அடித்து நொறுக்கிய ‘டித்வா’ புயல்.. அவசர நிலையை பிரகடனப்படுத்திய இலங்கை அரசு..!

டித்வா புயல் கடந்த ஆறு மணி நேரத்தில் 8 கி.மீ வேகத்தில் சென்னையை நோக்கி நகர்ந்து வருகிறது. இந்த புயல் வலுவிழந்து  ஆழ்ந்த காற்றழுத்த தாழ்வு நிலையாக சென்னையில் நாளை மையம் கொள்ளும் என அறிவிக்கப்பட்ட நிலையில் இன்று  விட நாளை சென்னையில் மழையின் தாக்கம் அதிகமாக இருக்கும் என கணிக்கப்பட்டுள்ளது. மேலும் கடலோர பகுதிகளில் அதிக காற்று வீசக்கூடும் எனவும் கடல் சீற்றத்துடன் காணப்படும் உணவு தெரிவித்திருக்கின்றனர்.

ஆனால் இந்த புயல் இந்தியாவை விட இலங்கையை மிக மோசமாக பாதித்திருக்கிறது. இலங்கை வரலாறு காணாத மழைபொழிவை கொண்டுள்ளது.  இன்று மதிய நிலவரப்படி  யாழ்ப்பாணம் இலங்கைக்கு கிழக்கே சுமார் 80 கிமீ, வேதாரண்யம் (இந்தியா) க்கு தென்கிழக்கே 140 கிமீ, காரைக்காலுக்கு (இந்தியா) 170 கிமீ, புதுச்சேரிக்கு (இந்தியா) 280 கிமீ தெற்கு-தென்கிழக்கே மற்றும் சென்னைக்கு தெற்கே 380 கிமீ. (இந்தியா). தொலைவில் உள்ளது. 

இலங்கையை சுருட்டி எடுத்த இந்த புயல் இன்று காலை தான் அந்நாட்டின் எல்லையை கடந்து இந்தியாவிற்கு நகர்ந்துள்ளது.  இத்தகு மோசமான சூழலில்தான் இலங்கையின் முக்கிய நகரங்கள் வெள்ளத்தில் மூழ்கியுள்ளதால் நேற்று நடைபெற்ற அனைத்துக் கட்சிக்கூட்டத்தில் அந்நாட்டின் எதிர்க்கட்சிகள் உடனடியாக "அவசரநிலை" அறிவிக்க வேண்டுமென அதிபர் அநுர குமார திசநாயகவிடம் வலியுறுத்தினர்.

இதனைத் தொடர்ந்து, அவசரநிலைச் சட்டத்தின் அடிப்படையில் உடனடியாக இலங்கையில் வெள்ளம் மற்றும் நிலச்சரிவு பாதித்த பகுதிகளில் ராணுவம், காவல் துறை உள்ளிட்ட பாதுகாப்புப் படையினரும், மருத்துவப் பணியாளர்களும் அனுப்பப்பட்டு மீட்புப் பணிகளில் ஈடுபடுத்த அறிவுறுத்தியுள்ளனர். இதனால போர்க்கால அடிப்படையில் அங்கு பணிகள் நடைபெற்று வருகின்றன.

உள்ளூர் முதல் உலகம் வரை பரபரப்பான ஹாட் செய்திகளை உடனுக்குடன் அறிய மாலைமுரசு யூடியூப் சேனலை காண இங்கே கிளிக் செய்யவும்.