தொடர்ந்து இருமல், தலைவலி வருதா? ஏசி இப்படி கூட உங்க ஆரோக்கியத்தை பாதிக்கலாம்!

கோடை வெயிலில் ஏசி (குளிர்சாதனம்) இல்லாம வாழ்க்கையை நினைச்சு பார்க்க முடியாது. ஆனா, இந்த ஏசி உங்க ஆரோக்கியத்துக்கு ஒரு மறைமுக ஆபத்தா மாறலாம்னு தெரியுமா? சமீபத்திய ஆராய்ச்சியும், மருத்துவர்கள் கவனிப்பும் சொல்றது, ஏசி காரணமா தொடர் இருமல், தலைவலி, ஆஸ்துமா மாதிரியான பிரச்னைகள் வரலாம்னு. குறிப்பா, ஏசியில் பூஞ்சை (mould) உருவாகி, நுரையீரல் பிரச்னைகளை உண்டாக்குதாம். என்னலே சொல்றீய!!

ஏசி எப்படி ஆரோக்கியத்தை பாதிக்குது?

ஏசி, சூடான, ஈரப்பதமான சூழல்ல பூஞ்சை உருவாகறதுக்கு சரியான இடமா மாறுது. ஏசி யூனிட்டுக்குள்ள நீர் தேங்கி, வடிகட்டிகள் (filters), குழாய்கள் (ducts), குளிரூட்டிகள் (coils) இவைகளில் பூஞ்சை வளருது. இந்த பூஞ்சை, ஏசி இயங்கும்போது காற்றில் பரவி, நாம சுவாசிக்கும்போது உடலுக்குள்ள போகுது. இதனால, பல ஆரோக்கிய பிரச்னைகள் வருது:

தொடர் இருமல் மற்றும் மூச்சுத்திணறல்: ஆஸ்துமா, COPD (நாட்பட்ட நுரையீரல் நோய்), புராங்கைடிஸ் மாதிரியான பிரச்னைகள் உள்ளவங்களுக்கு, பூஞ்சை தூசு (spores) நுரையீரலை எரிச்சலடைய வைக்குது. இதனால, இருமல், மூச்சு விட சிரமம், மார்பு இறுக்கம் வருது.

தலைவலி மற்றும் சோர்வு: பூஞ்சை தூசு உடலில் உள்ளவங்களுக்கு தலைவலி, சோர்வு, குமட்டல் மாதிரியான பிரச்னைகள் வரலாம். குறிப்பா, கருப்பு பூஞ்சை (black mould) மாதிரியானவை நரம்பு மண்டலத்தையும் பாதிக்கலாம்.

ஒவ்வாமை மற்றும் தோல் பிரச்னைகள்: ஏசி காற்று, தூசி, மகரந்தம் (pollen), பூஞ்சை தூசு ஆகியவற்றை பரப்பி, ஒவ்வாமை, தோல் எரிச்சல், கண் எரிச்சல் உண்டாக்குது.

நீண்டகால பாதிப்புகள்: தொடர்ந்து பூஞ்சை தூசு சுவாசிக்கறது, நுரையீரல் அழற்சி (hypersensitivity pneumonitis) அல்லது தொற்று நோய்களை உண்டாக்கலாம்.

ஒரு ஆய்வு சொல்றது, ஏசி யூனிட்டை அல்ட்ராவைலட் ஒளி (UV light) கொண்டு சுத்தம் செய்யும்போது, அலுவலகங்களில் ஒவ்வாமை பிரச்னைகள் குறைஞ்சதுனு.

யாருக்கு ஆபத்து அதிகம்?

ஏசி காரணமான பிரச்னைகள் எல்லாருக்கும் வராது, ஆனா சிலருக்கு ஆபத்து அதிகம்:

நுரையீரல் பிரச்னை உள்ளவங்க: ஆஸ்துமா, COPD, புராங்கைடிஸ் உள்ளவங்களுக்கு பூஞ்சை தூசு கடுமையான அறிகுறிகளை உண்டாக்குது, மருத்துவமனை சிகிச்சை வரை தேவைப்படலாம்.

நோய் எதிர்ப்பு குறைவு உள்ளவங்க: நீரிழிவு, HIV, மாற்று அறுவை சிகிச்சை செஞ்சவங்க, கீமோதெரபி எடுக்குறவங்களுக்கு தொற்று ஆபத்து அதிகம்.

முதியவர்கள் மற்றும் குழந்தைகள்: இவர்களோட உடல், ஏசி காற்றில் உள்ள ஒவ்வாமை தூண்டிகளுக்கு எளிதா பாதிக்கப்படுது.

எலும்பு பிரச்னை உள்ளவங்க: ஏசி குளிர், fibromyalgia, ஆர்த்ரைடிஸ் உள்ளவங்களுக்கு தசை விறைப்பு, மூட்டு வலியை அதிகரிக்கலாம்.

எப்படி தடுக்கலாம்?

ஏசி காரணமான ஆரோக்கிய பிரச்னைகளை தவிர்க்க, இந்த எளிய வழிமுறைகளை பின்பற்றலாம்:

ஏசி யூனிட்டை 6 மாசத்துக்கு ஒரு முறை அல்லது வருஷத்துக்கு ஒரு முறை தொழில்முறையாக சுத்தம் செய்யணும். வடிகட்டிகள், குழாய்கள், குளிரூட்டிகளை சுத்தமா வைக்கணும். ஏசி அறையில் ஈரப்பதம் அதிகமா இருக்க கூடாது. டீஹ்யூமிடிஃபையர் பயன்படுத்தி, ஈரப்பதத்தை 50%க்கு கீழே வைக்கலாம்.

ஏசியை 24-26°C இல் வைக்கறது சிறந்தது. ரொம்ப குளிர்ச்சியா இருந்தா, தசை விறைப்பு, தலைவலி வரலாம். மேலும், அவ்வப்போது ஜன்னல், கதவுகளை திறந்து, வெளிக்காற்று உள்ளே வர விடணும். இது பூஞ்சை, ஒவ்வாமை தூண்டிகளை குறைக்கும்.

மிக மிக முக்கியமா இரவு முழுக்க ஏசி இயக்காம, 2-3 மணி நேரம் மட்டும் பயன்படுத்தி, மீதி நேரம் ஃபேனை உபயோகிக்கலாம்.

அறிகுறிகள் இருந்தா என்ன செய்யணும்?

தொடர் இருமல், மூச்சுத்திணறல்: இது ஆஸ்துமா, ஒவ்வாமையோட அறிகுறியாக இருக்கலாம். மருத்துவரை அணுகி, ஏசியை சுத்தம் செய்யணும்.

தலைவலி, சோர்வு: தொடர்ந்து தலைவலி, குமட்டல், சோர்வு இருந்தா, ஏசி காற்று தரத்தை சரிபார்க்கணும்.

ஒவ்வாமை அறிகுறிகள்: மூக்கு ஒழுகுதல், கண் எரிச்சல், தோல் எரிச்சல் இருந்தா, ஒவ்வாமை மருந்துகள் (antihistamines) எடுத்து, மருத்துவரை பார்க்கணும்.

மருத்துவர், MRI, CT ஸ்கேன் மாதிரியான பரிசோதனைகளை பரிந்துரைக்கலாம், குறிப்பா தலைவலி தொடர்ந்து இருந்தா. இது பூஞ்சை தவிர, Chiari malformation மாதிரியான மூளை பிரச்னைகளாலயும் இருக்கலாம்னு ஆய்வுகள் சொல்றது.

வீட்டு வைத்தியம்

ஏசி காரணமான இருமல், தலைவலியை குறைக்க சில எளிய வீட்டு வைத்தியங்கள்:

ஒரு டீஸ்பூன் தேனில், இஞ்சி சாறு கலந்து குடிச்சா, இருமல், தொண்டை வலி குறையும். அதுபோல், ஒரு பாத்திரத்தில் சூடான தண்ணீரில், யூகலிப்டஸ் எண்ணெய் சேர்த்து நீராவி பிடிக்கலாம். இது மூக்கு அடைப்பு, இருமலை குறைக்கும். மேலும், ஒரு கிளாஸ் வெந்நீரில் ஒரு டீஸ்பூன் உப்பு கலந்து கொப்பளிச்சா, தொண்டை வலி, இருமல் குறையும்.

இனி ஏசி பயன்படுத்தும்போது, ஆரோக்கியத்தையும் கவனிச்சு, பாதுகாப்பா இருங்க.. குறிப்பா ஃபேன், ஏசி இரண்டையும் ஒரே நேரத்தில் பயன்படுத்தாதீங்க. தோல் ரொம்ப வறண்டு போயிடும்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.