.png)
விமான பயணம் இப்போ புது உச்சத்தை தொட்டிருக்கு! 2025 ஜூன் மாதம், அமெரிக்காவுல முதல் முறையா ஒரு முழு மின்சார விமானம் (all-electric passenger plane) பயணிகளை ஏத்தி 130 கிலோமீட்டர் பறந்து, அதுவும் வெறும் 694 ரூபாய் (8 டாலர்) செலவுல முடிச்சிருக்கு. (என்னய்யா புதுசு புதுசா சொல்றீங்க-ன்னு கேட்காதீங்க!)
Beta Technologies நிறுவனத்தோட Alia CX300 விமானம், முழுக்க முழுக்க மின்சாரத்துல இயங்குற ஒரு பயணிகள் விமானம். இது பெட்ரோல், டீசல் மாதிரியான எரிபொருளை பயன்படுத்தாம, பேட்டரி மூலமா பறக்குது. இந்த விமானம் 4 பயணிகளை ஏத்தி, அமெரிக்காவுல East Hamptonல இருந்து நியூயார்க்கோட JFK விமான நிலையத்துக்கு 130 கி.மீ (70 நாட்டிக்கல் மைல்ஸ்) தூரத்தை 30 நிமிஷத்துல பறந்து முடிச்சிருக்கு. இதோட முக்கிய சிறப்பு, இந்த பயணத்துக்கு செலவு வெறும் 694 ரூபாய், ஆனா அதே தூரத்தை ஒரு ஹெலிகாப்டர் பறந்தா 13,885 ரூபாய் (160 டாலர்) எரிபொருள் செலவு ஆகியிருக்கும்.
தூரம் மற்றும் வேகம்: ஒரு முறை சார்ஜ் செஞ்சா 463 கி.மீ (250 நாட்டிக்கல் மைல்ஸ்) வரை பறக்க முடியும். இது குறுகிய தூர பயணங்களுக்கு, அதாவது நகரங்களுக்கு இடையிலான பயணங்களுக்கு ஏத்தது.
குறைந்த செலவு: இந்த விமானத்தை சார்ஜ் செய்ய 8 டாலர் செலவு ஆனது. “இந்த விமானத்தை சார்ஜ் பண்ணி பறக்க விட்டதுக்கு 8 டாலர்தான் செலவு ஆச்சு,”னு Beta Technologies நிறுவனத்தோட CEO கைல் கிளார்க் சொல்றார்.
எரிபொருள் இல்லாத இயக்கம்: பாரம்பரிய எரிபொருளுக்கு பதிலா மின்சார பேட்டரி பயன்படுத்துறதால, இது சுற்றுச்சூழலுக்கு உகந்தது.
குறைந்த சத்தம்: இதுல எஞ்சின், ப்ரொபெல்லர் மாதிரியான சத்தமே இல்லை. பயணிகள் பயணத்துல சௌகரியமா பேசிக்கலாம். “எந்த சத்தமும் இல்லாம, பயணிகள் சகஜமா உரையாட முடிஞ்சது,”னு Fox News சொல்லுது.
தொழில்நுட்பம்: இந்த விமானம், வழக்கமான டேக்-ஆஃப் மற்றும் லேண்டிங் (conventional take-off and landing) முறையை பயன்படுத்துது. இதோட சகோதர மாடலான Alia 250, செங்குத்து டேக்-ஆஃப் மற்றும் லேண்டிங் (eVTOL) திறன் கொண்டது.
விமான வரலாற்றுல புது அத்தியாயம்: இது முதல் முறையா ஒரு முழு மின்சார விமானம் பயணிகளை ஏத்தி பறந்திருக்கு. இது நியூயார்க் Port Authority-க்கு ஒரு முக்கிய மைல்கல்.
சுற்றுச்சூழல் பாதுகாப்பு: மின்சார விமானங்கள், கார்பன் வெளியேற்றத்தை குறைக்குது. பாரம்பரிய விமானங்கள் வெளியிடுற பசுமை இல்ல வாயுக்களை (greenhouse gases) இது தவிர்க்குது.
பயண செலவு குறைவு: 694 ரூபாய் செலவுல 130 கி.மீ பறக்க முடியுறது, விமான பயணத்தோட செலவை புரட்சிகரமா குறைக்குது. (இதுதான் மிக மிக முக்கியமான அம்சம்)
எதிர்கால வாய்ப்புகள்: இந்த தொழில்நுட்பம், Uber Air மாதிரியான air taxi சேவைகளுக்கு வழி வகுக்குது. குறுகிய தூர பயணங்களுக்கு மின்சார விமானங்கள் பயன்படுத்தப்படலாம்.
Beta Technologies: 2017-ல Vermont-ல தொடங்கப்பட்ட இந்த நிறுவனம், மின்சார விமானங்களை உருவாக்குறதுல முன்னணியில இருக்கு. Alia CX300 மற்றும் Alia 250 மாடல்களை இவங்க உருவாக்குறாங்க. இந்த விமானம், அதிக திறன் கொண்ட lithium-ion பேட்டரிகளை பயன்படுத்துது. இது ஒரு முறை சார்ஜ் செஞ்சு 463 கி.மீ வரை பறக்க முடியுது. Alia CX300, குறைந்த எடை மற்றும் aerodynamic வடிவமைப்பு மூலமா ஆற்றலை சேமிக்குது. இதனால, குறைந்த மின்சாரத்துல நீண்ட தூரம் பறக்க முடியுது. அதேசமயம், இந்த விமானம், பல சோதனை பறப்புகளுக்கு பிறகு, பயணிகளை ஏத்தி பறக்க அனுமதி பெற்றது. இது FAA (Federal Aviation Administration) விதிகளை பூர்த்தி செஞ்சிருக்கு.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.
