ஆளுநரை யாரும் தாக்கி பேசக்கூடாது...சட்டமன்ற உறுப்பினர்களுக்கு முதலமைச்சர் போட்ட உத்தரவு!

சட்டமன்றத்தில் திமுகவின் எந்த ஒரு சட்டமன்ற உறுப்பினரும் ஆளுநரை தாக்கி பேசக் கூடாது என முதலமைச்சர் மு.க.ஸ்டாலின் எம்.எல்.ஏக்களை அறிவுறுத்தியுள்ளார். 

திமுக சட்டமன்ற உறுப்பினர்கள் கூட்டம் :

சென்னை அண்ணா அறிவாலயத்தில் திமுக சட்டமன்ற உறுப்பினர்களின் கூட்டம் நடைபெற்றது. தமிழ்நாடு முதலமைச்சரும், திமுக தலைவருமான மு க ஸ்டாலின் தலைமையில் நடைபெற்ற இந்த கூட்டத்தில், பல்வேறு அறிவுறுத்தல்கள் சட்டமன்ற உறுப்பினர்களுக்கு வழங்கப்பட்டுள்ளது. 

இதையும் படிக்க: ஆஸ்கர் விருது பரிந்துரை பட்டியல் வெளியீடு...10 இந்திய திரைப்படங்கள் தேர்வு...எந்தெந்த படங்கள் தெரியுமா?

அறிவுரை வழங்கிய முதலமைச்சர்:

அதில் சட்டமன்ற உறுப்பினர்கள் தங்களின் தொகுதி சார்ந்த பிரச்னைகளை முன்வைத்து பேச வேண்டும் எனவும், எதிர்கட்சியினர் அமளியில் ஈடுபட்டாலும் அமைதி காக்க வேண்டும் எனவும் மு.க ஸ்டாலின் தெரிவித்துள்ளார்.

ஆளுநருக்கு எதிராக கருத்து தெரிவிக்க வேண்டாம்:

தொடர்ந்து, நேற்று நடைபெற்ற சம்பவம் தொடர்பாக ஆளுநருக்கு எதிராக எந்த ஒரு உறுப்பினரும் கருத்துக்களை தெரிவிக்க கூடாது எனவும், ஆளுநருக்கு எதிராக பேசக்கூடாது எனவும், ஆளுநருக்கு எதிராக பேனர் வைக்கவோ, சுவரொட்டிகள் ஒட்டவோ வேண்டாம் எனவும் அறிவுரை வழங்கியுள்ளார்.