திருப்பத்தூர்.. திமுகவின் கோட்டைக்குள் ஊடுருவும் அதிமுக! அசைக்க முடியாத நிலையில் 'சூரியன்' இருக்குமா?

"மாலை முரசு - கான்சிலிடிக்ஸ்" இணைந்து தமிழகம் முழுவதும் நடத்திய மாபெரும் கருத்துக்கணிப்பு முடிவுகள் குறித்து "Tamil Nadu Political League" நிகழ்ச்சியில் தொகுதி பற்றியும், வரும் சட்டமன்ற தேர்தலில் அங்கு வெற்றிப் பெற அதிகம் வாய்ப்புள்ள கூட்டணி எது? என்பது குறித்த தகவல்கள் இங்கே தொகுக்கப்பட்டுள்ளன. திருப்பத்தூர் மாவட்டத்தின் தலைநகர் தொகுதியான திருப்பத்தூர், தோல் தொழிற்சாலைகள் மற்றும் வர்த்தக மையங்கள் நிறைந்த பகுதியாகும். தற்போதைய திமுக எம்எல்ஏ நல்லதம்பி மக்கள் மத்தியில் நற்பெயரோடு இருந்தாலும், புதிய மாவட்டத்திற்கான உள்கட்டமைப்பு வசதிகள் முழுமையடையாதது அரசுக்குச் சவாலாக உருவெடுத்துள்ளது.

திருப்பத்தூர் தொகுதியின் முக்கிய வாக்காளர் அடையாளங்களாக 41 முதல் 60 வயதுடையவர்கள் 35.9 சதவீதமும், 26 முதல் 40 வயதுடையவர்கள் 33.3 சதவீதமும் உள்ளனர். சமூக ரீதியாக நாயுடு சமுதாயத்தினர் 23 சதவீதமும், முதலியார்கள் 21 சதவீதமும், வன்னியர்கள் 18 சதவீதமும் உள்ளனர். ஆதிதிராவிடர்கள் 14 சதவீதமும், முஸ்லிம்கள் 10 சதவீதமும் உள்ளனர். 51 சதவீத கிராமப்புறம் மற்றும் 49 சதவீத நகர்ப்புறத்தைக் கொண்ட இந்தத் தொகுதியில், முதலியார் மற்றும் நாயுடு சமூக வாக்குகளே வெற்றியாளரைத் தீர்மானிக்கின்றன.

முக்கிய உள்ளூர் பிரச்சினைகளாகப் புதிய மாவட்டமாக அறிவிக்கப்பட்ட பின்னரும், தலைநகருக்குத் தேவையான அரசு அலுவலகங்கள் மற்றும் சாலை வசதிகள் இன்னும் முழுமையடையாமல் இருப்பது சுட்டிக்காட்டப்படுகிறது. போதிய மருத்துவ வசதிகள் இல்லாததால் மக்கள் வேலூரை நோக்கிச் செல்ல வேண்டிய அவல நிலை நீடிக்கிறது. நீர்நிலைகள் ஆக்கிரமிப்பால் பாதிக்கப்பட்டுள்ளதும், பெரிய தொழிற்சாலைகள் இல்லாததால் இளைஞர்கள் பெங்களூரு மற்றும் வேலூருக்கு வேலை தேடிப் புலம் பெயருவதும் திருப்பத்தூர் மக்களின் பிரதான புகார்களாகப் பட்டியலிடப்பட்டுள்ளன.

தேர்தல் புள்ளிவிவரங்களைப் பார்த்தால், 2021-ல் திமுக 52 சதவீத வாக்குகளைப் பெற்றது, அது 2024-ல் 49 சதவீதமாகச் சற்றே சரிந்துள்ளது. அதிமுக 2021-ல் 37 சதவீத வாக்குகளைப் பெற்ற நிலையில், 2024-ல் 38 சதவீதமாகத் தனது செல்வாக்கை உயர்த்தியுள்ளது. பூத் அளவில், 2021-ல் திமுக 120 பூத்களில் வலுவாக இருந்தது, 2024-ல் 130 ஆக உயர்ந்துள்ளது. அதிமுக 2021-ல் 89 பூத்களில் வலுவாக இருந்த நிலையில், 2024-ல் 80 பூத்களாகக் குறைந்துள்ளது. சுமார் 24 பூத்கள் ஸ்விங் நிலையில் உள்ளன.

2026 தேர்தல் கணிப்பின்படி, திருப்பத்தூரில் திமுக 135 வாக்குச்சாவடிகளில் வலுவாக உள்ளது. அதிமுக 90 வாக்குச்சாவடிகளில் தனது பலத்தைக் கொண்டுள்ளது. சுமார் 45 வாக்குச்சாவடிகள் யாருக்கு வேண்டுமானாலும் மாறக்கூடிய ஸ்விங் பூத்களாக உள்ளன. கான்சிலிடிக்ஸ் குழுவின் முடிவுகளின்படி, 2026-ல் அதிமுக 31 சதவீத வாக்குகளைப் பெறும் எனத் தெரிகிறது. திமுக 37 சதவீத வாக்குகளைப் பெற்று மிகவும் வலுவாக முன்னிலை வகிக்கிறது. தவெக மற்றும் நாம் தமிழர் கூட்டணி 25 சதவீத வாக்குகளைப் பெற வாய்ப்புள்ளது. வெற்றி வித்தியாசம் சுமார் 6 சதவீதமாக இருக்கும் என்பதால், திமுக தனது கோட்டையைத் தக்கவைக்க அதிக வாய்ப்புள்ளது.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.