அதிமுக உட்கட்சி விவகாரத்தை தேர்தல் ஆணையம் விசாரிக்கலாம் - ஐகோர்ட் தீர்ப்பு

அதிமுக உட்கட்சி விவகாரம் குறித்து விசாரணை நடத்தக் கோரி ஓ.பன்னீர்செல்வத்தின் ஆதரவாளர்கள் தேர்தல் ஆணையத்தை நாடியிருந்தனர்.

இதையடுத்து எடப்பாடி பழனிசாமி தரப்பு விசாரணை நடத்துவதற்கு தேர்தல் ஆணையத்திற்கு தடை விதிக்க கோரி சென்னை உயர்நீதிமன்றத்தில் மனு தாக்கல் செய்தது. அதே நேரம் இந்த தடையை நீக்க கோரி முன்னாள் எம்.பி.ரவீந்திரநாத், புகழேந்தி, கே.சி.பழனிசாமி உள்ளிட்டோர் மனு தாக்கல் செய்தனர்.

இதுகுறித்த வழக்கு உயர்நீதிமன்றத்தில் நடந்து வந்த நிலையில் இருதரப்பினரும் தங்கள் வாதங்களை வைத்து வந்தனர். பெரும்பாலான உறுப்பினர்கள் ஓ.பி.எஸ் பக்கம் இருக்கிறார்கள் என்றும், அதனால் இதனை விசாரிப்பதற்கு தேர்தல் ஆணையத்திற்கு தடை விதிக்க முடியாது என ரவீந்திரநாத் தரப்பு வாதிட்டது.

இதற்கு எடப்பாடி தரப்பு, கட்சியில் எந்த பிளவும் இல்லை, இபிஎஸ்-க்கு இருந்த ஆதரவு இன்னும் அப்படியேத்தான் உள்ளது. ஆகவே கட்சி விதிகளில் திருத்தம் செய்து புதிய தலைமை தேர்வு செய்தது உள்ளிட்ட நடவடிக்கைகளில் ஈடுபடுவதற்கும், உள்கட்சி விவகாரங்களில் தலையிடுவதற்கும் தேர்தல் ஆணையத்திற்கு அதிகாரம் இல்லை என வாதிட்டது.

மேலும் சட்டமன்றத் தேர்தல் விரைவில் வரவுள்ள நிலையில், சின்னத்தை முடக்குவது கட்சிக்கு கடும் பின்னடைவை ஏற்படுத்தும் என இபிஎஸ் தரப்பு முன்வைத்திருந்தது. இவ்வாறு இரு தரப்பினரும் கூறி வந்த நிலையில், தேர்தல் ஆணையம் மற்றொரு கருத்தை எடுத்து வைத்தது.