.png)
இதனைத் தொடர்ந்து, ராம்கர் மாவட்டத்தில் ஊர்க்காவல் படையில் சேர்வதற்கான அதிகாரப்பூர்வ உடற்தகுதித் தேர்வில் கவிதா பங்கேற்றார். இதில் பெண்களுக்கான 1,600 மீட்டர் ஓட்டத்தை 10 நிமிடங்களுக்குள் முடிக்க வேண்டும் என்ற விதிமுறை இருந்தது. கவிதா இந்தத் தூரத்தை 8 நிமிடங்கள் 57 வினாடிகளில் கடந்து ஓட்டப்பந்தயத் தேர்வில் வெற்றி பெற்றார். குடும்பச் சூழ்நிலையையும் பொருளாதார நெருக்கடியையும் தாண்டி அவர் காட்டிய இந்த முயற்சி, அவருக்குப் பணியில் சேரும் வாய்ப்பு கிடைக்கும் என்ற எதிர்பார்ப்பை ஏற்படுத்தியது.
வறுமையையும் குடும்பச் சுமைகளையும் தாண்டி வாழ்க்கையில் முன்னேற வேண்டும் என்ற கனவுடன் போராடிய பெண்ணுக்கு, கடைசி நேரத்தில் ஏற்பட்ட தோல்வி பெரும் ஏமாற்றத்தை அளித்துள்ளது. சேலை அணிந்தபடி வெறுங்காலில் ஓடி சமூக வலைதளங்களில் கவனம் பெற்ற ஜார்க்கண்ட் மாநிலத்தைச் சேர்ந்த கவிதா குமாரி, ஊர்க்காவல் படையில் சேருவதற்கான உடற்தகுதித் தேர்வில் ஓட்டப்பந்தயத்தை வெற்றிகரமாக முடித்தும், உயரம் தாண்டுதல் தேர்வில் தோல்வியடைந்ததால் பணியில் சேரும் வாய்ப்பை இழந்துள்ளார். குடும்பத்தின் எதிர்காலத்தை மாற்றிவிடும் என்ற நம்பிக்கையுடன் அவர் மேற்கொண்ட முயற்சி, இறுதிக்கட்டத்தில் தடைபட்டிருப்பது பலரையும் சோகத்தில் ஆழ்த்தியுள்ளது.
ஜார்க்கண்ட் மாநிலம் ராம்கர் மாவட்டத்தில் உள்ள சோசோ கிராமத்தைச் சேர்ந்தவர் கவிதா குமாரி. கணவரை இழந்த இவர், தனது இரண்டு குழந்தைகளையும் வயதான மாமனார், மாமியாரையும் கவனித்துக்கொள்ள வேண்டிய பொறுப்பில் உள்ளார். குடும்பத்தின் பொருளாதாரச் சுமையைச் சமாளிப்பதற்காகக் கூலி வேலை செய்து வரும் அவர், குழந்தைகளுக்கு நல்ல எதிர்காலத்தை அமைத்துக் கொடுக்க வேண்டும் என்பதில் உறுதியாக இருந்துள்ளார். இதற்கிடையே, ஊர்க்காவல் படையில் ஆட்சேர்ப்பு நடைபெறுவது குறித்து அறிந்ததும், அதில் சேர்ந்து நிலையான வருமானத்தைப் பெறலாம் என்ற நம்பிக்கையுடன் தயாராகத் தொடங்கியுள்ளார்.
ஆனால், இந்தத் தேர்வுக்காகப் பயிற்சி பெறுவதற்குத் தேவையான விளையாட்டு உடைகள் மற்றும் ஓடும் காலணிகளை வாங்குவதற்குக்கூட அவரிடம் போதிய பணம் இல்லை. வசதிகள் இல்லாததை நினைத்து முயற்சியைக் கைவிடாமல், கிடைக்கும் சூழ்நிலையிலேயே பயிற்சி மேற்கொண்டுள்ளார். தினமும் அதிகாலை எழுந்து ஓட்டப்பயிற்சியில் ஈடுபட்ட அவர், தனது இலக்கை அடைவதற்காகத் தொடர்ந்து உழைத்துள்ளார். சில நேரங்களில் சேலை அணிந்தபடியே வெறுங்காலில் ஓடிப் பயிற்சி செய்துள்ளார். அவருடைய இந்த முயற்சியும் தன்னம்பிக்கையும் பலரது கவனத்தை ஈர்த்தன.
ஊர்க்காவல் படைத் தேர்வுக்கு முன்பாக நடைபெற்ற பயிற்சி ஓட்டத்தின்போது, சேலை அணிந்தபடி காலணிகள் இல்லாமல் அவர் ஓடிய காட்சிகள் சமூக வலைதளங்களில் பரவின. சாதாரண உடையில், எந்தவிதமான சிறப்பு வசதிகளும் இல்லாமல் அவர் ஓடிய விதம் பலரையும் வியக்க வைத்தது. இதையடுத்து, அவரது வாழ்க்கைப் போராட்டம் குறித்தும் பலர் அறிந்துகொண்டனர். குடும்பத்தைக் காப்பாற்றுவதற்காகவும் குழந்தைகளின் எதிர்காலத்திற்காகவும் அவர் எடுத்த முயற்சிக்கு சமூக வலைதளங்களில் பாராட்டுகள் குவிந்தன.
இதனைத் தொடர்ந்து, ராம்கர் மாவட்டத்தில் ஊர்க்காவல் படையில் சேர்வதற்கான அதிகாரப்பூர்வ உடற்தகுதித் தேர்வில் கவிதா பங்கேற்றார். இதில் பெண்களுக்கான 1,600 மீட்டர் ஓட்டத்தை 10 நிமிடங்களுக்குள் முடிக்க வேண்டும் என்ற விதிமுறை இருந்தது. கவிதா இந்தத் தூரத்தை 8 நிமிடங்கள் 57 வினாடிகளில் கடந்து ஓட்டப்பந்தயத் தேர்வில் வெற்றி பெற்றார். குடும்பச் சூழ்நிலையையும் பொருளாதார நெருக்கடியையும் தாண்டி அவர் காட்டிய இந்த முயற்சி, அவருக்குப் பணியில் சேரும் வாய்ப்பு கிடைக்கும் என்ற எதிர்பார்ப்பை ஏற்படுத்தியது.
ஆனால், அடுத்த கட்டமாக நடைபெற்ற உயரம் தாண்டுதல் தேர்வுதான் அவருக்குப் பெரும் தடையாக அமைந்தது. குறிப்பிட்ட உயரத்தைத் தாண்டுவதற்கு மூன்று வாய்ப்புகள் வழங்கப்பட்டும், கவிதாவால் அதை வெற்றிகரமாகச் செய்ய முடியவில்லை. இதனால், உடற்தகுதித் தேர்வில் அவர் தோல்வியடைந்ததாக அறிவிக்கப்பட்டது. ஓட்டப்பந்தயத்தில் சிறப்பாகச் செயல்பட்டும், கடைசிக் கட்டத் தேர்வில் ஏற்பட்ட இந்தத் தோல்வியால் ஊர்க்காவல் படையில் சேரும் அவரது கனவு இந்த முறை நிறைவேறாமல் போனது.
குடும்பத்தின் வாழ்வாதாரத்தை மேம்படுத்த வேண்டும் என்ற நோக்கத்தில் அவர் எடுத்த முயற்சி இறுதியில் வெற்றிபெறாதது பலருக்கும் வருத்தத்தை ஏற்படுத்தியுள்ளது. குறிப்பாக, கணவரை இழந்த நிலையில் இரண்டு குழந்தைகள் மற்றும் வயதான குடும்ப உறுப்பினர்களைப் பராமரித்து வரும் அவருக்கு இந்த வேலை எவ்வளவு முக்கியமானது என்பதை அறிந்தவர்கள் ஆறுதல் தெரிவித்து வருகின்றனர்.
கவிதாவின் கதை, வறுமைச் சூழ்நிலையிலும் விடாமுயற்சியுடன் இலக்கை நோக்கிச் செல்லும் ஒருவரின் போராட்டத்தை வெளிப்படுத்துகிறது.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
