.png)
கிரெடிட் கார்டு என்பது ஒரு கையில் கத்தி போன்றது. சரியாகப் பயன்படுத்தினால் அது ஒரு வரப்பிரசாதம், தவறாகப் பயன்படுத்தினால் உங்களைக் கடனாளியாக மாற்றிவிடும். கிரெடிட் கார்டு வைத்திருப்பவர்கள் செய்யும் முதல் பெரிய தவறு, 'மினிமம் டியூ' (Minimum Due) மட்டும் கட்டுவது. முழுத் தொகையையும் கட்டாமல் அந்தச் சிறிய தொகையை மட்டும் கட்டினால், மீதமுள்ள பணத்திற்கு வட்டிக்கு மேல் வட்டி குவியும். இது ஒரு பெரிய சுழலில் உங்களை மாட்டிவிடும். எப்போதும் பில்லில் உள்ள முழுத் தொகையையும் (Total Due) கட்டப் பழகுங்கள்.
இரண்டாவது தவறு, கிரெடிட் கார்டைப் பயன்படுத்தி ஏடிஎம்-மில் பணம் எடுப்பது. கிரெடிட் கார்டில் இருந்து ரொக்கப் பணம் எடுத்தால், எடுத்த நிமிடத்திலிருந்தே மிகக் கடுமையான வட்டி விதிக்கப்படும். இது மற்ற செலவுகளை விடப் பல மடங்கு அதிகம். எனவே, எவ்வளவு அவசரமாக இருந்தாலும் கிரெடிட் கார்டைப் பயன்படுத்தி ஏடிஎம்-மில் பணம் எடுப்பதைத் தவிருங்கள். அதற்குப் பதிலாக உங்கள் டெபிட் கார்டைப் பயன்படுத்துங்கள்.
மூன்றாவது தவறு, உங்கள் கிரெடிட் லிமிட் (Credit Limit) முழுவதையும் பயன்படுத்துவது. உங்களுக்கு 1 லட்சம் லிமிட் இருக்கிறது என்றால், அதில் 30 சதவீதத்திற்கு மேல் செலவு செய்யாமல் இருப்பது உங்கள் சிபில் ஸ்கோருக்கு (CIBIL Score) நல்லது. நீங்கள் முழுவதையும் பயன்படுத்தினால், நீங்கள் ஒரு கடனுக்குத் தவிப்பவர் போன்ற பிம்பத்தை வங்கிகள் மத்தியில் ஏற்படுத்தும். இதனால் எதிர்காலத்தில் உங்களுக்கு ஹோம் லோன் அல்லது கார் லோன் கிடைப்பதில் சிக்கல் ஏற்படும்.
கிரெடிட் கார்டை ஒரு கடனாகப் பார்க்காமல், ஒரு வசதியாகப் பாருங்கள். கையில் பணம் இருக்கும்போது மட்டும் கார்டைப் பயன்படுத்துங்கள், மாதம் இறுதியில் பில்லைச் சரியாகக் கட்டிவிடுங்கள். இப்படிச் செய்தால் உங்களுக்கு ரிவார்டு பாயிண்டுகள் கிடைக்கும், மேலும் அவசர காலங்களில் இது ஒரு நல்ல உதவியாக இருக்கும்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
