தமிழகத்தை பற்றாக்குறை மாநிலமாக மாற்றியது அதிமுக - முதல்வர் பதிலடி

சிவகங்கை மாவட்டம் காளையார் கோவிலில் உள்ள வீரமங்கை வேலுநாச்சியார் நினைவிடம் அருகில் 1 கோடியே 6 லட்சத்து 90 ஆயிரம் ரூபாய் மதிப்பீட்டில் மருது சகோதரர்களுக்கு சிலை அமைக்கப்பட உள்ளது. இதற்கு முதலமைச்சர் மு.க.ஸ்டாலின் அடிக்கல் நாட்டினார். தொடர்ந்து 50 லட்சம் ரூபாயில் அமைக்கப்பட்டுள்ள வாளுக்கு வேலி அம்பலத்தின் உருவச்சிலையையும் அவர் திறந்து வைத்தார்.

மேலும் 376 கோடியே 25 லட்ச ரூபாய் மதிப்பீட்டில் 45 முடிவுற்ற திட்டப்பணிகளை தொடங்கி வைத்த அவர், 50 ஆயிரம் பேருக்கு நலத்திட்ட உதவிகளை வழங்கினார். பின்னர் நிகழ்ச்சியில் பேசிய முதலமைச்சர்,

சிவகங்கை, திருப்பத்தூர், காளையார்கோவில் உள்ளிட்ட பகுதி மக்களுக்காக 616 கோடி ரூபாயில் காவிரி கூட்டுக்குடிநீர் திட்டம் செயல்படுத்தப்பட்டுள்ளதாக கூறினார்.

சிவகங்கையில் ஒருங்கிணைந்த நீதிமன்றம் உள்ளிட்ட திமுக ஆட்சியின் செயல்திட்டங்களை எடுத்துரைத்தார்.