பயம் காட்டும் டெல்டா பிளஸ்... நாளை முதல் புனேவில் புதிய கட்டுப்பாடுகள்...

டெல்டா பிளஸ் தொற்று பரவல் காரணமாக, புனேவில் புதிய கட்டுப்பாடுகள் நாளை முதல் அமலுக்கு வரும் என மாநகராட்சி ஆணையர் அறிவித்து உள்ளார்.

Published on:

26 Jun 2021, 10:32 pm

Updated on:

26 Jun 2021, 10:32 pm

1 min read

மகாராஷ்டிரா மாநிலம் புனேயில் கொரோனாவின் 2-வது அலை தாக்கம் குறைந்து வரும் நிலையில், கடந்த சில தினங்களாக டெல்டா பிளஸ் என்ற உருமாறிய கொரோனா வைரஸ் அச்சுறுத்தி வருகிறது. இதன் காரணமாக அங்கு ஊரடங்கு தளர்வுகளில் மாற்றியமைக்கப்பட்டு உள்ளன.

அதன்படி நாளை முதல் புனே நகரில் மாலை 5 மணி வரை, பொது இடத்தில் 5 பேருக்கு மேல் கூடுவதை தவிர்க்க வேண்டும் என்றும், அந்த நேரத்தில் அவசர காலத்திற்கு ஒருவர் மட்டும் வெளியே செல்ல முடியும் எனவும் தெரிவிக்கப்பட்டுள்ளது. அத்தியாவசிய கடைகள் அனைத்து நாட்களிலும் மாலை 4 மணி வரை திறந்து வைக்க அனுமதியளிக்கப் பட்டுள்ளதாகவும், மற்ற கடைகள் திங்கள் முதல் வெள்ளிக்கிழமை வரை மாலை 4 மணி வரை மட்டுமே திறந்திருக்கும் எனவும் குறிப்பிடப்பட்டுள்ளது

மால்கள், தியேட்டர்கள், முற்றிலும் அடைக்கப்பட்டு இருக்கும் என்றும் உணவங்கள், மதுபான பார்கள், ஓட்டல்கள் திங்கள் முதல் வெள்ளி வரை மாலை 4 மணி வரை 50 சதவீத இருக்கையுடன் செயல்பட அனுமதி அளிக்கப்பட்டு உள்ளதாகவும் தெரிவிக்கப்பட்டுள்ளது. தனியார் அலுவலகங்கள் 50 சதவீத ஊழியர்களுடன் மாலை 4 மணி வரையில் செயல்பட அனுமதி வழங்கப்பட்டுள்ளது.

Maharashtra

Deltaplus

Pune