.png)
இன்றைய மாசு கலந்த சூழல் மற்றும் மன அழுத்தம் காரணமாகச் சிறியவர்கள் முதல் பெரியவர்கள் வரை அனைவரும் சந்திக்கும் ஒரு பெரிய பிரச்சனை முடி உதிர்தல். பரம்பரைத் தன்மை ஒரு காரணமாக இருந்தாலும், முறையான பராமரிப்பு இல்லாததே பலருக்கு முடி கொட்டுவதற்குக் காரணமாகிறது. முடி வளர்ச்சிக்குத் தேவையான இரும்புச் சத்து மற்றும் புரோட்டீன் நிறைந்த உணவுகளை அதிகமாகச் சேர்த்துக் கொள்ள வேண்டும். குறிப்பாகக் கருவேப்பிலை, நெல்லிக்காய் மற்றும் முருங்கைக்காய் ஆகியவற்றை அடிக்கடி உணவில் சேர்த்துக் கொள்வது வேர்க்கால்களை வலுப்படுத்தும்.
வீட்டிலேயே சுத்தமான தேங்காய் எண்ணெயுடன் மருதாணி இலைகள், செம்பருத்திப் பூக்கள், சிறிய வெங்காயம் மற்றும் வெந்தயம் ஆகியவற்றைச் சேர்த்து நன்றாகக் காய்ச்சிப் பயன்படுத்துவது மிகச்சிறந்த பலனைத் தரும். வாரம் ஒருமுறை தயிர் அல்லது முட்டையின் வெள்ளைக்கருவை தலைமுடிக்கு 'ஹேர் பேக்' போலப் பயன்படுத்தினால் முடி மென்மையாகவும் பளபளப்பாகவும் மாறும். ரசாயனங்கள் கலந்த ஷாம்புகளைத் தவிர்த்துவிட்டுச் சீயக்காய் அல்லது கடுக்காய் பொடியைப் பயன்படுத்துவது நல்லது. தலைமுடிக்குச் சூடான தண்ணீரைப் பயன்படுத்துவதைத் தவிர்த்து, குளிர்ந்த அல்லது மிதமான தண்ணீரைப் பயன்படுத்த வேண்டும்.
தலைக்குக் குளித்த பிறகு ஈரமாக இருக்கும்போதே சீவுவதைத் தவிர்க்க வேண்டும், இது முடியின் வேர்களைப் பலவீனமாக்கும். தலைமுடியை அடிக்கடி 'டிரையர்' (Hair Dryer) கொண்டு உலர்த்துவதும் முடியின் ஈரப்பதத்தைப் போக்கிவிடும். தினமும் தலைக்கு மசாஜ் செய்வது இரத்த ஓட்டத்தை அதிகரித்து முடி வளர்ச்சியைத் தூண்டும். மன அழுத்தம் மற்றும் தூக்கமின்மை கூட முடி உதிர்வுக்கு முக்கியக் காரணங்கள், எனவே மனதை அமைதியாக வைத்திருப்பது அவசியம். இயற்கையான முறைகளைப் பின்பற்றிப் பொறுமையுடன் கவனித்து வந்தால், இழந்த முடியைத் திரும்பப் பெறுவதோடு ஆரோக்கியமான கூந்தலையும் பெறலாம்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
