“ஜனநாயகன் விஜயா? ஜோசப் விஜயா? உங்களுக்கும் பாஜக -விற்கும் என்னங்க வித்யாசம்!? -சரமாரியாக கேள்வி எழுப்பிய லயோலா மணி!!

2026 -ஆவது சட்டமன்ற தேர்தல் தமிழக அரசியல் களத்தில் மிகப்பெரும் தாக்கத்தை ஏற்படுத்தும் என்றே சொல்லலாம். இந்த தேர்தல் களத்தில் புது வரவு என்றால் அது ‘தமிழக வெற்றி கழகம்’ தான். விஜய்யின் அரசியல் பிரவேசம், ஆதவ் அர்ஜுனா பிரஷாந்த் கிஷோர் ஆகியோரின் பங்களிப்பு என தமிழக வெற்றி கழகம் நல்ல ஒரு பப்ளிசிட்டி யோடே களம் காண உள்ளது.

சின்ன ரீவைண்ட்..!

விஜய் அரசியலில் குதிப்பார் என்று நினைத்தது இன்று நேற்றல்ல 2013 ஆம் ஆண்டு தலைவா படம் வெளியாகி “time to lead” என கேப்ஷன் வைத்து அதற்காக அன்றைய முதல்வர் ஜெயலலிதாவை கடுப்பேற்றி மன்னிப்பு கேட்ட விவகாரமெல்லாம் அவரின் அரசியல் பிரவேசத்தை உறுதிப்படுத்தின. ஆனால் அவரோ “ஓடு மீன் ஓட உறுமீன் வருமென” காத்திருந்த கொக்குபோல  காத்திருந்து அரசியலில் குதித்துள்ளார்.

அரசியல் எதிரியாக திமுக -வையும் கொள்கை எதிரியாக பாஜகவையும் முன்னிருத்தி தன் அரசியல் பயணத்தை துவங்கியுள்ளார்.

அடுத்தடுத்து எழும் விமர்சனங்கள்!

அவரது அரசியல் பிரவேசம் உண்மையில் தமிழகத்தில் பெரும் மாற்றத்தை ஏற்படுத்தியுள்ளது என்பதை மறுக்க முடியாது.  இந்த சூழலில்தான் விஜய் தனது கடைசி படமான  ஜனநாயகன் படம் வெளியாக உள்ளது இந்நிலையில்தான், அவரை தவெக தொண்டர்கள் JV  என அழைக்க தொடங்கினர், அது தற்போது சர்ச்சையாகி உள்ளது. JV -என்றால் ஜோசப் விஜய் என அர்த்தம், விஜய் ஒரு சாராராக இயங்குகிறாரா என்ற சர்ச்சை எழுந்த வண்ணம் இருந்தது. 

இந்நிலையில் அந்த கட்சியின் கொள்கை இணை பரப்பு செயலாளர் லொயோலா மணி தனியார் யூடியூப் சேனலுக்கு பேட்டி அளித்திருந்தார்.அதில் அவர் பேசும்போது, அவரிடம்  JV சர்ச்சை பற்றி கேள்வி எழுப்பப்பட்டது, அதற்கு “அவர் ஜனநாயகத்தை காப்பதற்கு வந்தவர், அதனால் தான் அவரை ஜனநாயகன் விஜய் என அழைக்கிறோம், இந்த ஜோசப் விஜய் என்ற சொல்லாடல் எல்லாம் முற்றிலும் தவறானது. இதே வார்த்தைகளைத்தான் எச்.ராஜா சொன்னார், உங்களுக்கும் பாஜக -விற்கும் என்ன வேறுபாடு. சமூக நீதி, சமூக நீதி என்ற வார்த்தைகளை தொடர்ந்து சொல்லும் திமுக பேருக்காவது சமூக நீதியை நிலைநாட்டியிருக்கிறதா? 1100 நாட்கள் ஆகிறது பரந்தூர் விவசாயிகள் நிலைகுறித்து அவர்களுக்கு என்ன தெரியும், வேங்கை வயலில் அவர்கள் செய்தது என்ன? எதுவும் கெடையாது, ஆனால் அவர்கள் தவெக -வை எதிர்ப்பதில் போடும் குறைந்த பட்ச முயற்சியை மக்கள் நலனில் காட்டியிருக்கலாம். இவர்க்ளும் பாஜக -வை போலத்தான், என பேசியிருந்தார்.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்