அச்சுறுத்தும் ‘டித்வா’ புயல்..! 'மணிக்கு 10.கி.மீ வேகத்தில் வருகிறது' -தப்பிக்குமா தமிழகம்!!?

இன்று காலை தென்மேற்கு வங்கக்கடல் மற்றும் அதனை ஒட்டிய வட இலங்கை  கடற்பகுதிகளில் நிலவிய “டிட்வா” புயலானது,  வடக்கு-வடமேக்கு  திசையில் நகர்ந்து, இன்று காலை 1130 மணி அளவில், வேதாரண்யத்துக்கு தென்கிழக்கே 110 கிலோ மீட்டர் தொலைவிலும் , காரைக்காலுக்கு தென்கிழக்கே 150 கிலோ மீட்டர் தொலைவிலும், புதுச்சேரிக்கு தெற்கு-தென்கிழக்கே 250 கிலோ மீட்டர் தொலைவிலும், சென்னைக்கு  தெற்கே 350 கிலோ மீட்டர் தொலைவிலும் நிலை கொண்டிருந்தது. இலையில் இந்த புயலின் நகர்வு வேகமாகி வருகிறது. மணிக்கு 8.கிமீ -லிருந்து 10.கி.மீ -ஆக அதிகரித்துள்ளது. 

  இது, தொடர்ந்து  வடக்கு-வடமேற்கு திசையில் நகர்ந்து, நாளை (30-ஆம் தேதி) அதிகாலை, வடதமிழகம், புதுவை மற்றும் அதனை ஒட்டிய தெற்கு ஆந்திர கடலோரப்பகுதிகளுக்கு அருகே உள்ள தென்மேற்கு வங்கக்கடல் பகுதிகளை அடையக்கூடும்.

அப்படி வடக்கு-வடமேற்கு திசையில் நகரும் பொழுது, வடதமிழகம் மற்றும் புதுச்சேரி கடலோரப் பகுதிகளில் இருந்து, இன்று நள்ளிரவில் 60 கிலோ மீட்டர் தொலைவிலும், நாளை(30-11-2025) அதிகாலை 50 கிலோ மீட்டர் தொலைவிலும், நாளை(30-11-2025) மாலை 25 கிலோமீட்டர் தொலைவிலும் நிலவக்கூடும்.

இந்த புயலை எதிர்கொள்ள தமிழகம் முழுவதும், பாதுகாப்பு பணிகள் துரிதப்படுத்தப்பட்டுள்ளது,  முன்னெச்சரிக்கை நடவடிக்கையாக தமிழ்நாடு மின்சார வாரியம் தயார் நிலையில் உள்ளது என மின் வாரியத்தலைவர் அறிவித்துள்ளார்.  மின்சேவைகள் குறித்தும், மின்கம்பிகள் அறுந்து தொங்கிக் உடைந்திருந்தாலோ. மரங்கள் சாய்ந்திருந்தாலோ மற்றும் மின்தடை குறித்த புகார்களுக்கு உடனடியாக 24 மணி நேரமும் செயல்படும் மாநில மின்நுகர்வோர் சேவை மையமான மின்னகத்தை “94987 94987" தொடர்பு கொள்ளுமாறு தெரிவிக்கப்பட்டுள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.