வாட்ஸ்அப் விளம்பரங்கள்: புதிய மாற்றங்களும் அதன் தாக்கமும்

இந்தியாவில் மட்டும் 500 மில்லியனுக்கும் மேலான பயனர்கள் வாட்ஸ்அப் பயன்படுத்துறாங்க. இது எப்பவும் இலவசமா, விளம்பரங்கள் இல்லாம இருந்தது பயனர்களுக்கு பெரிய பிளஸ் பாயிண்ட். ஆனா, இப்போ மெட்டா நிறுவனம் வாட்ஸ்அப்பில் விளம்பரங்களை அறிமுகப்படுத்தப் போறதா அறிவிச்சிருக்கு.

வாட்ஸ்அப்பின் வரலாறும் விளம்பரமற்ற கொள்கையும்

வாட்ஸ்அப் 2009-ல ஜான் கோம் மற்றும் பிரையன் ஆக்டனால் உருவாக்கப்பட்டது. ஆரம்பத்தில் இது ஒரு வருடத்துக்கு $1 கட்டணம் வசூலிக்குற மாதிரி இருந்தது. 2014-ல மெட்டா (அப்போ பேஸ்புக்) இதை 19 பில்லியன் டாலருக்கு வாங்கிச்சு. அப்போ, வாட்ஸ்அப் மற்றும் மெட்டா இரண்டுமே விளம்பரங்கள் இல்லாம, பயனர் தரவு வணிக நோக்கத்துக்கு பயன்படுத்தப்படாதுன்னு உறுதியளிச்சாங்க.

2016-ல கட்டண முறையை நிறுத்தி, வாட்ஸ்அப்பை முழுக்க இலவசமாக்கினாங்க. இது பயனர்களுக்கு மகிழ்ச்சியை கொடுத்தாலும், மெட்டாவுக்கு வாட்ஸ்அப்பிலிருந்து வருமானம் குறைவாகவே இருந்தது. மெட்டாவோட மொத்த வருமானத்தில் வாட்ஸ்அப் 1% மட்டுமே பங்களிக்குது, அதாவது வருடத்துக்கு சுமார் 1.3 பில்லியன் டாலர்.

ஆனா, மெட்டாவோட முக்கிய வருமானம் விளம்பரங்கள்தான். பேஸ்புக், இன்ஸ்டாகிராம் மாதிரி வாட்ஸ்அப்பிலும் விளம்பரங்களை கொண்டு வரணும்னு மெட்டா நீண்ட காலமா திட்டமிடுது. 2018-ல வாட்ஸ்அப் நிறுவனர்கள் இந்த விளம்பரத் திட்டத்துக்கு எதிர்ப்பு தெரிவிச்சு நிறுவனத்தை விட்டு வெளியேறினாங்க. இப்போ, 2025-ல வாட்ஸ்அப் அதோட “அப்டேட்ஸ்” டேப்ல விளம்பரங்களை அறிமுகப்படுத்தப் போறதா அறிவிச்சிருக்கு.

வாட்ஸ்அப்பில் விளம்பரங்கள்: எப்படி இருக்கும்?

வாட்ஸ்அப்போட “அப்டேட்ஸ்” டேப்ல, ஸ்டேட்டஸ் மற்றும் சேனல்களுக்கு இடையே விளம்பரங்கள் காட்டப்படும். இது இன்ஸ்டாகிராம்ல ஸ்டோரி பகுதியில் வர்ற விளம்பரங்களைப் போல இருக்கும். தனிப்பட்ட சாட்கள், குழு சாட்கள், அழைப்புகள் ஆகியவற்றில் விளம்பரங்கள் வராது. இந்த விளம்பரங்கள் மெட்டாவோட தொழில்நுட்பத்தைப் பயன்படுத்தி, பயனர்களோட இருப்பிடம், மொழி அமைப்புகள் ஆகியவற்றின் அடிப்படையில் காட்டப்படும். ஆனா, தனிப்பட்ட மெசேஜ்கள், அழைப்புகள், ஸ்டேட்டஸ்கள் ஆகியவை எண்ட்-டு-எண்ட் என்க்ரிப்டட் ஆக இருப்பதால, இவற்றை விளம்பரங்களுக்கு பயன்படுத்த முடியாதுன்னு மெட்டா உறுதியளிக்குது.

கூடுதலா, வாட்ஸ்அப் சேனல்களை பணமாக்கும் வகையில், சேனல் நிர்வாகிகள் கட்டண சந்தா முறையை அறிமுகப்படுத்தலாம். இது Content Creators-களுக்கு புதிய வருமான வாய்ப்பை உருவாக்கும். “அப்டேட்ஸ்” டேப் ஒரு தன்னார்வ அனுபவமா இருக்குறதால, பயனர்கள் இதை பயன்படுத்தாம இருக்கவும் முடியும்னு வாட்ஸ்அப் தயாரிப்பு துணைத் தலைவர் ஆலிஸ் நியூட்டன்-ரெக்ஸ் கூறியிருக்காங்க.

வாட்ஸ்அப்பின் வருமான மாதிரி

வாட்ஸ்அப்போட தற்போதைய வருமானம் பெரும்பாலும் வாட்ஸ்அப் பிசினஸ் ஆப்ஸ் மூலமும், வாட்ஸ்அப் பே மூலமும் வருது. வாட்ஸ்அப் பே இந்தியா, பிரேசில், சிங்கப்பூர் மாதிரி சில நாடுகளில் மட்டுமே பெரிய அளவில் அறிமுகப்படுத்தப்பட்டிருக்கு.

இந்தியாவில் 2025 ஆரம்பத்தில் NPCI 100 மில்லியன் பயனர் வரம்பை நீக்கி, 500 மில்லியன் பயனர்களுக்கு வாட்ஸ்அப் பேவை அணுக அனுமதி கொடுத்திருக்கு. ஆனா, வாட்ஸ்அப்போட வருமானம் மெட்டாவோட மொத்த வருமானத்தோட ஒப்பிடும்போது மிகவும் குறைவு. இதனால, விளம்பரங்கள் மூலமா வருமானத்தை அதிகரிக்க மெட்டா முடிவு செஞ்சிருக்கு.

விளம்பரங்களோட அறிமுகம் பயனர்கள் அனுபவத்தை எப்படி பாதிக்கும்னு பல கேள்விகள் எழுந்திருக்கு:

பயனர் அனுபவம்: விளம்பரங்கள் “அப்டேட்ஸ்” டேப்ல மட்டும் வர்றதால, தனிப்பட்ட சாட்கள் பாதிக்கப்படாது. ஆனாலும், விளம்பரமற்ற அனுபவத்துக்கு பழகின பயனர்களுக்கு இது எரிச்சலூட்டலாம். 2023-ல வாட்ஸ்அப் விளம்பரங்களை ஆராய்ந்தபோது, இது பயனர்களுக்கு பிடிக்காம போகலாம்னு ஆய்வாளர்கள் எச்சரிச்சாங்க.

பிரைவசி கவலைகள்: வாட்ஸ்அப் எண்ட்-டு-எண்ட் என்க்ரிப்ஷனை உறுதி செய்யுது, ஆனா பயனர் நடத்தை தொடர்பான மெட்டாடேட்டாவை சேகரிக்குது. இது விளம்பரங்களுக்கு மறைமுகமா பயன்படுத்தப்படலாம்னு கவலைகள் இருக்கு. 2021-ல வாட்ஸ்அப் புதிய தனியுரிமை கொள்கையை அறிமுகப்படுத்தியபோது, பயனர் தரவு பகிர்வு தொடர்பான சர்ச்சைகள் எழுந்தன.

வாட்ஸ்அப்பில் விளம்பரங்களோட அறிமுகம் இந்த ஆப்ஸோட வரலாற்றில் ஒரு முக்கியமான திருப்புமுனை. இது மெட்டாவுக்கு புதிய வருமான வழியை உருவாக்கினாலும், பயனர்களோட அனுபவத்தையும், தனியுரிமையையும் பாதிக்கலாம். “அப்டேட்ஸ்” டேப்ல மட்டும் விளம்பரங்கள் வர்றதால, தனிப்பட்ட சாட்கள் பாதுகாப்பா இருக்கும்னு மெட்டா உறுதியளிக்குது. ஆனாலும், இந்த மாற்றம் இந்தியா மாதிரியான பெரிய சந்தைகளில் எப்படி ஏற்கப்படுதுன்னு பொறுத்திருந்து பார்க்கணும்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.