ஹோட்டல் ஸ்டைலையெல்லாம் ஓரம் கட்டுங்க.. நாவூறும் கிராமத்து ஆட்டுக்கறி குழம்பு இனி உங்க வீட்டிலயும் ரெடி!

ஆட்டுக்கறி குழம்பு என்றாலே அது ஒரு தனி ருசிதான். ஞாயிற்றுக்கிழமை ஆனா போதும், வீடே மணக்குற மாதிரி ஒரு குழம்பு வைக்கணும்னு எல்லாருக்கும் ஆசை இருக்கும். ஆனா நிறைய பேரு ஹோட்டல்ல கிடைக்கிற மாதிரி ருசி வரலையேன்னு கவலைப்படுவாங்க. உண்மைய சொல்லப்போனா, நாம கடைகள்ல வாங்குற மசாலாக்களை விட, வீட்ல இருக்குற பொருட்களை வச்சு நாமளே அரைச்சு செய்யுற குழம்புக்கு இருக்கிற டேஸ்ட்டே தனி. இந்த கிராமத்து முறையில செய்யுற ஆட்டுக்கறி குழம்புக்கு முக்கியமே அந்த மசாலா அரைக்கிறதுதான். முதல்ல நல்ல இள ஆட்டுக்கறியா பார்த்து ஒரு அரை கிலோ வாங்கிக்கணும். கறியை நல்லா கழுவி சுத்தம் பண்ணி எடுத்து வச்சுக்கிட்டு, அதுல கொஞ்சமா தயிர், மஞ்சள் தூள், அப்புறம் இஞ்சி பூண்டு விழுது சேர்த்து ஒரு அரை மணி நேரம் ஊற வச்சீங்கன்னா, கறி நல்லா சாஃப்டா பஞ்சு போல வெந்து வரும்.

அடுத்து நாம மசாலா ரெடி பண்ணணும். ஒரு வடைச்சட்டியில கொஞ்சமா எண்ணெய் ஊத்தி, அதுல வரமல்லி, காஞ்ச மிளகாய், சோம்பு, சீரகம், மிளகு, அப்புறம் பட்டை, கிராம்பு, ஏலக்காய் இதையெல்லாம் போட்டு மெதுவான தீயில வறுக்கணும். மசாலா கருகிடாம பொன்னிறமா வர்றப்போ, அதுல ஒரு கைப்பிடி அளவு துருவின தேங்காயையும் போட்டு வதக்கிட்டு, நல்லா ஆற வச்சு மிக்ஸியில நைஸா அரைச்சு எடுத்துக்கணும். இந்த மசாலா வாசனையே அந்தப் பகுதியில இருக்கிற எல்லாருக்கும் பசியைத் தூண்டிடும். இப்போ ஒரு குக்கர்ல நல்லெண்ணெய் ஊத்திக்கோங்க. அசைவ சமையலுக்கு எப்பவுமே நல்லெண்ணெய் தான் பெஸ்ட். எண்ணெய் காஞ்சதும் கடுகு, கருவேப்பிலை போட்டு தாளிச்சிட்டு, சின்ன வெங்காயத்தை தாராளமா சேர்த்துக்கணும். பெரிய வெங்காயத்தை விட சின்ன வெங்காயம் தான் குழம்புக்கு ஒரு இனிப்பான சுவையைக் கொடுக்கும்.

வெங்காயம் நல்லா வதங்குனதுக்கு அப்புறம், ரெண்டு தக்காளி பழத்தை நறுக்கிப் போட்டு வதக்கணும். தக்காளி நல்லா குழைஞ்சு வர்றப்போ, நாம ஊற வச்சிருக்கிற ஆட்டுக்கறியைத் தூக்கி அதுல போட்டு, கறி நிறம் மாறுற வரைக்கும் நல்லா கிளறி விடணும். இப்போ நாம அரைச்சு வச்சிருக்கிற அந்த மசாலா விழுதை அதுல சேர்த்து, தேவையான அளவு உப்பு போட்டு, கறி வேகுறதுக்குத் தேவையான தண்ணி ஊத்தி குக்கரை மூடிடணும். கறி இளசா இருந்தா ஒரு நாலு அஞ்சு விசில் போதும். கறி வெந்ததும் குக்கரைத் திறந்து பார்த்தா, மேல எண்ணெய் பிரிஞ்சு வந்து கமகமன்னு வாசனையா இருக்கும். கடைசியா மேல கொஞ்சம் கொத்தமல்லி தழையைத் தூவி இறக்கினா, சுடச்சுட சாதம், இட்லி, தோசைக்கு ஏத்த அருமையான கிராமத்து ஆட்டுக்கறி குழம்பு தயார்.

இந்தக் குழம்புல நாம சேர்த்திருக்கிற மிளகும், சீரகமும் கறி சீக்கிரம் செரிமானம் ஆகுறதுக்கு ரொம்ப உதவியா இருக்கும். குழம்பு ரொம்ப தண்ணியா இல்லாம கொஞ்சம் கெட்டியா வச்சீங்கன்னா, அதோட ருசி இன்னும் கூடும். மதிய நேரத்துல சூடான சாதத்துல இந்தக் குழம்பை ஊத்தி, ஒரு துண்டு கறியை எடுத்து வச்சு சாப்பிட்டுப் பாருங்க, அப்புறம் ஹோட்டல் பக்கமே போக மாட்டீங்க. அந்த அளவுக்கு இதோட ருசி உங்க நாக்குல நிக்கும். ஊர்ல இருக்குற பெரியவங்க செய்யுற அதே பக்குவத்துல இது இருக்கும். அடுத்த முறை உங்க வீட்ல கறி எடுக்கும்போது இதே மாதிரி ஒரு தடவை செஞ்சு பாருங்க!

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.