.png)
2026 -ஆவது சட்டமன்ற தேர்தல் தமிழக அரசியல் களத்தில் மிகப்பெரும் தாக்கத்தை ஏற்படுத்தும் என்றே சொல்லலாம். இந்த தேர்தல் களத்தில் புது வரவு என்றால் அது ‘தமிழக வெற்றி கழகம்’ தான். விஜய்யின் அரசியல் பிரவேசம், ஆதவ் அர்ஜுனா பிரஷாந்த் கிஷோர் ஆகியோரின் பங்களிப்பு என தமிழக வெற்றி கழகம் நல்ல ஒரு பப்ளிசிட்டி யோடே களம் காண உள்ளது.
சின்ன ரீவைண்ட்..!
விஜய் அரசியலில் குதிப்பார் என்று நினைத்தது இன்று நேற்றல்ல 2013 ஆம் ஆண்டு தலைவா படம் வெளியாகி “time to lead” என கேப்ஷன் வைத்து அதற்காக அன்றைய முதல்வர் ஜெயலலிதாவை கடுப்பேற்றி மன்னிப்பு கேட்ட விவகாரமெல்லாம் அவரின் அரசியல் பிரவேசத்தை உறுதிப்படுத்தின. ஆனால் அவரோ “ஓடு மீன் ஓட உறுமீன் வருமென” காத்திருந்த கொக்குபோல காத்திருந்து அரசியலில் குதித்துள்ளார்.
அரசியல் எதிரியாக திமுக -வையும் கொள்கை எதிரியாக பாஜகவையும் முன்னிருத்தி தன் அரசியல் பயணத்தை துவங்கியுள்ளார்.
அடுத்தடுத்து எழும் விமர்சனங்கள்!
அவரது அரசியல் பிரவேசம் உண்மையில் தமிழகத்தில் பெரும் மாற்றத்தை ஏற்படுத்தியுள்ளது என்பதை மறுக்க முடியாது. இந்த சூழலில்தான் விஜய் தனது கடைசி படமான ஜனநாயகன் படமவெளியாக உள்ளது இந்நிலையில்தான், அவரை தவெக தொண்டர்கள் JV என அழைக்க தொடங்கினர், அது தற்போது சர்ச்சையாகி உள்ளது. JV -என்றால் ஜோசப் விஜய் என அர்த்தம், விஜய் ஒரு சாராராக இயங்குகிறாரா என்ற சர்ச்சை எழுந்த வண்ணம் இருந்தது.
மேலும் விஜய் work from home அரசியல் செய்கிறார், என பல சர்ச்சைகள் எழுந்த வண்ணம் இருந்தது. சமீபத்தில் நடந்த அஜித் குமார் லாக் அப் மணரத்தில் விஜய் எடுத்து முன்னெடுப்புகள் மிகவும் கவனிக்கப்பட்டது.
ஏற்கனவே தவெக 1 கோடி உறுப்பினர்களை சேர்த்துள்ளது.தற்போது மேலும் 2 கோடி உறுப்பினர்களை, சேர்க்க முயற்சி செய்து வருகிறது.
இந்நிலையில், சென்னை பனையூரில் உள்ள தமிழக வெற்றிக்கழக தலைமை அலுவலகத்தில் விஜய் தலைமையில் மாவட்ட செயலாளர்கள் கூட்டம் நடைபெறுகிறது,இதில் MY TVK என்னும் வாக்காளர் பட்டியலுடன் கூடிய புதிய செயலியை தமிழக வெற்றி கழக தலைவர் விஜய் தொடங்கி வைத்துள்ளார். இதுகுறித்து மூத்த பத்திரிகையாளர் மணி தனியார் யூடியூப் சேனலுக்கு பேட்டியளித்துள்ளார், “எல்லா கட்சிகளும் தற்போது modernize ஆகி வருகின்றன, எனவே மாறிவரும் காலங்களுக்கு ஏற்ப விஜயும் தன்னை தவகைமைத்து கொள்கிறார், ஒருவேளை வாக்களிக்கும் வயது 16 -ஆக மாற்றப்படும் , மாற்றுக்கருத்தே இல்லை என சிரித்துக்கொண்டே கூறினார்.ஆனால் உண்மையில் அவருக்கு கணிசமான ஒரு வாக்கு வாங்கி இருக்கிறது. மேலும் திமுக -வை ஆதரிக்கும் பெண்களே விஜய் -க்கு ஒட்டு போட தயாராக உள்ளனர். விஜயை பார்த்து நிச்சயம் பயத்தில் இருக்கிறது. அவர்களுக்கு தெரிகிறது அவர்கள் எந்த அளவுக்கு கணிசமான வாக்குகளை விஜய் பறிக்கிறார் என்று. ஆகவே விஜய் இந்த செயலியை அறிமுகப்படுத்தியிருப்பது வரவேற்கத்தக்கது. ஆனால் கள அரசியலில் போக வேண்டிய தூரம் இன்னும் எஎவ்வளவோ இருக்கிறது” என பேசியுள்ளார்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
