.png)
BSA மோட்டார்சைக்கிள்ஸ், தங்களது புகழ்பெற்ற கோல்ட் ஸ்டார் 650 (Gold Star 650) பைக்கை வாங்கும் முதல் 500 வாடிக்கையாளர்களுக்கு, நவராத்திரி சிறப்புச் சலுகையை அறிவித்துள்ளது.
இந்தச் சலுகையின் கீழ், கோல்ட் ஸ்டார் பைக் பழைய GST விலையிலேயே கிடைக்கும். அண்மையில், 350cc-க்கு மேல் உள்ள மோட்டார்சைக்கிள்களுக்கான GST வரி 28 சதவீதத்திலிருந்து 40 சதவீதமாக உயர்த்தப்பட்டது. ஆனால், BSA நிறுவனம் தனது கோல்ட் ஸ்டார் பைக்கிற்குப் பழைய விலையையே தொடர்வது குறிப்பிடத்தக்கது.
மேலும், இந்தச் சலுகை காலத்தில் வாங்குபவர்களுக்கு, ரூ. 5,900 மதிப்புள்ள ஒரு சிறப்பு 'கோல்டி கிட்' இலவசமாக வழங்கப்படுகிறது. இந்தக் கிட்டில், உயரமான டூரிங் விண்ட்ஸ்கிரீன், பின் இருக்கை பேக்ரெஸ்ட், மெட்டல் எக்சாஸ்ட் ஷீல்டு மற்றும் ரியர் ரெயில் ஆகியவை அடங்கும். இவை பைக்கின் தோற்றத்தையும், பயன்பாட்டையும் மேம்படுத்தும்.
கோல்ட் ஸ்டார் 650 - பழைய ஜிஎஸ்டி விலைகள் (எக்ஸ்-ஷோரூம்)
BSA Gold Star Highland Green - ரூ. 3,09,990
BSA Gold Star Insignia Red - ரூ. 3,09,990
BSA Shadow Black - ரூ. 3,25,990
BSA Midnight Black - ரூ. 3,21,990
BSA Dawn Silver - ரூ. 3,21,990
BSA Legacy Sheen Silver - ரூ. 3,44,990
பைக்கின் சிறப்பம்சங்கள்
கோல்ட் ஸ்டார் 650 பைக்கில் 652cc லிக்யூட்-கூல்டு சிங்கிள்-சிலிண்டர் DOHC என்ஜின் உள்ளது. இது, 45 hp சக்தியையும், 55 Nm டார்க்கையும் உருவாக்குகிறது. இதில் 5-ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச், டூயல்-சேனல் ABS மற்றும் டெலஸ்கோபிக் ஃபோர்க்ஸ் கொண்ட டபுள்-க்ரேடில் சேசிஸ் ஆகியவை உள்ளன. மேலும், சிறந்த டிஸ்க் பிரேக்குகள், அகலமான டயர்கள் மற்றும் சமநிலையான சஸ்பென்ஷன் ஆகியவை நீண்ட தூரப் பயணத்திற்கு வசதியையும், பாதுகாப்பையும் உறுதி செய்கின்றன.
கோல்ட் ஸ்டார் பைக்கின் முன்பதிவு ரூ. 3.09 லட்சம் முதல் தொடங்குகிறது. வாங்குபவர்கள் 5.99% வட்டி விகிதம், ஜீரோ டவுன் பேமெண்ட் மற்றும் 6 ஆண்டுகள் வரை கடன் தவணை போன்ற நிதிச் சலுகைகளையும் பெறலாம்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
