.png)
நாம வாழ்ற இந்த அண்டத்துல இருக்கிற மர்மமான விஷயங்களில் ஒன்றுதான், இந்த விண்வெளி வெற்றிடங்கள் (Cosmic Voids). இந்த வெற்றிடங்கள் எவ்வளவு பெரியதுன்னா, ஒருவேளை நம்ம பூமியை மொத்தமா யாராவது காணாமல் போக வச்சிட்டா, இந்த வெற்றிடங்களுக்குள்ள போய் ஒளிஞ்சுக்கலாம். அங்க போனா, பூமியை அண்டத்தில் இருக்கும் வேற எந்த கிரகத்தாலயோ, விண்மீன் மண்டலத்தாலயோ கண்டுபிடிக்கவே முடியாது. ஏன் அப்படின்னு பார்ப்போம்.
விண்வெளியில் வெற்றிடங்கள்
நம்ம எல்லாருக்கும் என்ன தெரியும்னா, விண்வெளியில விண்மீன் மண்டலங்கள், கோள்கள், நட்சத்திரங்கள்னு எல்லாமே நிறைஞ்சுதான் இருக்குன்னு. ஆனா, உண்மை அது இல்லை. இந்த அண்டம் முழுக்க எல்லா இடத்திலும் ஒரே மாதிரி விண்மீன் மண்டலங்கள் இல்லை. இந்த அண்டத்துல, பெரிய பெரிய விண்மீன் மண்டலங்கள் கூட்டமா இருக்குற "வலைப்பின்னல்கள்" (Cosmic Web) இருக்கு. இந்த வலைப்பின்னல்களுக்கு நடுவுல, எந்த ஒரு நட்சத்திரமும், கோளும், வாயுக்களும், ஏன் இருண்ட பொருட்களும் (Dark Matter) கூட ரொம்ப ரொம்ப கம்மியா இருக்கிற வெற்றிடப் பகுதிகள் இருக்கு.
இந்த விண்வெளி வெற்றிடங்கள்தான் அண்டத்தில் இருக்கிற ரொம்ப விசித்திரமான, மர்மமான பகுதிகள். இந்த வெற்றிடங்கள் எவ்வளவு பெரியதுன்னு சொன்னா ஆச்சரியப்படுவீங்க. ஒரு வெற்றிடத்தோட அளவு, பல நூறு மில்லியன் ஒளி ஆண்டுகள் நீளம் இருக்கும். அதாவது, ஒரு இடத்துல இருந்து இன்னொரு இடத்துக்கு ஒளி போறதுக்கே பல கோடி வருஷம் ஆகும்.
ஏன் கண்டுபிடிக்க முடியாது?
ஒரு விண்மீன் மண்டலத்தில்தான் நிறைய நட்சத்திரங்கள் இருக்கும். அங்கிருந்து வர்ற வெளிச்சத்தை வச்சுதான் மத்த விண்மீன் மண்டலங்களை நம்ம கண்டுபிடிக்கிறோம். ஆனா, இந்த விண்வெளி வெற்றிடங்களுக்குள்ள எந்த வெளிச்சமும், நட்சத்திரமும், கோளும் கிடையாது. இந்த வெற்றிடங்கள் கிட்டத்தட்ட ஒரு பெரிய இருண்ட குமிழி மாதிரி இருக்கும்.
ஒருவேளை பூமி திடீர்னு இந்த வெற்றிடத்துக்குள்ள போச்சுன்னு வச்சுக்கோங்க. அண்டத்தில் இருந்து பார்க்கிற எந்த ஒரு விண்வெளி ஆராய்ச்சி கருவிக்கும் (Telescope) இந்த வெற்றிடத்துக்குள்ள பூமி இருக்கிறதே தெரியாது. ஏன்னா, அங்கிருந்து எந்த ஒரு வெளிச்சமும் வராது. இது அவ்வளவு பெரிய இடம். இந்த வெற்றிடத்துல இருக்குற பொருட்கள் அண்டத்தோட சராசரி அடர்த்தியை (Average Density) விட, பல்லாயிரம் மடங்கு கம்மியா இருக்கும். அதனால, இவ்வளவு பெரிய வெற்றிடத்துக்குள்ள நம்ம பூமியை தேடிக் கண்டுபிடிக்கிறது என்பது கிட்டத்தட்ட கடவுளால் கூட முடியாத ஒரு வேலைதான்.
இந்த வெற்றிடங்கள் எப்படி உருவாச்சு?
இந்த விண்வெளி வெற்றிடங்கள் எப்படி உருவாச்சுன்னு விஞ்ஞானிகள் இன்னும் தெளிவா கண்டுபிடிக்கலை. ஆனா, ஆரம்பத்துல அண்டம் பெருசாகும் போது, ஈர்ப்பு விசை காரணமாக எல்லா பொருட்களும் ஓரிடத்தில் சேர்ந்து விண்மீன் மண்டலங்களை உருவாக்கினதாகவும், அப்படி சேரும்போது, பொருட்கள் இல்லாத பகுதிகள் எல்லாம் இப்படி வெற்றிடமா மாறினதாகவும் ஒரு தியரி சொல்லுது. இந்த வெற்றிடங்கள் அண்டத்தோட மிகப் பெரிய ரகசியங்களில் ஒன்றாகவே இன்றும் இருக்கு.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
