“நாம் எதிர்பார்த்த அளவுக்கு மழை இல்லை.. ஆனாலும் ..” - அமைச்சர் கே.கே.எஸ்.எஸ்.ஆர் ராமச்சந்திரன் பேட்டி!

வங்காள விரிகுடாவில் உருவாகி,சென்னைக்கு தெற்கே 220 கி.மீ தூரத்திலும் இலங்கை யாழ்ப்பாணத்திற்கு கிழக்கே 170, கி.மீ தூரத்திலும் டித்வா புயல் மையம் கொண்டுள்ளது.

வங்கக்கடலில் உருவாகி இருக்கும் டித்வா புயல் சென்னைக்கு 180 கிமீ தூரத்திற்கு தெற்கு திசையில் மையம் கொண்டுள்ளது. இந்த டித்வா புயல் முதலில் 7 கி.மீ வேகத்தில் நகர்ந்து வந்த சூழலில், தற்போது 5 கி.மீ வேகத்தில் நகர்ந்து வருகிறது. 

அதேபோல் சென்னை உட்பட தமிழ்நாட்டின் 18 மாவட்டங்களில் மழை தொடரும் என்று வானிலை ஆய்வு மையம் அறிவித்துள்ளது. இதனால் பேரிடர் மேலாண்மை குழு தயார் நிலையில் வைக்கப்பட்டுள்ளது. இந்த நிலையில் அமைச்சர் கே.கே.எஸ்.எஸ்.ஆர் ராமச்சந்திரன் மாநில பேரிடர் மேலாண்மை கட்டுப்பாட்டு மையத்தில் நேரடியாக ஆய்வு மேற்கொண்டார். அதன்பின் செய்தியாளர்களை சந்தித்த கே.கே.எஸ்.எஸ்.ஆர் ராமச்சந்திரன் பேசுகையில், “சென்னை, கடலூர், விழுப்புரம் உள்ளிட்ட பகுதிகளில் கனமழை பெய்யும் என்று கணிக்கப்பட்டிருந்தது. ஆனால் புயலின் திசை, வேகம் மற்றும் அமைப்பு மாறியதால், எதிர்பார்த்த அளவிற்கு மழை பெய்யவில்லை. ஆனாலும் புயலின் அடுத்தக்கட்ட தாக்கம் குறித்து எச்சரிக்கையாக இருக்க வேண்டும். டித்வா புயலால் பெய்து வரும் கனமழை காரணமாக தமிழ்நாட்டில் இதுவரை 3 பேர் உயிரிழந்திருக்கின்றனர்.   தூத்துக்குடி மற்றும் தஞ்சாவூரில் தலா ஒருவர் சுவர் இடிந்து உயிரிழந்துள்ளனர். மயிலாடுதுறையில் மின்சாரம் தாக்கி ஒருவர் உயிரிழந்திருக்கிறார். அதேபோல் தமிழ்நாட்டில் மொத்தமாக 56 ஆயிரம் ஹெக்டேட் அளவிலான விளை நிலங்கள் வெள்ளத்தில் மூழ்கியுள்ளன. தமிழ்நாடு முழுவதும் 38 நிவாரண மையங்கள்நடைமுறையில் உள்ளன. அதில் 2,393 பேர் பாதுகாப்பாக தங்க வைக்கப்பட்டுள்ளனர். உணவு, குடிநீர், மருத்துவ வசதிகள் செய்யப்பட்டுள்ளன.” என அவர் தெரிவித்தார்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.