பிளஸ் 2 துணைத் தேர்வுக்கான முடிவுகள் இன்று வெளியீடு!

தமிழகத்தில் நடந்து முடிந்த பிளஸ் 2 துணைத் தேர்வுக்கான முடிவுகள் இன்று காலை 11 மணிக்கு வெளியிடப்படுகின்றன.

தேர்வர்கள், www.dge.tn.gov.in என்ற இணையதளத்தில் தங்களின் தேர்வு எண் மற்றும் பிறந்த தேதியை பயன்படுத்தி மதிப்பெண் பட்டியலை பதிவிறக்கம் செய்து கொள்ளலாம்.  பிளஸ் 2 தேர்வுக்கு விண்ணப்பித்த மாற்றுத் திறனாளிகளுக்கு, தேர்ச்சி மதிப்பெண்கள் கணக்கிடப்பட்டு மதிப்பெண் பட்டியல் தயாரிக்கப்பட்டுள்ளது.

அவர்களும் இணையதளத்தில் மதிப்பெண் பட்டியலை பதிவிறக்கம் செய்யலாம். விடைத்தாள் நகல் மற்றும் மறுகூட்டலுக்கு விண்ணப்பிக்க விரும்புவோர், தங்கள் மாவட்டத்துக்கு உட்பட்ட முதன்மை கல்வி அலுவலகத்தில், 15 மற்றும் 16ம் தேதிகளில் நேரில் பதிவு செய்ய வேண்டும். என்றும் அரசு தேர்வுத்துறை அறிவித்துள்ளது.