஜர்படுத்தி வேலூர் மத்திய சிறையில் அடைத்தனர். தாயின் கள்ளக்காதலன் மகளை அழைத்து சென்று பாலியல் வன்கொடுமை செய்ததும் அதற்கு பெண் உடந்தையாக இருந்ததும் அப்பகுதி மக்களிடையே பரபரப்பை ஏற்படுத்தியுள்ளது. மேலும் தற்போது குழந்தைகள் அவர்களது தந்தையின் அரவணைப்பில் வாழ்ந்து வருவதாக சொல்லப்படுகிறது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
