"கொம்பன் இறங்கிட்டான்".. மாஸ் + கிளாஸ் = "ரஃபேல் M" - எதிரிகளுக்கு இந்தியா கொடுக்கும் எச்சரிக்கை மணி!

இந்திய கடற்படைக்கு ஒரு புதிய அத்தியாயம் தொடங்கியிருக்கு! பிரான்ஸ் நாட்டோடு இந்தியா செய்து முடிச்சிருக்கிற 63,000 கோடி ரூபாய் மதிப்பிலான ஒப்பந்தம், 26 ரஃபேல்-எம் (Rafale-M) போர் விமானங்களை நம்ம கடற்படைக்கு கொண்டு வருது. இது உலக அரங்கில் இந்தியாவோட செல்வாக்கை உயர்த்துற ஒரு மாபெரும் முயற்சி.

ரஃபேல்-எம்: ஏன் இவ்வளவு முக்கியம்?

இந்திய கடற்படை இப்போ ரஷ்யாவோட மிக்-29கே (MiG-29K) விமானங்களைத் தான் பயன்படுத்துது. ஆனா, இந்த விமானங்கள் பல தொழில்நுட்ப பிரச்சினைகளால, குறிப்பா பராமரிப்பு சிக்கல்களால அவதிப்படுது. 2016-ல் வெளியான ஒரு அறிக்கைல, இந்த மிக்-29கே விமானங்களோட பயன்பாடு விகிதம் 15% முதல் 47% வரை தான் இருக்கு. அதாவது, பாதி நேரம் இந்த விமானங்கள் பறக்க முடியாம தரையிலேயே நிக்குது! என்று குறிப்பிடப்பட்டுள்ளது. இந்தச் சூழல்ல, ரஃபேல்-எம் விமானங்கள் ஒரு புரட்சிகர மாற்றமா வருது.

ரஃபேல்-எம், பிரான்ஸ் நாட்டு டசால்ட் ஏவியேஷன் (Dassault Aviation) நிறுவனத்தோட தயாரிப்பு. இது 4.5 தலைமுறை (4.5 generation) போர் விமானமா, அதிநவீன தொழில்நுட்பங்களோட வருது. இதோட முக்கிய அம்சங்கள் என்னன்னு பார்ப்போம்:

அதிநவீன ரேடார் மற்றும் சென்சார்கள்: ஆக்டிவ் எலக்ட்ரானிக் ஸ்கேன்ட் அரே (AESA) ரேடார், கடல் நடவடிக்கைகளுக்கு உகந்த தேல்ஸ் RBE2-M ரேடார் சிஸ்டம், மற்றும் SPECTRA எலக்ட்ரானிக் வார்ஃபேர் சூட் ஆகியவை இதுல இருக்கு. இதனால, எதிரி விமானங்கள், கப்பல்கள், நீர்மூழ்கிகளை எளிதா கண்டுபிடிச்சு தாக்க முடியும்.

பலவகை ஆயுதங்கள்: மீட்டியர் (Meteor) நீண்ட தூர வான்-வான் ஏவுகணைகள், எக்ஸோசெட் (Exocet) கப்பல் எதிர்ப்பு ஏவுகணைகள், ஸ்கால்ப் (SCALP) க்ரூஸ் ஏவுகணைகள், இந்தியாவோட ஆஸ்ட்ரா மார்க்-1 (ASTRA Mk1) ஏவுகணைகள் உள்ளிட்டவை இதுல ஒருங்கிணைக்கப்படுது.

கடற்படைக்கு உகந்த வடிவமைப்பு: விமானம் கடற்படை விமானந்தாங்கி கப்பல்களோட குறுகிய ஓடுதளத்திலிருந்து பறக்க வேண்டி இருக்குறதால, இதுக்கு வலுவான லேண்டிங் கியர், அரெஸ்டர் ஹூக், ஜம்ப் ஸ்ட்ரட் நோஸ்வீல் ஆகியவை இருக்கு. இந்தியாவோட விமான தாங்கி கப்பல்களுக்கு ஏத்த மாதிரி ஸ்கை-ஜம்ப் டேக்-ஆஃப் முறையையும் இது ஆதரிக்குது.

அதேபோல், இந்தியாவோட INS விக்ரமாதித்யா மற்றும் INS விக்ராந்த் ஆகிய விமான தாங்கி கப்பல்களில் இந்த விமானங்கள் இயங்க முடியும். குறிப்பா, INS விக்ராந்த் 26 விமானங்களை தாங்குற அளவுக்கு வடிவமைக்கப்பட்டிருக்கு, அதனால 22 ஒற்றை இருக்கை விமானங்களும், 4 இரட்டை இருக்கை பயிற்சி விமானங்களும் சரியா பொருந்துது.

இந்த விமானங்கள் இந்திய கடற்படையோட தற்போதைய பலவீனங்களை நிவர்த்தி செய்யுறதோட, சீனா, பாகிஸ்தான் போன்ற அண்டை நாடுகளோட கடற்படை வலிமையை எதிர்கொள்ளவும் உதவுது.

ஒப்பந்தத்தோட முக்கிய அம்சங்கள்

2025 ஏப்ரல் 28-ல் இந்தியாவும் பிரான்ஸும் இந்த ஒப்பந்தத்தை முறைப்படுத்தினாங்க. இந்த ஒப்பந்தத்தோட முக்கிய விவரங்கள் இதோ:

விமானங்களின் எண்ணிக்கை: 22 ஒற்றை இருக்கை (single-seater) ரஃபேல்-எம் விமானங்கள், 4 இரட்டை இருக்கை (twin-seater) பயிற்சி விமானங்கள்.

மதிப்பு: சுமார் 63,000 கோடி ரூபாய் (7.5 பில்லியன் அமெரிக்க டாலர்கள்).

விநியோக காலம்: 2028-29 முதல் விநியோகம் தொடங்கி, 2031-க்குள் முடியும்.

பயிற்சி மற்றும் பராமரிப்பு: இந்திய மற்றும் பிரான்ஸ் நாடுகளில் விமானிகளுக்கு பயிற்சி, சிமுலேட்டர்கள், உதிரி பாகங்கள், பராமரிப்பு மற்றும் லாஜிஸ்டிக்ஸ் ஆதரவு இதுல அடங்குது.

உள்நாட்டு உற்பத்தி: இந்தியாவில் ரஃபேல் விமானங்களோட உடற்பகுதி (fuselage) உற்பத்தி, இன்ஜின், சென்சார்கள், ஆயுதங்களுக்கான பராமரிப்பு, பழுதுபார்ப்பு மற்றும் மேம்பாட்டு (MRO) மையங்கள் அமைக்கப்படுது. இது ஆத்மநிர்பார் பாரத் (Atmanirbhar Bharat) முயற்சிக்கு பெரிய பங்களிப்பு.

தொழில்நுட்ப பரிமாற்றம்: இந்தியாவோட உள்நாட்டு ஆயுதங்களை இந்த விமானங்களோட ஒருங்கிணைக்க தொழில்நுட்ப பரிமாற்றம் செய்யப்படுது.

இந்த ஒப்பந்தம் இந்தியாவோட பொருளாதாரத்துக்கும் பெரிய பலன்களை கொடுக்குது. ஆயிரக்கணக்கான வேலைவாய்ப்புகள், சிறு மற்றும் நடுத்தர தொழில்களுக்கு (MSMEs) வருவாய், உள்நாட்டு உற்பத்தி திறனை உயர்த்துறது ஆகியவை இதனால கிடைக்கும்.

இந்திய கடற்படையோட தற்போதைய நிலை

இந்திய கடற்படைக்கு இப்போ இரண்டு விமானந்தாங்கி கப்பல்கள் இருக்கு: INS விக்ரமாதித்யா (ரஷ்யாவிடமிருந்து வாங்கப்பட்டது) மற்றும் INS விக்ராந்த் (இந்தியாவில் உருவாக்கப்பட்டது). இந்தக் கப்பல்களில் மிக்-29கே விமானங்கள் தான் இயங்குது. ஆனா, இந்த விமானங்கள் பழைய தொழில்நுட்பத்தோட இருக்குறதால, சீனாவோட J-15B, J-15D போன்ற நவீன விமானங்களுக்கு எதிரா போட்டியிட முடியாம இருக்கு. மேலும், சீனாவோட கடற்படை இந்தியப் பெருங்கடல் பகுதியில (Indian Ocean Region - IOR) தன்னோட செயல்பாடுகளை அதிகரிச்சிருக்கு. இந்தச் சூழல்ல, ரஃபேல்-எம் விமானங்கள் இந்தியாவுக்கு ஒரு முக்கியமான பலமா அமையுது.

இந்திய கடற்படை மொத்தம் 57 விமானங்கள் வேணும்னு ஆரம்பத்துல திட்டமிட்டிருந்தது. ஆனா, இப்போ 26 விமானங்களை மட்டுமே வாங்குறதுக்கு முடிவு செய்யப்பட்டிருக்கு. இது ஒரு தற்காலிக ஏற்பாடு தான். இந்தியாவோட உள்நாட்டு இரட்டை இன்ஜின் டெக்-பேஸ்டு போர் விமானம் (Twin Engine Deck-Based Fighter - TEDBF) 2035-38 வரைக்கும் தயாராக மாட்டேங்குது. அதுவரைக்கும், ரஃபேல்-எம் விமானங்கள் இந்திய கடற்படையோட முதுகெலும்பா இருக்கும்.

பிரான்ஸ் உடனான உறவு

இந்த ஒப்பந்தம் இந்தியா-பிரான்ஸ் இடையிலான கூட்டணியை மேலும் வலுப்படுத்துது. இந்திய விமானப்படை ஏற்கனவே 36 ரஃபேல் விமானங்களை இயக்குது. இதனால, உதிரி பாகங்கள், பயிற்சி, பராமரிப்பு ஆகியவை ரஃபேல்-எம் விமானங்களுக்கும் எளிதாக பயன்படுத்தப்படுது. இது செலவு குறைப்பு மற்றும் செயல்திறனை உயர்த்துறதுக்கு உதவுது. பிரான்ஸ் எப்போதும் இந்தியாவுக்கு நம்பகமான பாதுகாப்பு கூட்டாளியா இருந்திருக்கு. கல்வாரி வகை நீர்மூழ்கிகள் (Scorpene submarines) முதல் ரஃபேல் விமானங்கள் வரை, பிரான்ஸ் இந்தியாவுக்கு தொழில்நுட்பம் மற்றும் ஆதரவு வழங்குறதுல முன்னணியில இருக்கு.

சவால்கள்

ரஃபேல்-எம் விமானங்கள் இந்திய கடற்படைக்கு பெரிய பலத்தை கொடுக்குது, ஆனா சில சவால்களும் இருக்கு:

எண்ணிக்கை குறைவு: 57 விமானங்கள் வேணும்னு முடிவு செய்யப்பட்டிருந்த நிலையில, 26 விமானங்கள் மட்டுமே வாங்கப்படுது. இது கடற்படையோட முழு தேவையை பூர்த்தி செய்யாது.

விநியோக காலதாமதம்: 2028-29 முதல் விநியோகம் தொடங்கினாலும், முழு விநியோகம் 2031-ல தான் முடியும். இந்த இடைவெளியில சீனாவோட கடற்படை மேலும் வலிமையடைய வாய்ப்பு இருக்கு.

உள்நாட்டு திட்டங்கள்

TEDBF திட்டம் இன்னும் ஆரம்ப கட்டத்துல தான் இருக்கு. இதுக்கு இன்னும் 10-15 வருஷங்கள் ஆகலாம். அதுவரைக்கும் ரஃபேல்-எம் விமானங்களை மட்டுமே நம்பியிருக்க வேண்டிய நிலை இருக்கு.

இந்தியப் பெருங்கடல் பகுதி (IOR) இப்போ உலக அரங்கில் மிக முக்கியமான பகுதியா மாறியிருக்கு. சீனாவோட கடற்படை இங்க தன்னோட ஆதிக்கத்தை அதிகரிக்க முயற்சி செய்யுது. மாலத்தீவு, இலங்கை, பாகிஸ்தான், ஜிபூட்டி ஆகிய இடங்கள்ல சீனா தன்னோட கடற்படை தளங்களை விரிவாக்குறது இந்தியாவுக்கு ஒரு எச்சரிக்கை மணியா இருக்கு. இந்தச் சூழல்ல, ரஃபேல்-எம் விமானங்கள் இந்தியாவுக்கு விரைவு தாக்குதல் திறன் (quick-strike capability) கொடுக்குது. மலாக்கா ஜலசந்தி (Strait of Malacca), தென் சீனக் கடல் (South China Sea) ஆகிய பகுதிகள்ல இந்தியாவோட ஆதிக்கத்தை இது உறுதிப்படுத்துது.

மேலும், இந்தியா ஒரு மூன்றாவது விமானந்தாங்கி கப்பலை உருவாக்க திட்டமிடுறது. ஆனா, அரசாங்கம் மூணு கப்பல்களை ஒரே நேரத்துல இயக்குறதுக்கு ஆதரவு கொடுக்காம இருக்கு. அதற்கு பதிலா, நீர்மூழ்கிகள், குறிப்பா அணு ஆயுத நீர் மூழ்கிகள் (nuclear-powered attack submarines) மேல கவனம் செலுத்துறதுக்கு முன்னுரிமை கொடுக்குது. இந்த மாற்றங்கள் இந்தியாவோட கடல்சார் ஸ்டிராடஜி-யை மறுவரையறை செய்யும் என்பதில் மாற்றுக்கருத்தில்லை.