.png)
மதுராந்தகம் சட்டப்பேரவைத் தொகுதி இடைத்தேர்தலை முன்னிட்டு, தமிழக வெற்றிக் கழகத்தின் தேர்தல் பணிக்குழு அலுவலகத்தில் செப்டம்பர் 19-ஆம் தேதி நடைபெற்ற பாக முகவர்கள் கலந்தாய்வுக் கூட்டத்தில் அமைச்சர்கள் ஆனந்த், ஆதவ் அர்ஜுனா ஆகியோர் பேசினர்.
தவெகவுக்கு எதிரான விமர்சனங்களுக்கு பதிலளித்த அவர், பட்டினப்பாக்கம் விவகாரத்தில் முதல்வர் இறுதி முடிவை எடுக்கவில்லை எனப் பேசியிருந்தார். இதற்கு கடும் எதிர்ப்புகள் எழுந்தன. முதல்வர் முடிவெடுக்காமல் எப்படி அரசாணை வெளியானது எனக் கேள்வி எழுப்பப்பட்டது.
ஆட்சிக்கு ஆதரவளிக்கும் இடதுசாரிக் கட்சியினர், முதல்வர் முடிவெடுக்காமல் அரசாணை வெளியானது என்றால், அதற்குக் காரணமான அதிகாரி மீது நடவடிக்கை எடுக்க வேண்டும் என்று கூறினர். மார்க்சிஸ்ட் கம்யூனிஸ்ட் கட்சித் தலைவர் பெ. சண்முகம், ஆதவ் அர்ஜுனாவின் பேச்சு சமாளிப்பதாகவே அமைந்ததாகக் கூறினார்.
இதைத் தொடர்ந்து, ஆதவ் அர்ஜுனா பேசிய மற்றொரு கருத்தும் சர்ச்சையை ஏற்படுத்தியிருக்கிறது. பரந்தூர் விமான நிலையத் திட்டத்தைக் கைவிட்டது குறித்து பேசிய அவர், "பரந்தூர் விமான நிலையம் வர வேண்டும் என்று நினைத்த பல தொழிலதிபர்கள் எத்தனை கோடி வேண்டுமானாலும் ஊழல் செய்யத் தயாராக இருந்தனர். திட்டத்தை ரத்து செய்யவில்லை என்றால், எத்தனை கோடி வேண்டுமானாலும் கட்சி நிதி கொடுத்திருப்பார்கள்" என்று கூறினார்.
“தேர்தலுக்கு முன்பு நான் விவசாயிகளின் கண்ணீரைத் துடைப்போம் என்றேன். முதலமைச்சர் விமான நிலையத் திட்டத்தைத் தூக்கிப்போட்டார்” என்றார்.
இந்தப் பேச்சைக் குறிப்பிட்டு, நெட்டிசன்கள், “ஊழல் செய்ய முன்வந்த தொழிலதிபர்கள் யார்? எவ்வளவு கொடுக்க முன்வந்தனர்? லஞ்சம் கொடுக்க முயன்றதாக அவர்கள் ஏன் கைது செய்யப்படவில்லை?” எனக் கேள்விகளை எழுப்பி வருகின்றனர்.
உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்
